1 Samuel 22:8

Ñanderuete Ñe’ẽ Porã 2015

Peẽ pepu’ãmba avei cherehe, ha avave nomombe’úi chéve che ra’y ome’ẽha iñe’ẽ Davídpe ha oike hague jekupytýpe Isai ra’y ndive, ha avave pende apytépe ndacheporiahuverekói omombe’u hag̃ua chéve mba’éichapa che ra’y opu’ã cherehe omoirũ hag̃ua che rembiguáipe, chemoñuhã hag̃ua ko’ág̃a ojapo háicha.

Referencias Cruzadas

2 Réyes 6:11

Ha Síria retã ruvicha ojepy’apy ko’ã mba’e rehe; ha ohenói hembiguaikuérape ha he’i ichupekuéra: Napemombe’umo’ãi piko chéve mavaitépa ñande apytégui oĩ Israel retã ruvicha ndive.

Job 33:16

Upéicha oikuaauka hembipota yvyariguakuéra apysápe, ha omondyiuka ichupe iñe’ẽ pohýi rupi.

1 Samuel 18:1

Ojehu ningo David oñe’ẽmbávo Saul ndive, Jonatan ánga oñeñapytĩete David ánga rehe, ha Jonatan ohayhu ichupe ha’e ojehayhu háicha.

1 Samuel 18:3

Jonatan ha David oñoñe’ẽme’ẽ, Jonatan ohayhúgui Davídpe, ha’e ojehayhu háicha.

1 Samuel 20:2

Ha Jonatan he’i ichupe: Mba’eveichave ramo neremanomo’ãi. Che ru ndojapomo’ãi mba’eve, taituicha térã taimichĩ, omombe’u’ỹre chéve; mba’éguipa che ru oñomíta chehegui ko’ã mba’e. Ndaupeichamo’ãi.

1 Samuel 20:42

Ha Jonatan he’i Davídpe: Tereho angapytu’upópe, Ñanderuete reraitépe ñame’ẽ ojupe ñane ñe’ẽ ja’évo: Ñanderuete toĩ ñane pa’ũme, ne ñemoñare ha che ñemoñare pa’ũme, opaite árape. Ha David opu’ã oho hag̃ua; ha Jonatan oike jevy pe távape.

1 Samuel 20:8

Eiporiahuverekóna ne rembiguáipe reme’ẽma voi ningo ne ñe’ẽ ne rembiguáipe Ñanderuete rérape. Ha oĩ ramo chepype teko ñaña, chejukakuaa, natekotevẽi chereraha nde ru rendápe.

1 Samuel 22:13

Ha Saul he’i ichupe: Mba’érehe piko pepu’ã cherehe, nde ha Isai ra’y, reme’ẽvo ichupe pan ha peteĩ kyse puku, ha remba’eporandu hese Ñanderuetépe, opu’ã hag̃ua cherehe, chemoñuhã ojekuaa porã háicha ko’ág̃a.

1 Samuel 23:21

Ha Saul he’i: Ñanderuete jehovasa tapenderupity, peẽ cheporiahuvereko haguére.