1 Samuel 16:1

Ñanderuete Ñe’ẽ Porã 2015

Ñanderuete he’i Samuélpe: Araka’e pevépa rejahe’óta Saul rehe. Che voi amboykékuri ichupe anive hag̃ua oiko Israel ruvicha ramo. Emyenyhẽ peteĩ tymba ratĩngue acéitegui, ha tereho, Che romondóta Isai rendápe oikóva Belénpe, ita’yrakuéra apytégui aiporavóma Israel retã ruvicharã.

Referencias Cruzadas

1 Réyes 8:16

Anohẽha ára guive Egíptogui che retã Israélpe, ndaiporavói peteĩ táva Israel tribukuéragui oñemopu’ã hag̃ua che rogaguasurã, oñemomba’eguasu hag̃ua che réra porãite, jepémo aiporavo Davídpe omoakã hag̃ua che retã Israélpe.

2 Réyes 9:1

Upéramo pe proféta Eliséo ohenói peteĩ proféta remimbo’épe, ha he’i ichupe: Ejeku’a jokua ha eraha ko acéite ryru nde pópe, ha tereho Ramot, Galaad peguápe.

2 Réyes 9:3

Upéi ejapyhy pe acéite ryru, ha eñohẽ iñakã rehe, ha upévo eréta: Péicha he’iuka Ñanderuete: Che romona acéite reheve Israel retã ruvicha ramo. Ha reipe’ávo pe okẽ, eñani upégui, ha aníke reha’ãrõtei.

2 Réyes 9:6

Ha ha’e opu’ã, ha oike hendive peteĩ kotýpe, upérõ pe proféta remimbo’e oñohẽ pe acéite iñakã ári, ha he’i ichupe: Péicha he’i Ñanderuete, Israel Jára: Che romona acéite reheve Israel retã ruvicha ramo.

1 Crónicas 11:3

Ha opaite karai ancianokuéra ou Israel retã ruvicha rendápe, Hebrónpe; ha David oñembopy’apeteĩ hendivekuéra Ñanderuete renondépe; ha omoĩ hikuái Davídpe Israel retã ruvicha ramo, Ñanderuete he’i haguéicha Samuel rupi.

1 Crónicas 28:4

Ñanderuete, Israel Jára, cheporavo che ru rogaygua apytégui aiko hag̃ua opaite árape Israel retã ruvicha ramo, Ha’e oiporavo Judápe opaite tríbugui omoakã hag̃ua ambuekuérape, ha Juda rogaguasu apytégui oiporavo che ru róga, ha che ru ra’ykuéra apytégui Ha’e hory cherehe chemoĩ hag̃ua tetã ruvicha ramo, opaite Israel retã ári.

Isaías 11:1

Osẽva’erã peteĩ yvyra rakã Isai yvyrágui, ha peteĩ hoky pyahu hi’ava’erã hapokuéragui.

Isaías 11:10

Ojehuva’erã upe ára upévape umi tetã ohekava’erã Isai rapo oñembo’y ramo ipoyvivevévaicha tetãnguérape g̃uarã, ha pe tenda Ha’e oikohápe ojajaipáta.

Isaías 55:4

Peikuaa porãke, Che ahenoi ha amoĩkuri ichupe techahare ramo, mburuvicha guasu ha mbo’ehára ramo tetãnguérape g̃uarã.

Jeremías 11:14

Ha nde Jeremías, ani reñembo’e ko’ã tetãygua rehe, ani rejahe’o ha ani remba’ejerure hesekuéra; Che nahendumo’ãi ojepy’apyha árape omba’ejerure asy ramojepe hikuái chéve.

Jeremías 15:1

He’i chéve Ñanderuete: Moises ha Samuel oñembo’y ramojepe che renondépe oñembo’eve hag̃ua hesekuéra Che ndaiporiahuverekomo’ãi ko tetã kóvape, amosẽ uvei ichupekuéra che ypýgui, ha tohopa hikuái.

Jeremías 6:30

Óro morotĩ mombopyre oñembohérata che retã, Ñanderuete voi omombo haguére Judápe.

