1 Samuel 26:10

Ñanderuete Ñe’ẽ Porã 2015

David he’i avei: Ñanderuete rérape ha’éta, ipo voi tojapi ichupe, térã tog̃uahẽ hi’ára omano hag̃ua, térã tomano ñorãirõme.

Referencias Cruzadas

Genesis 47:29

og̃uahẽ pe ára Israel (Jacóbo) omano hag̃ua, upévare ha’e ohenoiuka ita’ýra Josépe, ha he’i ichupe: Ajohu ramo py’aporã nde resa renondépe, ajerure ndéve remoĩ hag̃ua nde po che retyma poguasu guýpe, ha eme’ẽ chéve ne ñe’ẽ nacheñotỹmo’ãiha ko Egípto retãme.

Job 14:14

Kuimba’e ha kuña omano ramo, oikove jevýtapa; upéicharamo che rekove pukukue aha’ãrõta opa peve che jehasa asy, ha og̃uahẽ meve umi opytátava che rendaguépe.

Job 14:5

Añetehápe, Nde voi ere kuimba’e ha kuñakuérape mboy ára térã mboy jasy pevépante oikova’erã. Hi’arakuéra ojepapa porãma voi, ha avave ndohasamo’ãi umi ára nde remoĩmava’ekue ichupe.

Job 7:1

Ndojoguái piko kuimba’e rekove ko soldádo rembiapópe térã umi omba’apóvape estánciape.

Salmokuéra 37:10

Ndahi’aremo’ãvéima ha umi iñañáva ndoikomo’ãvéi, ha rema’ẽ jevy ramo ha’ekuéra oiko haguépe ndaiporimo’ãvéima avave.

Salmokuéra 37:13

Ñandruete katu opukáta hesekuéra, oikuaa porãgui hi’ára paha og̃uahẽtaha.

Salmokuéra 94:23

Ñanderuete oity jevýta hi’arikuéra hembiapo vai, oiko vai haguére, Ñanderuete voi ohundipáta ichupekuéra.

Eclesiástes 3:2

Ñanace hag̃ua hi’ára, ha ñamano hag̃ua hi’ára; ñañotỹ hag̃ua hi’ára, ha ñamono’õ hag̃ua hi’ára;

Lúcas 18:7

Ha Ñanderuete piko nombojovakeichéne hembiporavo ha hese ija’e’ỹva pa’ũme, hembiporavo ojerure ramo ichupe ára ha pyharépe, ombojovake hag̃ua hekópe ipa’ũme, Ñanderuete hi’arénepa ombojovake hag̃ua.

Romayguakuérape 12:19

Che hermanokuéra pohayhúva, ani peñevenga peẽ voi pende rapicha rehe, pemoĩmba katu Ñanderuete pópe. Ojehai voi Ñanderuete kuatiañe’ẽme: Che avengáta ha amyengoviáta opavave rembiapo vaikue, (Deuteronómio 32,35).

Deuteronómio 31:14

Ha Ñanderuete he’i Moiséspe: Péina ápe hi’ag̃uíma remano hag̃ua; ehenói Josuépe ha peha’ãrõ pe óga jojohuhápe amoĩ hag̃ua ichupe ne rendag̃uáme (icárgope). Ha Moises ha Josue oho oha’ãrõ hag̃ua pe óga jojohuhápe.

Deuteronómio 32:35

Che ahepyme’ẽ (avenga) ha amyengovia tetãyguakuéra rembiapokue rehe; hi’araitépe ipysyrýiva’erã, hi’ag̃uíma ijepy’apy ára, ha umi mba’e oñembosako’íva ichupe g̃uarã og̃uahẽmbotáma.

hebreoyguakuerape 10:30

Jaikuaa voi ningo Ñanderuete he’i hague: Che aporovenga, ha Che ahepyme’ẽta. Ha he’ive: Ñanderuete voi ombojovakéta hetãyguakuérape (Deuteronómio 32,35-36).

hebreoyguakuerape 9:27

Kuimba’ekuéra ha kuñakuéra omanova’erã háicha peteĩ jevýnte, ha uperire oikóta pe ñembojovakeguasu,

Apocalípsis 18:8

Upévare og̃uahẽva’erã hendápe peteĩ ára ijehavirarã (icastigorã): Ñemano, jahe’o, ñembyahýi ha ipahápe ojehapýta ichupe, ipu’aka hese pe yvága Jára imbareteitéva, Ñanderuete voi ombojovakéta ichupe.

1 Samuel 24:12

Ñanderuete tombojovake che rekove ha nde rekove apytépe; Ha’émante omyengoviapáta ndéve g̃uarã che rendaguépe, che katu namopu’ãmo’ãi che po nderehe araka’eve.

1 Samuel 24:15

Ñanderuete tañanembojovake Ha’émante oikuaa porã mávapa ivai térã iporã ñande apytégui. Ha’e tohecha ha toikuaa che rembiapo ha Ha’e tachemo’ã ndehegui.

1 Samuel 25:26

Upévare ko’ág̃a, che jára, Ñanderuete ha ne ánga rekovére Ha’e ndohejái gueteri reñohẽ tuguy, ha remyengoviapa nde po rupiete. Nabálicha toiko nderehe ija’e’ỹva, ha mayma oñeha’ãva ojapo hag̃ua ivaíva nde, che jára rehe.

1 Samuel 25:38

Ha 10 ára haguépe, Ñanderuete ombohasyeteve Nabálpe omano hag̃ua.

1 Samuel 25:39

David ohendúma ramo Nabal omano hague he’i: Toñemomba’eguasu Ñanderuete, Ha’e voi ombojovake Nabálpe oiko vai haguére ha ndohejaiva’ekue che ajapo mba’evaiete. Upéi David omondo hembijokuái oñe’ẽ hag̃ua Abigail ndive, ha’e omoneĩ ramo oiko hag̃ua hembireko ramo.

1 Samuel 31:4

Upémaramo Saul he’i imo’ãhápe; ehekýi nde kyse puku ha embyasuru che rete rehe osẽ meve che lómope, anítei ou umi ipire’i oikytĩ’ỹva chekutu vaipa ha oñembohory cherehe. Ha imo’ãha ndoikutuséi ichupe okyhyjeitereígui. Upémaramo Saul omoĩ porã ikyse puku ha ojeity hi’ári.

1 Samuel 31:6

Péicha, pe ára pévape Saul omano, ita’ýra mbohapy ndive, imo’ãha ndive, ha mayma iñirũnguéra ndive.