1 Samuel 23:2

Ñanderuete Ñe’ẽ Porã 2015

Ha David omba’eporandu Ñanderuetépe he’ívo: Ahátapa ajeity hag̃ua Filisteayguakuéra ári. Ha Ñanderuete he’i ichupe: Tereho ha ejeity Filisteayguakuéra ári ha eguenohẽ Keilayguakuérape ipoguikuéra.

Referencias Cruzadas

2 Samuel 2:1

Ko’ã mba’e rire David omba’eporandu Ñanderuetépe, he’ívo: Ajupítapa peteĩva ko’ã Juda távape. Ha Ñanderuete he’i ichupe: Ejupi. Ha David oporandu jevy: Mamópa ajupíta. Ha Ha’e he’i: Hebrónpe.

2 Samuel 5:19

Upéramo David omba’eporandu Ñanderuetépe, ha he’i: Ajeitýtapa Filisteayguakuéra ári ha remoĩtapa ichupekuéra che pópe. Ha Ñanderuete he’i Davídpe: Tereho, añetehápe Che amoĩta Filisteayguakuérape nde pópe.

2 Samuel 5:23

Ha David omba’eporandu jevy Ñanderuetépe. Ha’e he’i ichupe: Ani rejupítei henonderãme, ejere katu ha ejeity hi’arikuéra hapykuéguio.

1 Crónicas 14:10

Upéramo David omba’eporandu Ñanderuetépe, he’ívo: Ahátapa Filisteayguakuéra oĩháme. Remoĩtapa ichupekuéra che pópe. Ha Ñanderuete he’i ichupe: Tereho, Che voi amoĩta ichupekuéra nde pópe.

Salmokuéra 32:8

Ñanderuete he’i: Che rohekombo’éta ndéve ha ahechaukáta ndéve pe tape moõrupípa nde reguatava’erã, Che ahechaukáta ndéve che rembipota ha ajesarekóta nderehe.

Jeremías 10:23

Che Ruete, aikuaa porã, kuimba’e ha kuñakuéra ndaha’eiha hape ni hekove jára, ha’e ndaikatúi oiporavo umi mba’e ojehútava henonderãme.

Números 27:21

Ha’e toñembo’y pa’i Eleazar renondépe, ha ha’e omba’eporandúta pende Ruetépe Urim ha Tumim rupi; ha mayma Israel rogaguasukuéra taiñe’ẽrendu ha’e he’ívape guive.

Josué 9:14

Ha Israelguakuéra oguerovia iñe’ẽ, ohechávo itujapamaha, nomba’eporandúi katu Ñanderuetépe.

Juéces 1:1

Ha ojehu Josue omano rire, umi Israel ñemoñare omba’eporandu Ñanderuetépe he’ívo: Máva raẽpa ore apytégui ohóta ojeity hag̃ua Canaanguakuéra ári.

1 Samuel 10:22

Upéi oñeporandu Ñanderuetépe ne’ĩrapa ou Saul, ha Ñanderuete he’i jevy: Péina ha’e okañy umi cárga (vultokuéra) apytépe.

1 Samuel 14:37

Ha Saul omba’eporandu Ñanderuetépe: Rojupítapa Filisteayguakuéra rapykuéri. Remoĩtapa ichupekuéra Israel pópe. Ñanderuete katu nombohováiri ichupe.

1 Samuel 23:3

Ha umi David ndive oĩva he’i joa ichupe: Ko Juda departaméntope roime kyhyjepópe. Mba’eichaitevétapa jaha ramo Keilápe, ñañemoĩvo Filisteaygua soldádo atyguasu rehe.

1 Samuel 23:4

Upémaramo David omba’eporandu jevy Ñanderuetépe. Ha Ñanderuete he’i jevy ichupe: Epu’ã katu, eguejy Keilápe, Che voi amoĩta Filisteayguakuérape nde pópe.

1 Samuel 23:6

Ha Abiatar, Ahimélec ra’y, okañy ramoguare oho hag̃ua David rendápe Keilápe; ogueraha ipa’i ao jeguaka ipópe.

1 Samuel 30:8

Ha David omba’eporandu Ñanderuetépe he’ívo: Ahátapa ko’ã ouva’ekue omonda hag̃ua rapykuéri. Ikatútapa ahupity. Ha Ha’e he’i ichupe: Tereho katu ha emuña, añetehápe rehupitýta ichupekuéra, ha reguerupáta umi ojeguerahava’ekuépe tembiguái ramo.