1 Samuel 24:4

Ñanderuete Ñe’ẽ Porã 2015

Upéramo iñirũnguéra he’i Davídpe: Eikuaa porãke kovaha pe ára Ñanderuete he’imava’ekue ndéve: Péina nde pópe amoĩ nderayhu’ỹvape, ejapo hese rejapose háicha. Ha David opu’ã kirirĩháme ha oikytĩ Saul ahoja rembe’ýgui peteĩ pehẽnguemi.

Referencias Cruzadas

2 Samuel 4:8

Ha ogueru hikuái Isboset akãngue Davídpe, Hebrónpe, ha he’i hikuái tetã ruvichápe: Péina ápe Isboset akãngue, Saul nderehe ija’e’ỹva ra’yre, ha’e ndejukaseteva’ekue; Ñanderuete katu oñangareko ore retã ruvicha rehe, ha omyengovia Saul rembiapo vai hekove ha iñemoñare rekovépe.

Job 31:31

Ha umi cheanduva’ekue he’i voi: Hógape oimeraẽva oñemohyg̃uatã porã hymba ro’ógui.

Salmokuéra 142:1

Hatã asapukái che Ruetépe, ajerure asy ichupe aĩ aja pe yvykuápe.

Salmokuéra 57:1

Cheporiahuverekomína, Nde, che Ruete, eiporiahuverekomína, che ánga ojeroviágui nderehe ha añemo’ãta nde pepo guýpe ohasapa peve che jepy’apy vai.

Éxodo 21:13

Ha upe oporojukáva ojuka ramo hapichápe ojukase’ỹre, Ñanderuete ohejánte ho’a ipópe, upévape g̃uarã ahechaukáta peteĩ táva okañy hag̃uáme.

1 Samuel 22:1

Upégui David oho ha okañy Adulam itakuaguasúpe; ha ityke’yrakuéra ha itúva rogayguakuéra oikuaávo péva oupa hikuái hendápe.

1 Samuel 23:17

Ha he’i ichupe ani rekyhyjétei, Saul, che ru, nandejohumo’ãi ha nanderupitymo’ãi, ha nde ningo Israel retã ruvicharã, ha che aikóta nde rire mokõihápema, péva che ru Saul oikuaáma voi.

1 Samuel 23:7

Ha Saúlpe oñemombe’u David ou hague Keilápe. Upémaramo Saul he’i: Ñanderuete omoĩma ichupe che pópe, ha’e oike ha oñemboty haguére Keila távape.

1 Samuel 24:10

Péina ágã nde resa rupi rehecha, mba’éichapa Ñanderuete omoĩ nde rekove che pópe ko itakuaguasúpe. Ha oje’e jepe chéve rojuka hag̃ua, che roperdona, che ha’égui péicha: Che namopu’ãmo’ãi che po che retã ruvicha rehe, Ñanderuete oiporavova’ekue rehe.

1 Samuel 24:18

Nde rehechauka chéve ko árape rejapoha cherehe iporãva; ndachejukáigui Ñanderuete omoĩ ramojepe che rekove nde pópe.

1 Samuel 26:23

Ha Ñanderuete tomyengovia opavavépe oiko haguéicha, Ñanderuete nemoĩ ramojepe che pópe, che ndaipysoséi che po Ha’e oiporavova’ekue rehe.