1 Samuel 22:17

Ñanderuete Ñe’ẽ Porã 2015

Upévo he’i tetã ruvicha iñangarekohakuérape oĩva ijerekuévo: Peju ha pejuka Ñanderuete pa’ikuérape; ha’ekuéra oipytyvõgui Davídpe, oikuaa ramo jepe ha’e okañyha chehegui, ndoikuaaukáiva chéve. Ha umi tetã ruvicha rembiguaikuéra ndoipysoséi ipo ojuka hag̃ua Ñanderuete pa’ikuérape.

Referencias Cruzadas

2 Samuel 15:1

Ojehu rire ko’ã mba’e, Absalon ou oñembojára peteĩ cárro rehe, heta kavaju rehe, ha 50 kuimba’e oñaniva’erãva henonderãme.

1 Réyes 1:5

Upémaramo Adonías, Hagit memby, opu’ã he’ívo: Che aisãmbyhýta. Ha oñembocárro ha kavaju arigua heta, ha avei 50 kuimba’e oñani hag̃ua henonderãme.

1 Réyes 14:27

Ha umía rendaguépe tetã ruvicha Roboam ojapouka ambue tete mo’ãha bróncegui, ha ome’ẽ itahachi ruvichakuérape, oñangarekóva tetã ruvicha róga rokẽ rehe.

1 Réyes 18:4

Pe Jezabel, Acab rembireko, ojukárõ guare Ñanderuete profetakuérape, Abdías ojapyhy 100 profétape, ha omokañy 50 peteĩ itakuaguasúpe, ha 50 ambue itakuaguasúpe ha upépe omongaru ichupekuéra pan ha y reheve.

2 Réyes 10:25

Ha ojapopa riréma hikuái ikuave’ẽmby ojehapypapyréva, Jehu he’i isoldádo ha huvichakuérape: Peike ha pejukapa; aníke avave okañy. Ha ojuka ichupekuéra kyse pukúpe, ha oheja upépe ojepyso joa, ha oike hikuái Baal tupão koty marangatúpe.

Éxodo 1:17

Ha umi oporomomembýva katu okyhyje Ñanderuetégui, ha ndojapói Egípto retã ruvicha rembipota, oheja uvei hikuái oikove avei umi mitãkuimba’e.

Apostolkuéra 4:19

Pédro ha Juan katu ombohovái ha he’i ichupekuéra: Pembojovake hekópe, ore oreñe’ẽrenduva’erãpa Ñanderuetépe térãpa peẽme.

1 Samuel 14:45

Upévo Israelguakuéra he’i Saúlpe: Omanova’erã piko Jonatan, pe oguerúva salvacion Israélpe g̃uarã. Ndaupeichaiva’erã, Ñanderuete rérape, ni peteĩ iñakã rague ndo’amo’ãi ichugui yvýpe, heta hembiapo porã ojapókuri Ñanderuete pu’aka rupi. Upéicha tetãyguakuéra oguenohẽ Jonatánpe iñemanorãgui.

1 Samuel 2:31

Eikuaa porãke, og̃uahẽta pe ára Che amopẽta nde jyva, ha nde ru rogaygua jyva anivéma hag̃ua oĩ itujáva nde rogapýpe.

1 Samuel 20:33

Upévo Saul opoi hese peteĩ yvyra puku akua oikutu hag̃uáicha ichupe; ha upépe Jonatan oikuaa porã itúva ojukasenteha Davídpe.

1 Samuel 22:13

Ha Saul he’i ichupe: Mba’érehe piko pepu’ã cherehe, nde ha Isai ra’y, reme’ẽvo ichupe pan ha peteĩ kyse puku, ha remba’eporandu hese Ñanderuetépe, opu’ã hag̃ua cherehe, chemoñuhã ojekuaa porã háicha ko’ág̃a.

1 Samuel 22:16

Ha tetã ruvicha he’i: Ahimélec katuete nde remanóta, ha mayma nde ru rogaygua nendive.

1 Samuel 25:17

Ko’ág̃a ejepy’amongeta porã ha ehecha mba’épa rejapóta, mba’evai katuete oútama ore patron ha hogayguakuéra ári; iñañaitereígui, ndaipóri avave ikatúva oñe’ẽ ichupe.

1 Samuel 8:11

Ha he’i: Kóva ningo pene retã ruvicharã reko ha pu’aka: Oguerahava’erã pende ra’ykuérape hembiguairã ramo oñani hag̃ua icárro ha henda kavajukuéra renondépe ha oho hag̃ua henonderãme ñorãirõme.