1 Samuel 17:52

Ñanderuete Ñe’ẽ Porã 2015

Upéi Israel ha Judaygua opu’ã oguerosapukáivo ha omuña Filisteayguakuérape og̃uahẽ meve pe ñu oĩva Ecron táva rokẽ renondépe. Ha Filisteayguakuéra ojekutu ha ojejapiva’ekue ojehecha Saaraim rape rehe Gat ha Ecron peve.

Referencias Cruzadas

2 Samuel 23:10

ko Eleazar kóvante katu opyta ha oha’ãrõ ichupekuéra ha oikutu Filisteayguakuérape ikane’õite peve, ha ipo ijapa peve ikyse puku rehe. Upe árape Ñanderuete ombopoguy Filisteayguakuérape Eleazar rupi; omono’õ hag̃uánte Filisteayguakuéra mba’e repykuénte, umi okañyva’ekue ojevy hikuái.

1 Réyes 20:21

Ha Israel retã ruvicha osẽ avei ha oikutu umi kavaju ariguápe, ha umi cárro peguápe, ha sarambi ojapo Siriayguakuéra apytépe.

Josué 15:11

Ha upéi oho Ecron ypýpe, yvate gotýo; ojere Sicrónpe, ha ohasa Baala cérro, ha Jabneel rupi og̃uahẽ meve Yguasu Mediterráneo peve.

Juéces 7:23

Upémaramo Gedeon ohenoiuka umi ambue Israelgua ohejava’ekue icampaméntope, Neftali, Aser ha Manases kuimba’ekuéra, omuña pya’e hag̃ua avei Madiayguakuérape.

1 Samuel 17:53

Ha Israel ñemoñarenguéra ojevy Filisteaygua rapykuérigui ha oguerahapa Filisteaygua mba’eita ijatyha rendaguégui.

1 Samuel 5:10

Upémaramo oguerahauka Ñanderuete karameg̃ua pe táva Ecrónpe, ha umi Ecrongua sapukái pópe, he’i: Oñembohasa ningo ñandéve Israel Jára karameg̃ua, ñandejuka hag̃ua ñandéve ha ñande retãyguakuérape.

1 Samuel 5:8

Ha ombyatyuka opaite Filisteaygua ruvicha, ha he’i ichupekuéra: Mba’épa jajapóta Israel Jára karameg̃uágui, ha ha’ekuéra he’i: Toñembohasa Israel Jára karameg̃ua Gátpe. Ha ombohasa Gat távape Israel Jára karameg̃ua.