1 Samuel 22:14

Ñanderuete Ñe’ẽ Porã 2015

Upémaramo Ahimélec he’i tetã ruvichápe: Mávapa ne rembiguaikuéra apytépe heko joheipyre Davídicha, ha’e avei tetã ruvicha rajy ména, oikóva ne ñe’ẽ poguýpe ha herakuã porã nde rogapýpe.

Referencias Cruzadas

1 Samuel 17:25

Ha mayma Israelgua he’i: Ndapehecháipa amo kuimba’e osẽva, ha’e oñemotenonde oñembohory hag̃ua Israel rehe. Upe ipu’akávape hese ñane retã ruvicha ome’ẽta mba’e repyeta ha itajýra, ha itúva rogayguakuéra nome’ẽmo’ãvéi impuésto tetã ruvichápe g̃uarã Israelguakuéra apytégui.

1 Samuel 18:13

Upévare Saul omomombyry David hógagui, ha omoĩ ichupe 1.000 soldádo ruvicha ramo; oñorãirõ hag̃ua ambue tetãyguakuéra ndive.

1 Samuel 18:27

David opu’ã iñirũnguéra ndive ha oho ojuka 200 Filisteayguápe; ha David ogueru ipire’ikue tetã ruvichápe, ha’e oiko hag̃ua tetã ruvicha rajy ména ramo. Ha Saul ome’ẽ ichupe itajýra Micálpe, hembirekorã ramo.

1 Samuel 20:32

Ha Jonatan he’i jevy itúva Saúlpe: Mba’érehe piko omanóta. Mba’éiko ojapo.

1 Samuel 21:2

Ha David he’i pa’i Ahimélecpe: Tetã ruvicha chejokuái ha he’íkuri chéve: Aníke oikuaátei avave mba’erãpa romondo ha rojokuái; ha che ha’éma che irũnguérape pe tenda ore rojojohu hag̃uáme.

1 Samuel 22:13

Ha Saul he’i ichupe: Mba’érehe piko pepu’ã cherehe, nde ha Isai ra’y, reme’ẽvo ichupe pan ha peteĩ kyse puku, ha remba’eporandu hese Ñanderuetépe, opu’ã hag̃ua cherehe, chemoñuhã ojekuaa porã háicha ko’ág̃a.

1 Samuel 24:11

Ema’ẽmi nde che ru, che pópe aguereko nde ahoja rembe’y pehẽnguemi aikytĩva’ekue, ndorojukaséi katu. Ehechakuaákena napu’ãi hague nderehe, ndarekóigui chepype ñaña térã tembiapo vai, ha nañemoangaipái nderehe; nde katu reñeha’ãmba chejuka hag̃ua.

1 Samuel 25:28

Ha che ajerure asy ndéve eperdonami ne rembiguáipe oñe’ẽ vaiete haguére, Ñanderuete voi omoingóta opaite árape che jára róga, reñorãirõgui Ñanderuete ñorãirõ, ha reikove aja ndojejohúi ndepype tembiapo vai.

1 Samuel 26:23

Ha Ñanderuete tomyengovia opavavépe oiko haguéicha, Ñanderuete nemoĩ ramojepe che pópe, che ndaipysoséi che po Ha’e oiporavova’ekue rehe.