1 Samuel 22:3

Ñanderuete Ñe’ẽ Porã 2015

Upérõ David osẽ upégui oho hag̃ua Mizpápe, Moab retãme, ha he’i pe tetã ruvichápe: Che ajerurénte che ru ha che sy topyta pende apytépe, aikuaa peve mba’épa che Ruete ojapóta chehegui.

Referencias Cruzadas

Genesis 47:11

Péicha Jose omohenda itúva ha ityke’yrakuérape, Egípto yvy iporãveháme, Ramses yvýpe, faraon he’i haguéicha ichupe.

2 Samuel 8:2

Ipu’aka rire avei Moabguakuéra rehe, omoñenouka ichupekuéra yvýpe. Upéi oha’ã umi oñenóvape peteĩ inimbópe imétroicha, ha umi ojohúva guive cáda mokõi inimbo pukukuépe, ojukapaite ha umi ojohúva cáda mbohapyha inimbo pukukuépe oheja oikove hag̃ua; ha ko’ã Moabgua hembýva oiko David rembiguái ramo ha opagava’erã impuésto Davidpe g̃uarã.

Éxodo 20:12

Emboetéke (ehayhúke) nde ru ha nde sýpe, nde reikove puku hag̃ua pe tetãme nde Ruete, nde Jára, ome’ẽtava ndéve.

1 Timotéope 5:4

Upe kuña imenave’ỹva, imemby térã hemiaryrõ ramo gueteri, ko’ãva raẽ toiporiahuvereko ichupe, hogayguakuéra tomyengovia ha’e ojapo porãva’ekue hesekuéra, ko mba’e kóva iporãite ha ombovy’a Ñanderuetépe.

Juéces 11:29

Ha Ñanderuete Pytu Porãitéva ou Jefte ári; ha’e ohasa Galaad ha Manases yvy rupi, ha og̃uahẽ Mizpa, Galaad peguápe, ha upégui ohasa Amon ñemoñarenguéra rendápe.

Rut 4:10

Ha arekotaha che rembireko ramo, Mahlon rembirekokue Rut, peteĩ Moabgua, oñembohasakuaa jevy hag̃ua pe omanova’ekue réra, ani hag̃ua pe omanóva réra ojepe’a ityvyrakuéra apytégui ha itáva rendaguégui. Peẽ pehendúva guive, peiko ko árape techahare ramo.

Rut 4:17

Ha Noemi rapichakuéra ombohéra ichupe: Obed, ha he’i hikuái ko mitã kóva Noemi memby, ko Obed ra’y ningo Isai, ha Isai ra’y David.

1 Samuel 14:47

Saul oñemoĩ hatã rire tetã ruvicha ramo Israel retã guapyhaguasúpe ojeity opaite tetã ári oñemoĩva Israel rehe ha oikóva guive ijerekuévo: Moab, Amon, Edom, Soba retã ruvichakuéra ha Filisteayguakuérape; ha ohohápe ombopoguypa avei.

1 Samuel 22:2

Ha oñembyaty hendive opaite kuimba’e ojepy’apýva, umi ndikatúiva opaga icuénta, ha mayma ipy’aróva, ha David oiko huvicha ramo; péicha oiméne 400 kuimba’e oñembyaty hendive.

1 Samuel 22:4

Ha ogueru ichupekuéra Moab retã ruvicha ypýpe ha oiko hendive hikuái, David oiko aja pukukue pe yvy pehẽngue oñemombarete porãvape tápia ijyvate reheve.

1 Samuel 3:18

Ha Samuel omombe’upa ichupe, oñomi’ỹre ichugui mba’eve. Upémaramo Eli he’i: Ñanderuetépe tojapo iporãve háicha ichupe.