1 Samuel 2:18

Ñanderuete Ñe’ẽ Porã 2015

Pe mitã Samuel katu oiko Ñanderuete renondépe hembijokuaiteéva ramo ha omonde ao líno peguáva, pa’ikuéra omonde háicha peteĩ poncho mbykýva líno peguáva.

Referencias Cruzadas

2 Samuel 6:14

ha David ojeroky imbaretekue ome’ẽ háicha Ñanderuete renondépe; ha oñemonde ao jeguaka (efod) pa’i omondévape ojejapopyréva líno inimbógui.

1 Crónicas 15:27

Ha David oñemonde ao líno hepývape ha péicha avei Leviguakuéra ogueraháva Ñanderuete karameg̃ua, puraheiharakuéra, ha avei Quenanías pe omoakãva umi opurahéivape. Ha David, omonde pa’i ao (efod) líno inimbo ojejapopyrévagui.

Éxodo 28:4

Ko’ã ao rejapóta: Peteĩ vosa’i ipyti’áre g̃uarã, peteĩ póncho mbyky, peteĩ póncho puku, camisa pukuetéva, iñakã rehegua ha ku’a jokuaha ipéva, nde ryke’y Aaron ha ita’yrakuérape g̃uarã, oiko hag̃ua che pa’ikuéra ramo, ejapouka ao ojeporuva’erãva pe óga jojohuha rembiapópente.

Levítico 8:7

Ha omoĩ hese pe camisa ipukúva ha pe ku’a jokuaha; upéi omonde hese pe póncho puku ha hi’ári pe póncho mbyky (efod), ha hi’ári jevy peteĩ ku’a jokuaha, ojopy porãva hese.

1 Samuel 14:3

Ha Ahías, Ahitub ra’y, Icabod ryvy, Finees ra’y, Eli remineno oikóva Ñanderuete pa’i ramo Sílope, ogueraha ijehe pe póncho mbyky pa’ikuéra omondéva; ha umi tetãygua ndoikuaái Jonatan oho hague.

1 Samuel 2:11

Ha Elcána oho jevy hóga Rama peguápe; ha Samuel opyta Ñanderuete rembijokuái ramo Eli renondépe.

1 Samuel 2:28

Che poiporavova’ekue che pa’irã opaite Israel ñemoñare apytégui, peikuave’ẽ hag̃ua che kuave’ẽmby renda ári, pehapy hag̃ua mba’e ryakuã asy, pemonde hag̃ua poncho mbyky, pa’ikuéra omondéva che renondépe, ha ame’ẽ nde ru rogayguakuérape Israel ra’ykuéra kuave’ẽmbýgui.

1 Samuel 22:18

Upémaramo tetã ruvicha he’i Doégpe: Eju nde, ha eikutu pa’ikuérape. Ha Doeg, pe Edomgua, ou ha oikutu pa’ikuérape, ha upe árape ojuka 85 kuimba’épe oñemondéva póncho mbyky inimbo linoguiguápe.

1 Samuel 3:1

Pe mitãrusu Samuel oiko Ñanderuete rembijokuái ramo Eli poguýpe; umi ára umíape pokã Ñanderuete ñe’ẽ ojehechauka; ha techaukapy yvagaguiguáva naipy’ỹiri avei.