1 Samuel 23:1

Ñanderuete Ñe’ẽ Porã 2015

Oñemombe’u Davídpe Filisteayguakuéra ojeityha Keila ári, ha omondapaha iñemitỹnguéra.

Referencias Cruzadas

Daniel 2:35

Pe ita omongu’i peteĩ sapy’aitépe pe hiérro ha pe ñay’ũ jypyréva, pe brónce, pe pláta ha pe óro, ha ojoguaite umi ñemitỹngue rogue piru hakuha ára peguarépe, ha pe yvytu oguerahapa ojekuaave’ỹre hapykuere. Ha pe itaguasu ojapiva’ekue pe ta’ãngápe oiko ichugui peteĩ cérro ndetuicháva ha omyenyhẽmbáva yvy tuichakue.

Levítico 26:16

Che ajapóta penderehe ko’ã mba’e: Amboúta pende ári kyhyje, mba’asy po’i ha akãnundu vai, ambohypáta pende resay peẽ pendepytupa peve; ha peñotỹ reíta pene mba’e ra’ỹingue, ha penderehe ija’e’ỹva ho’upáta.

Miquéas 6:15

Reñemitỹta ramojepe, mba’eve neremono’õmo’ãi, rehykue’óta ramojepe olivo’a, ndere’umo’ãi ijacéite, ha reñami ramojepe parral’a, ndere’umo’ãi ne víno.

Deuteronómio 28:33

Pende kóga’a ha mayma pene rembiapo repy ho’uva’erã tetã ambueygua, peẽ ndapeikuaáiva; ha peikova’erã jepy’apypópe tetã ambueygua poguýpe.

Deuteronómio 28:51

ha’ekuéra ho’upava’erã pene rymbakuéra ha pende koga’a peñehundi peve; ha ndohejamo’ãi peẽme pene mba’e ra’ỹingue, mba’e rykuere, acéite, pende vaka ra’ykuéra ni pende ovecha atykuéra.

Josué 15:44

Keila, Aczib ha Maresa; 9 táva, itava’ikuéra reheve.

Juéces 6:11

Ha ou Ñanderuete yvága rembiguái, ha oguapy pe encína yvyrarakã Ofra pegua guýpe, péva Joas, pe Abiezergua mba’e; ita’ýra Gedeon ohekýi jave trígo, iparral’a ojehykue’ohápe, omokañy hag̃ua umi Madiayguágui.

Juéces 6:4

Ha’ekuéra ou oñorãirõ ha ohundipa hag̃ua ikóga’a, og̃uahẽ meve Gázape; ha ndohejái hikuái Israélpe g̃uarã: Tembi’u, ovecha, guéi ni burrokuéra.