1 Samuel 28:3

Ñanderuete Ñe’ẽ Porã 2015

Samuel omanóma ha mayma Israelgua oguerombyasýkuri, ha oñotỹ hikuái ichupe itáva Ramápe. Ha Saul oitypa Israel retãpýgui umi ohenóiva ãnguépe ha umi imba’ekuaávape.

Referencias Cruzadas

Éxodo 22:17

Ha itúva nome’ẽséi ramo, ha’e ome’ẽva’erã hese pirapire kuñataĩ imarã’ỹva menda repy ovale háicha.

Éxodo 22:18

Kuña paje apoha nderehejaiva’erã oikove tetãpýpe.

Levítico 19:31

Aníke peho paje apohára térã oha’yvõva rendápe; ni pemba’eporandútei anguerape; ỹrõ peẽ peñemongy’áta avei hendivekuéra. Chénte Jahve, pende Jára.

Levítico 20:27

Ha pe kuimba’e térã pe kuña ohenói ramo omanóva ãngue térã oiko ramo ta’yvõhára ramo, omanova’erã; ojejukava’erã itápe; iñangaipa ojeruréma huguy (imanóre).

Levítico 20:6

Ha upe oñemongy’áva ohendúvo paje apohakuérape térã pe ohenóiva ãnguépe Che voi añemoĩta hese, ha ahundíta ichupe hetãyguakuéra apytégui.

1 Samuel 15:23

Pe iñe’ẽrendu’ỹva hembiapo vai ku paje apohára rembiapóicha, ha pe tapicha ojaposéva hapicha rembipota teévante ojapo vai omomba’eguasúrõ guáicha jára gua’úpe. Nde remboyke haguéicha Ñanderuete ñe’ẽ, Ha’e nemboykéma avei, anivéma hag̃ua reiko tetã ruvicha ramo.

1 Samuel 25:1

Samuel omano ha mayma Israelgua, oñembyaty oguerojahe’o hag̃ua ichupe; ha oñotỹ hikuái ichupe hóga ykére, Ramápe. Ha opu’ã David ha oho Paran desiértope.

1 Samuel 28:9

Ha pe kuña he’i: Eikuaa porãke, Saul oipe’aha yvy árigui umi ohenóiva ãnguépe ha imba’ekuaávape. Mba’érehe piko remoĩ ñuhã che rekovépe chejukauka hag̃ua.

1 Samuel 7:17

Upéi ojevy Ramápe, oĩháme hóga, ha upépe ombojovake avei Israelguakuérape; upépe omopu’ã peteĩ kuave’ẽmby renda Ñanderuetépe g̃uarã.