1 Samuel 19:5

Ñanderuete Ñe’ẽ Porã 2015

Ha’e omoĩ hekove jepe ne rembipota poguýpe ojeitývo Filisteaygua ári, ha’erupi Ñanderuete ome’ẽ tuicha pytyvõ mayma Israelguápe. Nde reikuaapa ko’ã mba’e ha revy’ákuri, mba’upépa ko’ág̃a reñemoangaipáta tuguy imarã’ỹva rehe, rejuka rei ramo Davídpe.

Referencias Cruzadas

2 Samuel 23:10

ko Eleazar kóvante katu opyta ha oha’ãrõ ichupekuéra ha oikutu Filisteayguakuérape ikane’õite peve, ha ipo ijapa peve ikyse puku rehe. Upe árape Ñanderuete ombopoguy Filisteayguakuérape Eleazar rupi; omono’õ hag̃uánte Filisteayguakuéra mba’e repykuénte, umi okañyva’ekue ojevy hikuái.

1 Crónicas 11:14

ha’e upémaramo oñemoĩ pe kokue’i mbytépe ha ipu’aka Filisteayguakuéra rehe, Ñanderuete oipytyvõgui ichupe ipu’aka rupi.

1 Crónicas 11:18

Ha umi mbohapy ojasuru Filisteayguakuéra aty pa’ũ rupi, ha oguenohẽ y pe ykua Belen rokẽ meguágui, ha ogueru hikuái Davídpe; ha’e katu ndoy’uséi, oikuave’ẽ katu Ñanderuetépe, he’ívo:

Salmokuéra 109:5

Che mba’eporã omyengovia mba’evai rehe.

Salmokuéra 119:109

Che rekove tapiaite oĩ ñemano rokẽme, che katu ndacheresaráiri ne rembiapoukapýgui.

Salmokuéra 25:3

Añetehápe umi nderehe ojeroviáva noñemotĩmo’ãi, toñemotĩ uvei umi oñemoĩva nderehe.

Salmokuéra 69:4

Cherayhu’ỹva hetave che akã raguégui, ipu’akapave umi cherehe ija’e’ỹva, umi chehundiséva reiete og̃uahẽ che rendápe. Ha he’i hikuái amyengovia’arãha umi mba’e che namondaiva’ekue.

Salmokuéra 94:21

Oñembyaty hikuái oñemoĩ hag̃ua umi heko potĩva rehe ha ombyai hag̃ua umi Ñanderuete rehe ojeroviáva rekove.

Éxodo 14:13

Ha Moises he’i hetãyguakuérape: Anítei peñemokangy ha ani pekyhyje, ko ára kóvape pehecháta Ñanderuete pu’aka Ha’e pendesalvávo, ko’ã Egiptoyguágui, ndapehechamo’ãvéima araka’eve ichupekuéra.

Jeremías 26:15

Peikuaa porã katu, peẽ chejuka ramo, añetehápe peñohẽ pendeári peteĩ hi’ánga potĩva ruguy, ha ko táva ha ipypeguakuéra ári; añetehápe Ñanderuete chembou pene rendápe ha’e hag̃ua ko’ã ñe’ẽ ko’ãva pende apysápe.

Matéo 27:24

Ha Piláto ohechávo, mba’eve nosẽi hague ha’e oipota háicha, ha apañuãi oikotaha, ogueruka y ha ojepohéi tetãyguakuéra renondépe, ha he’i: Che ánga ipotĩ ko heko potĩva ruguýgui. Pejehecha peẽ pendejehe.

Matéo 27:4

Che ningo añemoangaipa amoĩvo pende pópe pe heko potĩva ruguy. Ha’ekuéra katu he’i ichupe: Mba’evete ningo oréve upéva, ejehechána nde ndejeheve.

Juan 15:25

Péicha ojehu oiko hag̃ua umi mba’e ojehaimava’ekue Ñanderuete kuatiañe’ẽme: Reiete oñemoĩ hikuái cherehe, (Salmokuéra 35,19).

Apostolkuéra 20:24

Che nambyasýi ahundíta ramojepe che rekove ko yvy ári, pe che aipotavéva katu: Ahupity hag̃ua pe tekove opa’ỹva ha che ajapopa pe tembiapo Hesu Crísto ome’ẽmava’ekue chéve, péva he’ise che amyasãi hag̃ua Hesu Crísto evangélio ha Ñanderuete mborayhu.

Filipoyguakuérape 2:30

Hesu Crísto rembiapo rehehápe ningo ha’e haimete omano, nahakate’ỹi hekove rehe chepytyvõ porã hag̃ua pene rendaguépe.

hebreoyguakuerape 2:3

Ha mba’éichapa ñakañýta (pe jehavirágui) ñande nañamomba’éirõ ha ñamboykérõ pe salvacion, Hesu Crísto raẽ voi omyasãiva’ekue pe salvacion rape, ha Hesu Crísto rire ambue techahare hekoite peguáva (apostolkuéra) ombohasa jevy iñe’ẽ ñandéve g̃uarã.

Juéces 12:3

Ahechávo, peẽ nachepytyvõitaha, che amoĩ che rekove che pópe ha aha ajeity hag̃ua Amon ñemoñarenguéra ári, ha Ñanderuete omoĩ ichupekuéra che pópe; ha mba’érehe piko ko’ág̃a peju peñorãirõ hag̃ua chendive.

Juéces 9:17

Che ru ningo oñorãirõkuri penderehehápe, hekove rehe nahakate’ỹi peneguenohẽ hag̃ua Madiaygua poguýgui,

1 Samuel 11:13

Ha Saul he’i: Ko árape avave nomanomo’ãi, Ñanderuete oipytyvõ porã haguére Israélpe.

1 Samuel 14:45

Upévo Israelguakuéra he’i Saúlpe: Omanova’erã piko Jonatan, pe oguerúva salvacion Israélpe g̃uarã. Ndaupeichaiva’erã, Ñanderuete rérape, ni peteĩ iñakã rague ndo’amo’ãi ichugui yvýpe, heta hembiapo porã ojapókuri Ñanderuete pu’aka rupi. Upéicha tetãyguakuéra oguenohẽ Jonatánpe iñemanorãgui.

1 Samuel 19:6

Ha Saul ohendu Jonatan ñe’ẽ, ha Saul ome’ẽ iñe’ẽ Ñanderuete rérape, he’ívo: David nomanomo’ãi.

1 Samuel 20:32

Ha Jonatan he’i jevy itúva Saúlpe: Mba’érehe piko omanóta. Mba’éiko ojapo.

1 Samuel 22:14

Upémaramo Ahimélec he’i tetã ruvichápe: Mávapa ne rembiguaikuéra apytépe heko joheipyre Davídicha, ha’e avei tetã ruvicha rajy ména, oikóva ne ñe’ẽ poguýpe ha herakuã porã nde rogapýpe.

1 Samuel 28:21

Upéramo pe kuña ou Saul rendápe ha ohechávo iñangekõietereiha he’i ichupe: Eikuaa porãke, ne rembiguái ohendu ha ojapopa ne ñe’ẽ, ha che voi amoĩ che rekove nde pópe ajapóvo ne rembipota.