1 Samuel 26:11

Ñanderuete Ñe’ẽ Porã 2015

Ñanderuete anítei oheja che aipyso che po Ha’e voi oiporavova’ekue rehe. Eraha katu ijyvyra puku akua oĩva iñakã gotýo, hi’y ryru avei ha jaha.

Referencias Cruzadas

2 Samuel 1:14

Ha mba’éicha piko nderekyhyjéi remopu’ã hag̃ua nde po ha rejuka hag̃ua Jahve rembiporavopyrépe.

2 Samuel 1:16

Ha David he’i ichupe: Nde ruguýnte toĩ ne akã ári, nde juru rupi voi reñembojovakéma erévo: Che ajuka Ñanderuete rembiporavopyrépe.

2 Samuel 19:22

Upémaramo David he’i: Mba’éiko che areko nendive Sarvia memby, ko árape reiko cherehe ija’e’ỹva ramo chepy’ara’ã hag̃ua. Omanova’erã piko ko árape peteĩ Israelgua, reimo’ã piko che ndaikuaaiha ko árape apyta jevyha Israel retã ruvicha ramo.

Salmokuéra 17:4

Ne ñe’ẽ rupi che ajejoko anítei hag̃ua che ajapo avei yvyarigua rembiapo vai térã aguata jukahára rape rupi.

Romayguakuérape 12:17

Ani pemyengovia avavépe ivaíva ivaívare, peñeha’ãmba katu pejapo hag̃ua mba’e iporãva opavavépe g̃uarã.

Romayguakuérape 12:19

Che hermanokuéra pohayhúva, ani peñevenga peẽ voi pende rapicha rehe, pemoĩmba katu Ñanderuete pópe. Ojehai voi Ñanderuete kuatiañe’ẽme: Che avengáta ha amyengoviáta opavave rembiapo vaikue, (Deuteronómio 32,35).

1 Pédro 3:9

Ani pemyengovia ivaíva, ivaíva rehe, térã ñe’ẽvai, ñe’ẽvai rehe, pehovasa uvei, upevarã peñehenóikuri, ha upéichamante Ñanderuete ikatu penderovasa avei.

1 Samuel 12:3

Ápe aĩ, peñe’ẽke cherehe Ñanderuete renondépe ha pe Ha’e oiporavova’ekue renondépe, omonávo ichupe acéitepe, oime ramo añemomba’e rei pende guéi térã pende búrro rehe térã oime ramo che añe’ẽ pohýi rei térã ajahéi rei peteĩva rehe, térã ajapyhy pirapire ajehesa mboty hag̃ua, umíva tou ha tomombe’u, ha che amyengoviapaitéta ichupekuéra.

1 Samuel 24:12

Ñanderuete tombojovake che rekove ha nde rekove apytépe; Ha’émante omyengoviapáta ndéve g̃uarã che rendaguépe, che katu namopu’ãmo’ãi che po nderehe araka’eve.

1 Samuel 24:4

Upéramo iñirũnguéra he’i Davídpe: Eikuaa porãke kovaha pe ára Ñanderuete he’imava’ekue ndéve: Péina nde pópe amoĩ nderayhu’ỹvape, ejapo hese rejapose háicha. Ha David opu’ã kirirĩháme ha oikytĩ Saul ahoja rembe’ýgui peteĩ pehẽnguemi.

1 Samuel 24:6

Ha he’i iñirũnguérape: Ñanderuete tachepytyvõ ani hag̃ua ajapo umi mba’evai che jára rehe, Ñanderuete omonava’ekue acéite rehe (oiporavova’ekue), ani hag̃ua amopu’ã che po hese, Ñanderuete voi oiporavo haguére ichupe.