1 Samuel 2:9

Ñanderuete Ñe’ẽ Porã 2015

Ha’e oñangareko heko potĩva rehe hape rupi, ha heko vaíva katu omano pytũmbýpe; avave ndaikatúi oñemombarete ikatupyry rupínte henondépe.

Referencias Cruzadas

Job 18:18

Ñanderuete tesakã rendágui omombóma ichupe iñypytũháme, ha oñemosẽ ichupe yvy apégui.

Job 40:13

eñotỹmba umívape yvyku’i guýpe, emboty hovakuéra pytũ guýpe.

Job 5:16

Péicha ikangýva oha’ãrõ ou hag̃ua iñepytyvõ ha Ñanderuete voi omboty umi iñañáva juru.

Job 5:24

Nde rogapýpe oĩta py’aguapy, ha nde reikohápe mba’eve nokañymo’ãi.

Salmokuéra 1:6

Ñanderuete oikuaa porã umi heko potĩva rape ha umi iñañáva rape oñehundipava’erã katuete.

Salmokuéra 105:37

Upéi oguenohẽ Israelguakuérape pláta ha óroita reheve, ha ijapytépe ndaipóri hasýva.

Salmokuéra 121:3

Ndohejamo’ãi ndepysyrỹi ha pe oñangarekóva nderehe ndokemo’ãi.

Salmokuéra 121:5

Ñanderuete oñangareko nderehe, Ñanderuete nde kuarahy’ã nde po akatúa gotýo.

Salmokuéra 121:8

Ñanderuete oñangarekóta nderehe resẽ ramo nde rógagui térã reike ramo ipype, ko’ág̃a guive ha opaite ára peve.

Salmokuéra 145:20

Ñanderuete oñangareko mayma ichupe ohayhúva rehe, tekove iñañávape katu Ha’e ohundiva’erã.

Salmokuéra 31:17

Anítei che añemotĩ, Nde, che Ruete, che rohenóima, toñemotĩ katu umi iñañáva, kirirĩháme toguejy omanómava retãme.

Salmokuéra 37:28

Ñanderuete ohayhúgui pe justícia, Ha’e ndopoimo’ãi heko potĩvagui. Tapia g̃uarã Ñanderuete oñangarekóta hesekuéra. Umi iñañáva ñemoñarenguéra katu oñehundipava’erã.

Salmokuéra 94:18

Cheapensa ramo che ha’atama’aína, ne mborayhu katu, che Ruete, chejoko jevy.

Salmokuéra 97:10

Peẽ pehayhúva Ñanderuetépe, peñemboyke mba’evaígui, Ha’e oñangarekohína heko potĩva ánga rehe, ha oguenohẽ ichupekuéra iñañáva poguýgui.

Mga Kawikaan 16:9

Pe yvyarigua opensa haperã rehe, Ñanderuete katu omboguata ichupe.

Mga Kawikaan 2:8

Ha’e oñangarekohína pe heko potĩva rape rehe, Ha’e oñangarekohína ojeroviáva rape rehe.

Mga Kawikaan 3:26

Ñanderuete ningo oñangarekóta nderehe ha Ha’e ndohejamo’ãi re’a peteĩ ñuhãme.

Eclesiástes 5:17

Ha avei ko’ã mba’e ári, otĩgui okaruva’erã pytũ guýpe, heta angekõime, heta ñembyasy ha py’arópe, oikove aja pukukue.

Eclesiástes 9:11

Añembojere ha ahecha ko yvy apére, ndaha’éi umi iñakuãva og̃uahẽ voive, ha umi imbaretéva nombopoguy meméi, ha umi iñarandúva sapy’a nahembi’úi avei, ha umi iñakãguapývagui sapy’a opa avei ipirapire, ha umi iñe’ẽkuaáva sapy’a ndojohúi ñepytyvõ; opaite mba’énte ningo ojepoka (odepende) Ñanderuete rembipota ha itiémpo rehe.

Isaías 27:3

Che, nde Jára, añangareko’aína nderehe, py’ỹinte rohypýi ha rombohykuéta; añangarekóta nderehe ára ha pyhare, ani hag̃ua avave nembyai.

