1 Samuel 17:8

Ñanderuete Ñe’ẽ Porã 2015

Ha Goliat oñembo’y ha osapukái Israelgua atýpe he’ívo: Mba’upéiko peñembosako’ipa peñorãirõ hag̃uáicha. Ndachéipa Filisteaygua ha peẽ Saul rembiguái. Peiporavo pende apytégui peteĩ kuimba’e ouva’erãva oñorãirõ hag̃ua chendive.

Referencias Cruzadas

2 Samuel 11:11

Ha Urías he’i jevy Davídpe: Ñande Ruete karameg̃ua oĩ carpaguýpe, Israelgua ha Judayguakuéra, che jára Joab, ha che jára rembiguaikuéra oikopa ñúre. Ha chépa aikéta che rógape akaru ha amboy’u hag̃ua ha ake hag̃ua che rembireko ndive. Nde rekove rehe, ha ne ánga rekove rehe, che ndajapomo’ãi ko’ãichagua mba’e.

1 Crónicas 21:3

Ha Joab he’i Davídpe: Ñanderuete tombohetave 100 jevyve ne retãyguakuérape, che jára ha che retã ruvichaguasúpe g̃uarã, ha’ekuéra ningo ne rembiguái hekoite peguáva; ha ma’erãiko che jára oikuaase mboýpa oĩ hikuái, ma’erãpa reityse Israelguakuéra ári ko angaipa kóva.

1 Samuel 17:23

Ha David oñe’ẽ aja hendivekuéra péina ou pe kuimba’e ijyvateitereíva, hérava Goliat, peteĩ Filisteaygua Gátgui osẽ Filisteaygua atýgui ha oñemoĩ umi mokõive aty pa’ũme, ha he’i jevy he’i haguéicha, ha David ohendupa.

1 Samuel 17:26

Upémaramo David oñe’ẽ umi hendive oĩvape ha he’i: Mba’épa ojejapóta pe kuimba’e ipu’akátava ko Filisteaygua rehe, ha omboguéva ko ñemotĩ Israel retãgui. Máva piko ko Filisteaygua ipire’i oñekytĩ’o’ỹva oñemoĩ hag̃ua Ñanderuete oikovéva atyguasu rehe.

1 Samuel 8:17

Pene rymbakuéragui oipe’ava’erã avei 10 por ciénto (10 tymbágui, 1 tymba ichupe g̃uarã), ha peẽ voi peikova’erã hembiguái ramo.