1 Samuel 26:8

Ñanderuete Ñe’ẽ Porã 2015

Upéramo Abisai he’i Davídpe: Ko árape Ñanderuete omoĩma nde pópe nderehe ija’e’ỹvape; ehejána chéve taikutu peteĩ jevýnte ijyvyra puku akuápe, ha natekotevẽmo’ãi aikutu jevy.

Referencias Cruzadas

2 Samuel 16:9

Upémaramo Abisai, Sarvia memby, he’i tetã ruvichápe: Mba’érehe piko ko jagua re’õngue oñe’ẽvai che jára, che retã ruvicha rehe. Ajerure ndéve ehejána tahasa ha tañakã’o.

Salmokuéra 31:8

Nachemoĩri cherehe ija’e’ỹva pópe, remoĩ uvei che pykuéra yvy hatãvape.

Jeremías 40:15

Upéramo Johanan, Carea ra’y, he’i ñemiháme Gedalíaspe, oĩva Mizpápe: Che aháta ajuka hag̃ua Ismael, Netanías ra’ýpe, ha avave ndoikuaamo’ãi. Mba’érehepa ha’e ndejukáta, ha mayma umi Judaygua ijatyva’ekue guive nde ypýpe isarambipa jevýta, ha Juda rembyremi opáta.

Nahum 1:9

Mba’épa pejepy’amongeta pende py’apýpe pende Ruete rehe. Ha’e ohundipáta, natekotevẽi ohavira mokõi jevy umi hese oñemoĩvape.

Romayguakuérape 11:32

Ñanderuete ombyatypa opavavépe pe ñe’ẽrendu’ỹ poguýpe, oiporiahuvereko hag̃ua opavavépe.

Deuteronómio 32:30

Mba’éichapa peteĩ ikatu omuña 1.000-pe, ha mokõi omuñakuaa 10.000-pe, Israel ndohechakuaái Ñanderuete opoiha ichuguikuéra ha ome’ẽtaha ichupekuéra hese ija’e’ỹva pópe.

Josué 21:44

Ha Ñanderuete ome’ẽ ichupekuéra pytu’u ijerekue rehe, opromete haguéicha ituvakuérape; ha hesekuéra ija’e’ỹvakuéra ndaikatúi oñemoĩve hesekuéra, Ñanderuete ome’ẽmbágui ipópe hesekuéra ija’e’ỹvakuérape.

Juéces 1:4

Juda oho, ha Ñanderuete omoĩ ipópe umi Canaangua ha Ferezguápe; ha ojuka hikuái Bezécpe 10.000 ikuimba’épe.

1 Samuel 23:14

Ha David oho opyta hag̃ua peteĩ cérrope oĩva Zif desiértope; ha Saul oheka rei ichupe, Ñanderuete nome’ẽigui ichupe ipópe.

1 Samuel 24:4

Upéramo iñirũnguéra he’i Davídpe: Eikuaa porãke kovaha pe ára Ñanderuete he’imava’ekue ndéve: Péina nde pópe amoĩ nderayhu’ỹvape, ejapo hese rejapose háicha. Ha David opu’ã kirirĩháme ha oikytĩ Saul ahoja rembe’ýgui peteĩ pehẽnguemi.

1 Samuel 24:5

Ko’ã mba’e rire David py’apyñe’ẽ oavisa pohýi ichupe oikytĩ haguére Saul ahoja pehẽnguemi.

1 Samuel 26:23

Ha Ñanderuete tomyengovia opavavépe oiko haguéicha, Ñanderuete nemoĩ ramojepe che pópe, che ndaipysoséi che po Ha’e oiporavova’ekue rehe.

1 Samuel 26:7

Upéicha David ha Abisai oho upe pyharépe Saul oĩháme; ha péina Saul ojepyso okehápe, ha ijyvyra puku akua ojekutu yvy rehe iñakã gotýo; ha Abner ha opaite isoldadokuéra iñasãi joa ijerekuévo.

1 Samuel 26:9

David katu he’i Abisaípe: Anítei rejuka ichupe. Oimeraẽ omopu’ãva ipo Ñanderuete oiporavova’ekuére ojehavirava’erã katuete.