1 Samuel 2:6

Ñanderuete Ñe’ẽ Porã 2015

Ñanderuete oporojuka ha Ha’e oporomoingove; Ha’e oporomboguejy omanóva retãme, ha oporogueru jevy.

Referencias Cruzadas

1 Réyes 17:22

Ha Ñanderuete ohendu Elías ñe’ẽ, ha pe mitã ánga ojevy, ha ha’e oikove jevy.

2 Réyes 5:7

Israel retã ruvicha omoñe’ẽ rire pe kuatiañe’ẽ, omondoro ijaokuéra ha he’i: Chéiko yvága Jára mba’e, aporojuka ha aporomoingove hag̃ua, kóa ombou che rendápe peteĩ kuimba’e amonguera hag̃ua ichupe ilépragui. Pema’ẽ porã ha pehecha mba’éichapa ha’e oheka peteĩ tape chereity hag̃ua.

Job 5:18

Ha’e ningo oporokutu ha Ha’e voi ojokua jevy oikytĩ haguépe, Ha’e ombohasy ha ipokuéra omonguera jevy.

Salmokuéra 116:3

Ñemano sãnguéra chejurapa, omanóva retã megua kyhyje chemoĩ vaipáma, jejopy vai ha jepy’apy chejohúma.

Salmokuéra 30:4

Pepurahéi Ñanderuetépe, opaite peẽ hekopotĩva, pemomba’eguasu Ñanderuete réra porãite.

Salmokuéra 68:20

Ñanderueténte, ore Jára añeteguáva, Ha’e ñaneguenohẽ jejopy vaígui. Ha’émante omboykekuaa pe ñemano.

Salmokuéra 71:20

Nde, che Ruete, chemboguatava’ekue heta jepy’apy ha mba’evaiete rupi, Nde katu chemoingove jevy, ha cheguenohẽ jevy umi yguasu pypukúgui.

Eclesiástes 3:3

Pe jejuka hi’ára, ha pe ñepohãno hi’ára; pe ñehundi hi’ára, ha ñemopu’ã jevy hi’ára.

Isaías 26:19

Umi ojeroviáva nderehe omano ramojepe oikove jevýta, he’õnguekuéra opu’ã jevýta. Pepáy ha pepurahéi, peẽ yvyetére peikóva. Nde ysapy omoingove ichupekuéra ha pe yvy ome’ẽ jevýta umi omanomava’ekue.

Ezequiel 37:12

upévare, emomarandu, ha ere: Péicha he’i pende Ruete, peikuaa porãke, Che voi aipe’áta pende tyvy (sepultúra) ñembotyha, peẽ voi ningo che retã tee, ha Che pomopu’ãta pende tyvýgui pogueru jevy hag̃ua Israel retãme,

Ezequiel 37:3

Ha he’i chéve: Kuimba’e ra’y, oikove jevýnepa ko’ã kanguekuéra. Ha che ha’e: Che Jára, Ndémante reikuaa.

Matéo 12:40

Jonas oĩ haguéicha mbohapy ára ha mbohapy pyhare pukukue pe mymba ndetuicháva ryépe, péicha avei yvyarigua Ra’y opytáta mbohapy ára ha mbohapy pyhare pukukue yvy guýpe.

Juan 11:25

Upérõ Hesu he’i ichupe: Che ningo pe jeikove jevy ha pe tekovete. Oimeraẽ ojeroviáva guive cherehe, omano ramojepe, oikove jevyva’erã.

Deuteronómio 32:39

Pehechakuaa Chenteha, ha ndaiporiha ambue Jára che ykére, Che aporojuka ha Che aporomoingove; Che aporombohasy ha Che aporomonguera avei; ha ndaipóri avave oporope’áva che pógui.

Apocalípsis 1:18

pe aikovéva, ajejukava’ekue ha péina aikove ára atyguasukuéra guive umi ára atyguasurãnguéra peve ha Che poguýpe oĩ pe ñemano ha pe añaretã rokẽ lláve.

1 Samuel 20:3

Ha David oñe’ẽ jevy he’ívo: Nde ru oikuaa voi nde cherayhuha, ha he’íta: Jonatan ani oikuaa, anítei hi’ánga oñembyasy; añetehápe Ñanderuete ha ne ánga rekovére che ha’e ndéve, che ag̃uahẽmaha che ñemano rokẽme.