1 Samuel 3:13

Ñanderuete Ñe’ẽ Porã 2015

Ha ahechaukáta ichupe, Che ambojovaketaha iñemoñarenguérape opaite árape, pe aña reko ha’e voi oikuaamava’ekue rehe: Ita’yrakuéra oñe’ẽ vai cherehe, ha ha’e ndojokói ichupekuéra.

Referencias Cruzadas

1 Réyes 1:6

Ha itúva araka’eve nomomba’e ñembyasýi ichupe oikove aja pukukue, he’ívo ichupe: Mba’érehepa péicha rejapo. Adonías rova iporãiterei, ha’e onace Absalon rire.

1 Réyes 2:44

Tetã ruvicha he’i avei Simeípe: Nde reikuaa voi opaite mba’evai oĩva nde py’apýpe, ha rejapova’ekue che ru David rehe, Ñanderuete ombou ko’ã mba’evai ne akã ári.

2 Crónicas 20:12

Ore Jaratee, nerembojovakéipa ichupekuéra. Orepype ningo ndaipóri mbarete, ore rombopoguy hag̃ua pe aty tuichaitévape; ndoroikuaái mba’épa rojapóta; upévare rojerure Nde rema’ẽ hag̃ua orerehe.

Mga Kawikaan 19:18

Ehavira nde ra’ýpe imitã aja, ne ánga katu ani ipochyeterei ojuka hag̃uáicha ichupe.

Mga Kawikaan 29:15

Pe jehavira ha tekombo’e ome’ẽ arandu, ha oñeme’ẽrõ peteĩ mitãrusúpe ha’e oipotáva guive ha’e omotĩva’erã katuete isýpe.

Eclesiástes 7:22

Eikuaa porãke nde voi remaldeci hague avei, nde py’apýpe, heta jevy nde rapichápe.

Ezequiel 18:30

Upévare Che pombojovakéta peteĩteĩvape pene rembiapo rupi, nde Israel retã, he’i pende Ruete. Peñembyasy añetehápe ha pepoi pene rembiapo vaígui ha pene ñaña rekógui ha napeñehundimo’ãi.

Ezequiel 7:3

Ág̃a og̃uahẽtama pende ára paha, ha añohẽta pendeári che pochy, ha ambojovakéta pende reko vai; ha pendeári amoĩmbaitéta opaite pene rembiapo vaikue.

Joel 3:12

Topáy umi tetã ha tou joa Josafat ñúme (vállepe), upépe Che aguapýta ambojovake hag̃ua opaite tetãnguérape oikóva guive Israel jerekuévo.

Matéo 10:37

Upe ohayhuvéva itúva térã isýpe chehegui; ndaikatúi oiko che reheguáva ramo ha upe ohayhuvéva ita’ýra térã itajýra chehegui ndaikatúi oiko che reheguáva ramo.

Deuteronómio 17:12

Ha pe tapicha oñembotuicha ramo, ha ndojaposéi ramo umi pa’i ni pe mbojovakehára ñe’ẽ he’íva, tojejuka pe tapichápe upéichamante reipe’áta pe mba’evai Israelguakuéra apytégui.

Deuteronómio 21:18

Oime ramo ita’ýra oñembopy’ahatã mba’evai apópe, ha iñe’ẽrendu’ỹva itúva ha isýpe, ha ohaviráma ramojepe, ndojapói pe oje’éva ichupe ha oñemoĩ tapia itúva ha isýre,

1 Juan 3:20

Ñande py’apyñe’ẽ ñanemoĩ vaisérõ Ñanderuete renondépe, imborayhu ituichave ñande py’apyñe’ẽgui, Ha’e oikuaapágui voi ñande py’apýpe oĩva guive.

1 Samuel 2:12

Eli ra’ykuéra ningo kuimba’e iñañáva ha ndojeroviáiva Ñanderuete rehe.

1 Samuel 2:17

Péicha Eli ra’ykuéra ombohetaiterei hi’angaipa Ñanderuete renondépe; nomomba’éigui Ñanderuete kuave’ ẽmby.