Isaías 47:5

Eguapy, kirirĩháme iñypytũháme, nde Caldeaygua rajy; araka’evéma nereñemboheramo’ãvéima tetãnguéra ruvichaguasu.

Jeremías 8:14

Ha Judayguakuéra he’íta mba’érehe piko jaguapy rei ko’ápe. Ñañembyatypa ha jaike umi táva oñemombaretévape ñamano hag̃ua upépe; Ñanderuete, Ñandejára voi oipota ñamanomba, Ha’e ñanemboy’u iróvagui, ñañemohembiapo vai haguére Ñanderuete ndive g̃uarã.

Jeremías 9:23

Péicha he’i Ñanderuete: Upe iñarandúva anítei ojerovia iñarandu rehe, upe ipy’aguasúva anítei ojerovia ipy’aguasu rehe, ha upe imba’erepyetáva anítei ojerovia imba’erepyeta rehe.

Nahum 1:8

Ysyry oñu’ãmbávape Ha’e ombokusuguepáta umi hese oñemoĩvape, ha ypytũ ohóta umi hese ija’e’ỹva rapykuéri.

Sofonías 1:15

Upe ára upévape, Ñanderuete pochyha ára, oikova’erã angekõi ha jejopy, py’a tarova ha jepy’apy vai, tatatĩna ha ypytũ, arai ha ypytũ vai.

Zacarías 4:6

Upéramo ha’e oñe’ẽ chéve ha he’i: Kóva ningo Ñanderuete ñe’ẽ Zorobabélpe g̃uarã: Ndaha’éi soldádo aty rupi, ni yvyarigua pu’aka rupi, che Pytu Porãite rupínte katu ojehupahína, he’i ángel atykuéra Jára.

Números 6:24

Ñanderuete tanderovasa, ha toñangareko nderehe.

Matéo 8:12

Ha heta Israelgua katu oñemombova’erã pytũ oka peguápe, ha upépe oikóta tasẽ ha tãi pururũme.

Romayguakuérape 3:19

Jaikuaa ningo Moises rembiapoukapykuéra iporãha umi hese oikóvape g̃uarãnte. Opavave juru oñembotyva’erã, oñemboheko vaipáguima Ñanderuete renondépe.

Deuteronómio 33:3

Nde rehayhu tetãnguérape, opaite heko potĩva oĩ nde pópe, ha’ekuéra oñemomirĩta ne renondépe ha oha’ãrõ nde remboguata hag̃ua ichupekuéra.

1 Pédro 1:5

Ñanderuete ipu’aka rupi, oñangareko penderehe pejeroviaháre hese ha pehupity hag̃ua pe salvacion ojehechaukátava ára pahápe.

2 Pédro 2:17

Ko’ã mbo’ehára japu ningo ojogua yvu hi’y’ỹvape ha arai tatatĩnáme, pe yvytu oguerovevéva, ichupekuéra g̃uarã oñembosako’íma peteĩ tenda iñypytũetevéva.

Júdas 1:1

Che, Júdas, Jacóbo ryvy, Hesu Crísto rembiguái ahai ko kuatiañe’ẽ umi Ñandejára Ñanderuete ohenoiva’ekuépe, Ha’e ohayhúva ha oñeñongatúva Hesu Crístope g̃uarã.

Júdas 1:13

Ojogua hikuái y pochýpe (ypenu) ombohyjúiva imba’e ky’akuéra y rembe’ýpe, térã jasytata osẽva’ekue hapégui, vevépe oho hag̃ua tapia g̃uarã pytũmbýpe.

Júdas 1:3

Che hermanokuéra ahayhuetéva, añeha’ãmbaite ningo ahai hag̃ua peẽme ñande salvacion rehe. Ha ko’ág̃a hi’ã chéve ahai peẽme poavisávo, peñeha’ã peñorãirõ porãve hag̃ua pende jerovia rehe oñeme’ẽmava’ekue heko potĩvape.

1 Samuel 25:26

Upévare ko’ág̃a, che jára, Ñanderuete ha ne ánga rekovére Ha’e ndohejái gueteri reñohẽ tuguy, ha remyengoviapa nde po rupiete. Nabálicha toiko nderehe ija’e’ỹva, ha mayma oñeha’ãva ojapo hag̃ua ivaíva nde, che jára rehe.