1 Samuel 17:20

Ñanderuete Ñe’ẽ Porã 2015

Upéicha David opu’ã pyharevete ha oheja umi ovecha ambuépe oñangareko hag̃ua, ha oho heta mba’e reheve itúva he’i haguéicha; ha ha’e og̃uahẽ pe atyguasúpe, oñembosako’i jave hikuái ojeity hag̃ua ojo’ári ha oiko ñorãirõ sapukaiguasu.

Referencias Cruzadas

Lúcas 19:43

Nde ári og̃uahẽva’erã umi ára nderehe ija’e’ỹva omongorapáta nde tavaguasu ha ndejopýta oparupiete.

Josué 3:1

Josue ha Israel ñemoñarenguéra opu’ã pyhareve oipykúi hag̃ua Sitímgui ha ou Jordan rembe’y peve, ha ohasa mboyve opytu’u hikuái upépe.

1 Samuel 15:12

Ko’ẽ mboyve Samuel opu’ã oho hag̃ua Saul rendápe, ha oñemombe’u Samuélpe, Saul ou hague Cármelpe, ha upépe omopu’ã ijupe g̃uarã itaguasu ñembo’y mandu’arã, ha upégui ojere, ha ohasa henonderã gotýo ha oguejy Gilgálpe.

1 Samuel 17:19

Saul ha David ryke’ykuéra, ha mayma Israelgua oĩmba oñorãirõ hag̃ua Filisteayguakuéra ndive cerrokuéra pa’ũme (vállepe), oĩháme heta terebínto máta.

1 Samuel 17:21

Upérõ Israel ha Filisteayguakuéra oñemoĩ ojovái ojeity hag̃uáicha ojo’ári.

1 Samuel 17:28

Ityke’ýra Eliab ohendúvo ichupe péicha oñe’ẽha umi kuimba’épe ipochyeterei David ndive ha he’i: Mba’erãiko ápe nde reju. Ha mávapepa reheja ñande ovecha mbovymi desiértope. Che aikuaa voi nde reñembotuichaseha nde py’apýpe, rejúnte rehecha hag̃ua pe ñorãirõ.

1 Samuel 26:5

Ha David og̃uahẽ Saul opytahápe; ha oma’ẽ porã moõpa oke Saul ha Abner, Ner ra’y, isoldádo ruvicha. Ha Saul okehína pe atyguasúpe, ha hetãyguakuéra oke joa ijerekuévo.

1 Samuel 26:7

Upéicha David ha Abisai oho upe pyharépe Saul oĩháme; ha péina Saul ojepyso okehápe, ha ijyvyra puku akua ojekutu yvy rehe iñakã gotýo; ha Abner ha opaite isoldadokuéra iñasãi joa ijerekuévo.