1 Samuel 3:17

Ñanderuete Ñe’ẽ Porã 2015

Ha Eli he’i: Mba’eichagua ñe’ẽpa oje’éra’e ndéve. Ajerure ndéve anítei reñomi chehegui mba’eve; Ñanderuetépe tandehavira ha tombojoapyve reñomi ramo chehegui peteĩ mba’emínte jepe oje’eva’ekue guive ndéve.

Referencias Cruzadas

2 Samuel 14:18

Upéramo David he’i pe kuñáme: Che ajerure ndéve ani reñomítei chehegui mba’evete amba’eporandútava ndéve. Ha pe kuña he’i: Eñe’ẽ che jára, che retã ruvicha.

2 Samuel 19:13

Pejéta avei Amasápe: Nde piko ndaha’éi avei che kangue ha che ro’o. Ndoikói ramo ndehegui soldádo ruvicha che renondépe, opaite ára peve, Joab rendaguépe, Ñanderuete tachenupã nupã.

2 Samuel 3:35

Upéramo mayma tetãyguakuéra ou David rendápe ha he’i ichupe okaru hag̃ua, ohasa mboyve pe ára. David katu ome’ẽ iñe’ẽ he’ívo ichupekuéra: Ñanderuete tachehavira ha tombojo’ave avei, che ha’u ramo pan térã oimeraẽ mba’e oike mboyve pe kuarahy.

2 Samuel 3:9

Ñanderuete tachehavira, che Abner, naipytyvõi ramo ko ára guive Davídpe ha ajapopáta David rehehápe opaite mba’e Ñanderuete voi oprometeva’ekue guive he’ívo:

1 Réyes 22:16

Ha tetã ruvicha he’i ichupe: Araka’e pevépa ha’eva’erã ndéve remombe’u hag̃ua chéve pe añetegua, Ñanderuete rérape.

2 Réyes 6:31

Ha ha’e he’i: Ñanderuete tachenupã ha tachehavirave Eliséo, Safat ra’y akã opyta ramo hete rehe ko ára kóvape.

Salmokuéra 141:5

Peteĩ heko potĩva chehavira ramo, cherayhúgui, ha cheavisa ramo péva ningo mba’e ryakuã porãva che akãme g̃uarã, tamokõ porã che umi mba’e ha tañembo’e ani hag̃ua che amyengovia mba’evai rehe.

Jeremías 38:14

Upéi tetã ruvicha Sedequías omondo hembiguáipe Jeremías rendápe, ojegueru hag̃ua ichupe tetã ruvicha renondépe, Ñanderuete róga rokẽ mbohapyha ypýpe. Ha tetã ruvicha he’i Jeremíaspe: Aporandu porãse ndéve ha aníke reñomi chehegui mba’evete.

Jeremías 42:4

Ha Jeremías he’i ichupekuéra: Iporã ningo. Che añembo’éta Ñanderuete, Ñandejárape, peje haguéicha, ha opaite mba’e Ñanderuete he’iukáva guive peẽme, che nañomimo’ãi mba’evete pendehegui.

Daniel 4:19

Upéramo Daniel, hérava Beltsasar, opyta are ijurujái, ha omyangekõi ichupe pe iñakãme og̃uahẽva. Pe tetã ruvicha oñe’ẽ katu ichupe ha he’i: Beltsasar, ani nemyangekõi pe ke peguare he’iséva. Ha Beltsasar he’i ichupe: Nde, che jára, nde ke pegua toiko nderehe ija’e’ỹvare, ha upe he’iséva tojehu umi oñemoĩvape nderehe.

Miquéas 2:7

Jacóbo róga oñemoangapyhy ko’ã ñe’ẽ rupi: Opa piko Ñanderuete paciéncia térãpa peichagua tembiapo vai Ha’e ojapose. Ndoiko porãi nga’u piko Ha’e heko porãva ndive.

Números 23:17

Ha ou jevy hendápe, ha péina ha’e oĩhína ikuave’ẽmby renda ypýpe ha hendive oĩ Moab karai ancianokuéra; ha Balac he’i ichupe: Mba’épa he’i Jahve (nde Ruete).

Matéo 26:63

Hesu katu okirirĩ. Ha pe pa’iguasu he’i ichupe: Che romoñe’ẽme’ẽ Ñanderuete oikovéva rérape, ere hag̃ua oréve ndépa pe Crísto, Ñanderuete Ra’y.

Rut 1:17

Nde remanoháme amanova’erã che, ha upépe cheñotỹva’erã avei, Ñanderuetépe tachemaldeci che apoíta ramo ndehegui, pe mano añoite ningo ñandepe’ava’erã ojuehegui.

1 Samuel 14:44

Ha Saul he’i: Ñanderuete tachehavira pohýi, che ndorojukái ramo, Jonatan, añetehápe nde remanova’erã.

1 Samuel 20:13

Ha oime ramo che ru ojapose ivaíva nderehe, Ñanderuete tachehavira, ha tombojo’apyve mba’evai che ári namombe’úi ramo ndéve, ha noroipytyvõi ramo reho hag̃ua angapytu’upópe. Ñanderuete toĩ nendive, oĩ haguéicha che ru ndive.

1 Samuel 25:22

Ñanderuete tachehavira ha avei tombojoapyve gueteri chéve ijehavira nahundipáirõ ko’ẽ meve opaite kuimba’e oikovéva guive Nabal ndive.

1 Samuel 3:16

Eli katu ohenói Samuélpe, ha he’i ichupe: Che ra’y, Samuel, ha ha’e ombohovái, na’ápe aĩ.