1 Samuel 23:3

Ñanderuete Ñe’ẽ Porã 2015

Ha umi David ndive oĩva he’i joa ichupe: Ko Juda departaméntope roime kyhyjepópe. Mba’eichaitevétapa jaha ramo Keilápe, ñañemoĩvo Filisteaygua soldádo atyguasu rehe.

Referencias Cruzadas

Salmokuéra 11:1

Ñanderuete rehe ajerovia’aína. Ha mba’éicha piko pejekuaa che ángape: Eveve, ekañy guyráicha cérro rehe.

Jeremías 12:5

Reñani rire umi kuimba’e ndive ha’ekuéra nemokane’õ. Mba’e piko ojehúne ndéve reñani ramo kavaju árigua ndive. Reiko ramo yvy potĩháme nereñeñandúi, mba’épa oikóta ndehegui reiko ramo Jordan ka’aguy mbytépe.

1 Samuel 23:15

David ohecháma ramo Saul osẽ hague hekove rekávo, opytánte Horéspe, Zif desiértope.

1 Samuel 23:2

Ha David omba’eporandu Ñanderuetépe he’ívo: Ahátapa ajeity hag̃ua Filisteayguakuéra ári. Ha Ñanderuete he’i ichupe: Tereho ha ejeity Filisteayguakuéra ári ha eguenohẽ Keilayguakuérape ipoguikuéra.

1 Samuel 23:23

Pehecha porãke, ha peikuaa porãke ikañyha renda, ha peikuaa porã rire peju che rendápe, ha che aháta penendive; ha ha’e oĩ ramo ñane retãme che ahekáta ichupe mayma 1000 Judaygua apytépe.

1 Samuel 23:26

Ha Saul oho cérro yke peteĩ gotýo ha David ha iñirũnguéra ambue yke gotýo; ha David pya’e pya’e oho okañy hag̃ua Saúlgui; Saul ha iñirũnguéra omongoraitéma David ha iñirũnguérape.

1 Samuel 23:4

Upémaramo David omba’eporandu jevy Ñanderuetépe. Ha Ñanderuete he’i jevy ichupe: Epu’ã katu, eguejy Keilápe, Che voi amoĩta Filisteayguakuérape nde pópe.