1 Samuel 2:25

Ñanderuete Ñe’ẽ Porã 2015

Tetãygua ojapo vai ramo hapicha rehe Ñanderuetépe oikóta imbojovakehára ramo, ombojovake hag̃ua hembiapokue; ha peteĩ tetãygua katu oñemoangaipa ramo Ñanderuete rehe, mávapa omba’ejerurekuaa hese. Ha’ekuéra katu nohenduséi itúva ñe’ẽ, Ñanderuete voi péicha ojapo omano hag̃ua hikuái.

Referencias Cruzadas

Genesis 38:10

Ha pe ha’e ojapóva jepi naiporãi Ñanderuete resa renondépe, upévagui oheja ha’e omano avei.

Genesis 38:7

Ha Er, Juda ra’y ypykue, oiko vaietereígui Ñanderuete resa renondépe, Ñanderuete oheja ha’e omano.

1 Réyes 8:31

Oimeraẽva oñemoangaipáva hapicha rehe, ha ojegueru ramo ichupe ko ne kuave’ẽmby renda renondépe ko ogaguasúpe omombe’u porã hag̃ua umi mba’e ojehuva’ekue,

1 Réyes 8:32

upérõ ehendumi yvága guive ha embojovake porãmi ne rembiguaikuérape, reitývo pe tembiapo vaikue ijapohare akã ári, ha eipytyvõ ipy’a porãvape rehechaukávo nde reko iporãiteha.

2 Crónicas 10:15

Ha tetã ruvicha ndojaposéi hetãyguakuéra rembipota; Ñanderuete péicha oipotágui, ikatu hag̃uáicha oiko Ñanderuete he’iva’ekue Ahías, Silogua rupi, Jeroboam, Nebat ra’ýpe.

2 Crónicas 25:16

Pe proféta he’ívo ko’ã mba’e ichupe, ha’e ombohovái ichupe: Reñemoĩ piko ra’e tetã ruvicha rekombo’eha ramo. Ejehejána umi mba’égui. Mba’upéiko remanose. Ha ha’e oñe’ẽmbávo, pe proféta he’i jevy ichupe: Che aikuaa Ñanderuete he’íma hague Ha’e nehunditaha, rejapo haguére ko mba’e ha nerehendúigui che ha’éva ndéve.

Job 9:33

Ndaipóri ore pa’ũme mbojovakehára ombojovakekuaáva hekoitépe.

Salmokuéra 51:16

Ndereipotáigui ovecha ruguy che ame’ẽkuaáva, ndereipotái kuave’ẽmby ojehapypáva.

Salmokuéra 51:4

Nderehénte che añemoangaipa, ha ajapo ivaíva nde resakuéra renondépe, ne ñe’ẽ rupi ojekuaa porã Nde rembojovake porã hague ha nde jurúgui osẽva heko pegua memete.

Mga Kawikaan 13:1

Pe ta’ýra iñarandúva oñemomba’e itúva rekombo’e rehe; ha pe heko ñembohorýva nohendúi hekombo’e.

Mga Kawikaan 15:10

Jehavira pohýi ohupitýta upe opiáva tape porãgui, ha upe oñemboykéva tekombo’epýgui omanova’erã.

Mga Kawikaan 29:1

Pe tapicha omboykéva opaite tekombo’e oñemohatãve ohóvo, oñehundiva’erã katuete.

Eclesiástes 3:3

Pe jejuka hi’ára, ha pe ñepohãno hi’ára; pe ñehundi hi’ára, ha ñemopu’ã jevy hi’ára.

Números 15:30

Ha pe tapicha ojapóva oimeraẽ mba’evai oipotágui, taha’e Israelgua térã tetã ambueyguáva, upéva oñemoĩma pende Ruete rehe ha pe tapicha pévape ojejukava’erã hetãyguakuéra apytégui.

Deuteronómio 1:17

Aníke pegueraha rei avavépe mbojovakehára rendápe; pehenduva’erã michĩva ha tuichávape; ndapekyhyjeiva’erã avavégui, Ñanderuete mba’e ningo pe ñembojovake; ha pe ñembojovake hasyeterei ramo peẽme, pegueru chéve, che pohendu hag̃ua.

Deuteronómio 2:30

Ha Sehon, Amorgua retã ruvicha oikóva Hesbónpe, ndoipotáikuri rohasa hetãpy rupi; Jahve, Ñanderuete katu ombopy’a hatã ichupe oity hag̃ua ichupe ipo rupi, ha ijyvy opyta hag̃ua pene mba’e ramo.

1 Timotéope 2:5

Oĩgui peteĩ Ñanderuete, ha peteĩnte ombojoajúva Ñanderuete umi tetãyguakuéra ndive, Hesu Crísto rupínte, oikova’ekue kuimba’e ramo ko yvy apére.

hebreoyguakuerape 10:26

Ñande ñañemohembiapo vaisete ramo jaguata aja pe tape añeteguávare, upéicharõ ndaiporivéima ambue kuave’ẽmby (sacrifício) oipe’akuaáva ñane rembiapo vai,

hebreoyguakuerape 10:27

umía oha’ãrõva’erã kyhyjepópe pe ñembojovake ohundiva’erãva ichupekuéra tata rendýpe.

hebreoyguakuerape 7:25

Upévare Ha’e ikatu osalva avei tapia g̃uarã umi og̃uahẽvape, Ha’érupi, Ñanderuete rendápe. Hesu Crísto oikovégui tapia g̃uarã, ha’e oñembo’e iñermanokuéra rehe Ñanderuetépe.

Josué 11:20

Ko’ã mba’e ou Ñanderuetégui, Ha’e voi ombopy’a hatãgui ichupekuéra oñemoĩ hag̃ua Israel rehe oñehundi hag̃ua ñorãirõme. Israelguakuéra ndoiporiahuverekói ichupekuéra, ohapomondoro uvei ichupekuéra, Ñanderuete he’i haguéicha Moiséspe.

1 Samuel 3:14

Upévarehe Che ame’ẽma che ñe’ẽ chejupe Eli rogayguakuéra rehe, ha’évo: Eli rogaygua aña reko noñemboguemo’ãi araka’eve tymba rekovekue rupi térã ambue kuave’ẽmby rupi.