1 Samuel 2:29

Ñanderuete Ñe’ẽ Porã 2015

Mba’érehe piko pepyrũ che kuave’ẽmby rymba ha tembi’u rehegua rehe, Che voi aikuave’ẽukava’ekue pe óga jojohuhápe; ha nde rembotuichave nde ra’ykuérape chehegui, peñemongy’a umi mba’e iporãvévagui, Israelguakuéra oikuave’ẽva’ekue chéve.

Referencias Cruzadas

2 Réyes 12:6

Pe tetã ruvicha Joas ombotývo 23 áño oisãmbyhy hague, pa’ikuéra ne’ĩra gueteri omyatyrõ Ñanderuete rogaguasu oñembyaihápe.

Salmokuéra 26:8

Che Ruete, ahayhuete nde rogaguasu, ha nde reko jajaipa.

Ezequiel 13:19

Peẽ nachemomba’eguasúi che retãyguakuéra renondépe, michĩmi cebáda (ojogua trígope) ha pan pehẽngue rehe pejuka umi tapicha omano’ỹva’erãme, ha pemoingove umi tapicha oikove’ỹva’erãme, peẽ peiko pembotavy che retãyguakuérape ojapysakáva pene ñe’ẽ japu rehe.

Ezequiel 34:10

péicha he’iuka peẽme pende Ruete: Pema’ẽ porãke, Che apu’ãta umi herekuakuéra rehe, ha ajeruréta ipoguikuéra che ovechakuéra ruguy, ha ahaviráta ichupekuéra noñangareko porãi haguére Che ovechakuéra rehe; oñeñangarekógui ijehénte, Che aguenohẽta che ovechakuéra ijurukuéragui, ha ndoikomo’ãvéima hembi’urã ramo.

Ezequiel 34:2

Kuimba’e ra’y, emomarandu umi Israel rerekuápe; eprofetiza ha ere ichupekuéra: Péicha he’i pende Ruete: Angái, angái umi Israel rerekua rehe, oñangarekóva ijehénte. Umi ovecha rerekua noñangarekovéima ijovecha aty rehe.

Oséas 4:8

Peẽ pa’ikuéra peiko porãse pene retãygua tembiapo vai rupi ha peha’ãrõnte ikuave’ẽmbyrã (pe’uve hag̃ua pe kuave’ẽmby ro’o).

Levítico 19:15

Nde reporombojovakeva’erã hekoitépe, ani reipytyvõ imboriahúvape ni heta mba’e oguerekóvape, ombotavyse ramo pe mbojovakehárape.

Miquéas 3:5

Péicha Ñanderuete he’i umi proféta (gua’u) rehe, ombotavýva che retãyguakuérape: Ha’ekuéra omoherakuã mba’eporã umi omongaru porãvape proféta gua’ukuérape, umi omongaruse’ỹvape ichupekuéra katu omoherakuã mba’evai.

Matéo 10:37

Upe ohayhuvéva itúva térã isýpe chehegui; ndaikatúi oiko che reheguáva ramo ha upe ohayhuvéva ita’ýra térã itajýra chehegui ndaikatúi oiko che reheguáva ramo.

Matéo 22:16

Ha ombou hendápe hemimbo’ekuéra, umi Heródes reheguáva ndive, oporandu hag̃ua Hesúpe: Mbo’ehára roikuaa ningo nde rehayhuha pe añeteguáva, ha rembo’eha Ñanderuete rape hekópe, ha nderekyhyjeiha avavégui, Nde nerema’ẽigui yvyariguakuéra rehe, mba’eichaguápa ha’e.

Lúcas 14:26

Oimeraẽ oúva che rendápe ha ohayhuvéva itúva térã isýpe, hembireko térã ita’ýrape, ityvýra térã iteindýrape, térã hekoveteépe jepe chehegui, ndaikatúi oiko che remimbo’e ramo.

Romayguakuérape 16:18

Umichagua nomba’apói Hesu Crístope g̃uarã, iprovéchope g̃uarãnte (ijupe g̃uarãnte) uvei, ijuruhe’ẽ ha iñe’ẽ arandu gua’úpe ombotavyse umi ipy’a tavyvévape.

2 Corintoyguakuérape 5:16

Upévare ko ára kóva rire ore ndoroikuaavéima avavépe hete ro’o (heko tuja) rupi, roikuaava’ekue ramojepe avei Hesu Crístope oikove aja hete ro’ópe, ko’ág̃a katu ndaupeichavéima.

Deuteronómio 32:15

Ha Jesurun (Israel) ikyra rire oñemoĩ hese, opyvoi ha opoi Ñanderuete ijapoharégui, ha ndojapói mba’eve ramo Ijitaguasúpe (Isalvadórpe).

Deuteronómio 33:9

Pe he’iva’ekue itúva ha isy rehe: Ndahechái ichupekuéra, ha ndoikuaaiva’ekue ipehẽnguekuérape, ndohechakuaaiva’ekue ita’yrakuérape, ha’ekuéra ojapókuri uvei Ñanderuete rembipota ha oñembopy’apeteĩ Ñanderuete ndive (Éxodo 32,26-29).

Tiágo 3:17

Pe arandu oúva Ñanderuetégui katu omboheko potĩ ha upéi ome’ẽ py’aguapy ha py’aporã, iñe’ẽrendu, oporoporiahuverekokuaa, hi’a yva Pytu Porãmba reheguáva (Galaciayguakuérape 5,22), avavépe nombojuavýi, ndahova mokõiri.

Josué 18:1

Mayma Israel ñemoñarenguéra oñembyaty Sílope, peteĩ atyguasúpe ha omopu’ã hikuái upépe pe óga jojohuha ombopoguy haguére Canaan retãnguérape.

1 Samuel 3:13

Ha ahechaukáta ichupe, Che ambojovaketaha iñemoñarenguérape opaite árape, pe aña reko ha’e voi oikuaamava’ekue rehe: Ita’yrakuéra oñe’ẽ vai cherehe, ha ha’e ndojokói ichupekuéra.