1 Samuel 24:11

Ñanderuete Ñe’ẽ Porã 2015

Ema’ẽmi nde che ru, che pópe aguereko nde ahoja rembe’y pehẽnguemi aikytĩva’ekue, ndorojukaséi katu. Ehechakuaákena napu’ãi hague nderehe, ndarekóigui chepype ñaña térã tembiapo vai, ha nañemoangaipái nderehe; nde katu reñeha’ãmba chejuka hag̃ua.

Referencias Cruzadas

2 Samuel 1:14

Ha mba’éicha piko nderekyhyjéi remopu’ã hag̃ua nde po ha rejuka hag̃ua Jahve rembiporavopyrépe.

2 Réyes 5:13

Hembiguaikuéra katu oñemboja hese ha oñe’ẽ porã hendive he’ívo: Ore ru, pe proféta he’i ramo ndéve rejapo hag̃ua mba’e hasyvéva, nderejapoichénepa. Ko’yteve katu he’írõ ndéve: Eñapymi ha nepotĩ jevýta.

Job 10:16

Ha añemyakãrapu’ã jevy ramo ku leõicha Nde chemuña jevýta ha rehechaukáta chéve ne rembiapo techapyrãva (milágro).

Salmokuéra 119:161

Mburuvichakuéra chemuña reiete, che katu akyhyje ne ñe’ẽgui.

Salmokuéra 140:11

Umi oñe’ẽvai reíva ndoiko porãiva’erã yvy apére, pe mba’evai tomuña pe tekove ñañávape oñehundiete peve.

Salmokuéra 35:7

Reiete ha’ekuéra omoĩra’e iñuhã chéve g̃uarã, reiete ojo’o hikuái yvykua che ángape g̃uarã.

Salmokuéra 59:3

Ma’ẽmína, ha’ekuéra oñeha’ãmba chejuka hag̃ua. Ndaha’éi ajavy haguére térã che rembiapo vai haguére, Nde, che Ruete, reikuaa porã voi ko’ã mba’e.

Salmokuéra 7:5

Ajapo vai ramo che irũ rehe tomuña hikuái che ángape, toity yvy rehe che rekove ha topyrũmba hese, ha che rerakuã porã to’a yvy timbo rehe. Selah

Mga Kawikaan 15:1

Pe ñe’ẽ mbohovái porã ombogue pe pochy; pe ñe’ẽ pohýiva katu ohatapyña pe pochy rendy.

Lamentaciónes 4:18

Omoñuhã hikuái ore guataha ani hag̃ua roikótei ore rape rupi; oñemoag̃uíma ore ára paha, og̃uahẽma voi ore ára paha.

Ezequiel 13:18

ha ere: Péicha he’i pende Ruete: Umi oikóva ombovyvy pyapy ha akãre g̃uarã ao ipajéva (oiporu hag̃ua mbo’ýrõ guáicha mitã ha kakuaávape g̃uarã, oity hag̃ua iñuhãme yvyariguakuérape). Pemoñuhãse ningo che retãygua angakuérape pehundi hag̃ua ha ambuekuéra rupi peẽ peñemoĩ porãse peiko porã hag̃ua.

Miquéas 7:2

Ndaiporivéima heko porãva che retãme, umi heko potĩva che retãyguakuéra apytépe omanombáma, maymáva oheka oporojuka hag̃uánte, maymáva oporomoñuhãsénte.

Juan 15:25

Péicha ojehu oiko hag̃ua umi mba’e ojehaimava’ekue Ñanderuete kuatiañe’ẽme: Reiete oñemoĩ hikuái cherehe, (Salmokuéra 35,19).

1 Samuel 12:3

Ápe aĩ, peñe’ẽke cherehe Ñanderuete renondépe ha pe Ha’e oiporavova’ekue renondépe, omonávo ichupe acéitepe, oime ramo añemomba’e rei pende guéi térã pende búrro rehe térã oime ramo che añe’ẽ pohýi rei térã ajahéi rei peteĩva rehe, térã ajapyhy pirapire ajehesa mboty hag̃ua, umíva tou ha tomombe’u, ha che amyengoviapaitéta ichupekuéra.

1 Samuel 18:27

David opu’ã iñirũnguéra ndive ha oho ojuka 200 Filisteayguápe; ha David ogueru ipire’ikue tetã ruvichápe, ha’e oiko hag̃ua tetã ruvicha rajy ména ramo. Ha Saul ome’ẽ ichupe itajýra Micálpe, hembirekorã ramo.

1 Samuel 23:14

Ha David oho opyta hag̃ua peteĩ cérrope oĩva Zif desiértope; ha Saul oheka rei ichupe, Ñanderuete nome’ẽigui ichupe ipópe.

1 Samuel 23:23

Pehecha porãke, ha peikuaa porãke ikañyha renda, ha peikuaa porã rire peju che rendápe, ha che aháta penendive; ha ha’e oĩ ramo ñane retãme che ahekáta ichupe mayma 1000 Judaygua apytépe.

1 Samuel 25:28

Ha che ajerure asy ndéve eperdonami ne rembiguáipe oñe’ẽ vaiete haguére, Ñanderuete voi omoingóta opaite árape che jára róga, reñorãirõgui Ñanderuete ñorãirõ, ha reikove aja ndojejohúi ndepype tembiapo vai.

1 Samuel 26:18

Ha he’ive: Mba’érehepa péicha che jára reiko remuñávo ne rembiguáipe. Mba’éiko ajapo. Mba’e mba’e vaípa oĩ che po rehe ne renondépe.

1 Samuel 26:20

Anítei che ruguy otyky yvýpe Ñanderuete renondépe, Israel retã ruvicha osẽgui oheka hag̃ua peteĩ tũngusúpe, ku oñemuñárõ guáicha ynambu cerrokuéra rehe.

1 Samuel 26:23

Ha Ñanderuete tomyengovia opavavépe oiko haguéicha, Ñanderuete nemoĩ ramojepe che pópe, che ndaipysoséi che po Ha’e oiporavova’ekue rehe.