1 Samuel 23:4

Ñanderuete Ñe’ẽ Porã 2015

Upémaramo David omba’eporandu jevy Ñanderuetépe. Ha Ñanderuete he’i jevy ichupe: Epu’ã katu, eguejy Keilápe, Che voi amoĩta Filisteayguakuérape nde pópe.

Referencias Cruzadas

2 Samuel 2:1

Ko’ã mba’e rire David omba’eporandu Ñanderuetépe, he’ívo: Ajupítapa peteĩva ko’ã Juda távape. Ha Ñanderuete he’i ichupe: Ejupi. Ha David oporandu jevy: Mamópa ajupíta. Ha Ha’e he’i: Hebrónpe.

2 Samuel 5:19

Upéramo David omba’eporandu Ñanderuetépe, ha he’i: Ajeitýtapa Filisteayguakuéra ári ha remoĩtapa ichupekuéra che pópe. Ha Ñanderuete he’i Davídpe: Tereho, añetehápe Che amoĩta Filisteayguakuérape nde pópe.

2 Réyes 3:18

Ha ko’ã mba’e ndaha’éi mba’eve Ñanderuetépe g̃uarã; hi’ári omoĩta Moabguakuérape pende pópe.

1 Crónicas 14:10

Upéramo David omba’eporandu Ñanderuetépe, he’ívo: Ahátapa Filisteayguakuéra oĩháme. Remoĩtapa ichupekuéra che pópe. Ha Ñanderuete he’i ichupe: Tereho, Che voi amoĩta ichupekuéra nde pópe.

Josué 8:7

Ha upévo peẽ pepu’ãta peñemoñuhã hágui ha pembopoguýta pe táva, Ñanderuete, pende Jára, ome’ẽtava pende pópe.

Juéces 6:39

Gedeon katu he’i jevy Ñanderuetépe: Ani ndepochy chendive ajerure jevy rehe ndéve. Ajerure ndéve pe ovecha pire rague pukúvante ta’ikã ha pe ysapy tomyakỹ pe yvy apénte.

Juéces 7:7

Upéramo Ñanderuete he’i Gedeónpe: Ko’ã 300 kuimba’e ndive oheréiva’ekue pe y ipópe, Che posalváta, ha katuete amoĩta umi Madiayguápe nde pópe; ha ambuekuéra tohopa jevy hóga hymba pirekueguiguápe.

Juéces 7:9

Ha ojehu pe pyharépe, Ñanderuete he’i Gedeónpe: Epu’ã ha eguejy Madiayguakuéra rekohápe; Che amoĩma ichupekuéra nde pópe.

1 Samuel 10:22

Upéi oñeporandu Ñanderuetépe ne’ĩrapa ou Saul, ha Ñanderuete he’i jevy: Péina ha’e okañy umi cárga (vultokuéra) apytépe.

1 Samuel 23:2

Ha David omba’eporandu Ñanderuetépe he’ívo: Ahátapa ajeity hag̃ua Filisteayguakuéra ári. Ha Ñanderuete he’i ichupe: Tereho ha ejeity Filisteayguakuéra ári ha eguenohẽ Keilayguakuérape ipoguikuéra.

1 Samuel 23:3

Ha umi David ndive oĩva he’i joa ichupe: Ko Juda departaméntope roime kyhyjepópe. Mba’eichaitevétapa jaha ramo Keilápe, ñañemoĩvo Filisteaygua soldádo atyguasu rehe.

1 Samuel 23:5

Upémaramo David ha iñirũnguéra oho Keilápe, ha ojeity Filisteayguakuéra ári, ha ogueraha Filisteaygua rymbakuéra, ha oguenohẽ avei Keilayguápe hesekuéra ija’e’ỹva pógui.

1 Samuel 28:6

Ha Saul oporanduse Ñanderuetépe, Ha’e katu nopenái hese ike pegua rupi, ni Urim rupi, ni iproféta rupi.

1 Samuel 30:8

Ha David omba’eporandu Ñanderuetépe he’ívo: Ahátapa ko’ã ouva’ekue omonda hag̃ua rapykuéri. Ikatútapa ahupity. Ha Ha’e he’i ichupe: Tereho katu ha emuña, añetehápe rehupitýta ichupekuéra, ha reguerupáta umi ojeguerahava’ekuépe tembiguái ramo.