Jeremías 7:16

Ha nde, Jeremías, anítei reñembo’e ko tetã kóva rehe, ha aníke nerasẽtei hese, ha aníke remba’ejerurétei chéve hesekuéra, Che norohendumo’ãi.

Zacarías 4:14

Ha ha’e he’i: Ko’ãva hína umi mokõi ojeporavóva tetã ruvicha ha pa’iguasurã ramo, oñembo’ýva ko yvy tuichakue Jára renondépe.

Romayguakuérape 15:12

Oúta Isai rapógui pe oñembo’ýtava, oisãmbyhy hag̃ua tetã ambueyguakuérape, ha umía ojeroviáta hese, (Isaías 11,10).

hebreoyguakuerape 11:32

Ha mba’épa ha’evéta. Mbykýma chéve pe tiémpo añe’ẽve hag̃ua Gedeon rehe, Barac rehe, Sanson rehe, Jefte rehe, David rehe, Samuel rehe ha ambue profetakuéra rehe.

1 Juan 5:16

Oime ramo peteĩ ohecháva iñermáno oñemohembiapo vai, peteĩ tembiapo vai ndaha’éiva omano hag̃uáicha, tojerure hese ha Ñanderuete ome’ẽta ichupe pe tekove. Oĩ ningo tembiapo vaiete omano hag̃ua, upévare che ha’e ani hag̃ua ojejerurétei.

1 Samuel 10:1

Upéramo Samuel oguenohẽ peteĩ acéite ryru ha oñohẽ Saul akã rehe, ha ohetũvo ichupe he’i: Ñanderuete ndeporavóma Israel retã ruvicharã ramo.

1 Samuel 15:11

Ambyasy amoĩ haguére Saúlpe tetã ruvicha ramo, ojevýgui che rapykuérigui, ha ndojapói che ñe’ẽ. Ha Samuel ojepy’apyeterei, ha upe pyhare pukukue omba’ejerure asy Ñanderuetépe Saul rehe.

1 Samuel 15:23

Pe iñe’ẽrendu’ỹva hembiapo vai ku paje apohára rembiapóicha, ha pe tapicha ojaposéva hapicha rembipota teévante ojapo vai omomba’eguasúrõ guáicha jára gua’úpe. Nde remboyke haguéicha Ñanderuete ñe’ẽ, Ha’e nemboykéma avei, anivéma hag̃ua reiko tetã ruvicha ramo.

1 Samuel 15:26

Ha Samuel he’i jevy ichupe: Nahániri, ndajevymo’ãi nendive, remboyke haguére Ñanderuete ñe’ẽ, Ha’e nandepotavéima tetã ruvicha ramo Israel retãme.

1 Samuel 15:35

Upéva rire Samuel araka’eve ndohechavéi Saúlpe, ha’e oikove aja pukukue. Samuel katu ojahe’o Saul rehe; ha Ñanderuete ombyasy omoĩ haguére Saúlpe Israel retã ruvicha ramo.

1 Samuel 16:15

Ha Saul rembiguaikuéra he’i ichupe: Eikuaa porãke, Ñanderuete voi omondo peteĩ pytu ñaña nembohasa asy hag̃ua.

1 Samuel 16:23

Ha pe pytu ñaña ou ramo Saul ári, David ombopu hi’árpa, ha Saul ánga opytu’u ha oñeñandu porãve, ha pe pytu ñaña oñemboyke ichugui.

1 Samuel 17:12

David peteĩ kuimba’e Efrataygua, itúva Isai, peteĩ Belengua, oikóva Juda retãme, ha’e ningo 8 ita’ýrava, ha itujáma, Saul árape.

1 Samuel 9:16

Ko’ẽramo ko horaitépe amboúta ne rendápe peteĩ kuimba’e Benjamingua ha nde remonáta (reiporavóta) ichupe Israel retã ruvicha ramo, ha he’ive avei: Saul oipe’áta che retãme Filisteayguakuéra poguýgui. Che ahecháma che retãme ha imba’e jerure asy og̃uahẽma che rendápe.