1 Samuel 15:11

Ñanderuete Ñe’ẽ Porã 2015

Ambyasy amoĩ haguére Saúlpe tetã ruvicha ramo, ojevýgui che rapykuérigui, ha ndojapói che ñe’ẽ. Ha Samuel ojepy’apyeterei, ha upe pyhare pukukue omba’ejerure asy Ñanderuetépe Saul rehe.

Referencias Cruzadas

Genesis 6:6

upévare Ñanderuete ombyasy ojapo haguére Adan ha Évape, ha hasy asy ichupe ipy’apýpe.

Genesis 6:7

Ha Ñanderuete he’i: Ajukáta opaite kuimba’e ha kuña guive mymbakuéra peve, mbói guive guyrakuéra yvate ovevéva peve; ambyasy ajapo haguére ichupekuéra.

2 Samuel 24:16

Ha pe yvága rembiguái oipyso ipo Jerusalen ári ombyai hag̃uáicha, Ñanderuete oñemomba’embyasy pe tembiapo vai péva rehe, ha he’i ijyvága rembiguái, tetãyguakuéra mbyaihárape: Iporãntema ko’ág̃a, ejoko nde po. Ha pe yvága rembiguái oĩhína pe Araúna, Jebusgua ñemitỹngue mopotĩhápe.

1 Réyes 11:9

Ha Ñanderuete ipochy Salomón ndive, oñemboyke haguére Israel Járagui, ha hi’ariete ojehechaukava’ekue ichupe mokõi jevy.

1 Crónicas 10:13

Péicha Saul omano naiñe’ẽrendúigui ha nomomba’éigui Ñanderuete ñe’ẽ, ha oporandúgui pe kuña, he’íva ijehe, ohenoikuaaha omanóva anguekuérape,

1 Crónicas 21:15

Ha Ñanderuete ombou ijyvága rembiguái Jerusalénpe ohundi hag̃ua; ha ohundi jave hína, Ñanderuete, oma’ẽ ha ombyasy pe mba’evai ojapoukáva. Ha he’i ijyvága rembiguáipe: Topántema, ejoko nde po. Ha ha’e oĩhína Ornánpe, Jebusgua ñemitỹ ra’ỹi mopotĩháme.

Job 34:27

Péva ojehu ichupekuéra oñemomombyry haguére Ñanderuete ha hembiapoukapykuéragui.

Salmokuéra 109:4

Che mborayhu ningo omyengovia hembiapo vaikue, che katu añembo’e hesehapekuéra.

Salmokuéra 110:4

Ñanderuete oñe’ẽme’ẽ ha ndoheja reimo’ãi iñe’ẽngue ha he’íta: Nde ha’ehína pe pa’iguasu ha pe mburuvichaguasu opaite ára peve g̃uarã che rogaguasúpe ku Melquisedékicha.

Salmokuéra 119:136

Tesayeta osyry che resakuéragui, ndojapói haguére hikuái ne rembipota porãitéva.

Salmokuéra 125:5

Ñanderuete tohundi umi ohóvape tekove vai ha iñañáva ndive, taipy’aguapy katu Israelguakuéra ndive.

Salmokuéra 36:3

Japu ha ñembotavýnte osẽ ijurukuéragui, naiñakã porãvéi ha ndojapovéi mba’e iporãva.

Salmokuéra 78:41

Jevy jeýnte oipy’ara’ã Ñanderuetépe, ha ombopochy hikuái Israel Jára porãitépe.

Salmokuéra 78:57

Ojevy ha oñemoĩ hikuái Ñanderuete rehe ituvakuéraicha, ha oiko hikuái ku hu’y ojavývaicha.

Éxodo 32:11

Upémaramo Moises oñembo’e Ñanderuete renondépe, ha he’i: Ore Ruete, mba’érehepa nde pochy ne retã rehe, nde reguenohẽva’ekue Egípto retãgui tuicha pu’aka ha pyapy mbaretépe.

Éxodo 32:14

Upémaramo Ñanderuete ombyasy he’i haguére ojapotaha mba’evai hetã rehe.

Jeremías 11:10

Oho jevy hikuái ijypykuéra reko ñaña rapykuéri nacheñe’ẽrenduséigui, ha oho hikuái ambue jára rapykuéri oiko hag̃ua hembiguái ramo; Israel ha Juda retãnguéra nomomba’eiete che ñe’ẽme’ẽ, Che ame’ẽmava’ekue ituvakuérape.

Jeremías 13:17

Ha napehendúi ramo ko’ã mba’e, ko che ánga ojahe’óta ñemiháme peẽ peñembotuicha haguére ha jahe’o asypópe okuiva’erã tesay che reságui, che retã ojeguerahágui jepokuapýpe tetã mombyrýpe.

Jeremías 34:16

Ha pejevy pemongy’a hag̃ua che réra, ha pejagarra jevy pene rembiguái kuimba’e ha kuñávape, pepoimava’ekue, opyta jevy hag̃ua hikuái pende poguýpe; ha peju pejoko ichupekuéra oiko jevy hag̃ua pene rembiguái ramo.

Jeremías 9:1

Mba’eichatamora’e ko che akã tahenyhẽ yetágui, ha che resakuéra toiko tesay yvu ramo, cherasẽ hag̃ua ára ha pyhare pukukue che retã re’õnguekuéra rehe.

Jeremías 9:18

ha peñembopya’e pya’éke pejahe’o hag̃ua, tesay tokúi avei ñande reságui, tahenyhẽ ýgui ñande ropepi ha ýicha tosyry ñande resay ñande rováre.

Ezequiel 18:24

Ha pe heko potĩva opoi ramo heko potĩgui ha oñemoangaipahína, ha ojapo ramo umi heko vaíva ojapo háicha, oikovénepa ha’e. Nahániri, Che nachemandu’avéi heko potĩngue rehe, pe heko ñepu’ã rupi ha opyrũgui teko porã rehe; ha hembiapo vai rupi, katuete ha’e omanova’erã.

Amos 7:3

Ha Ñanderuete oñembyasy jevy ha he’i: Ndojehumo’ãvéima.

Jonas 3:10

Ha Ñanderuete ohechávo oñembyasyha hikuái ha opoi hague heko ha hembiapo vaígui operdona ha ndohavirái ichupekuéra.

Jonas 4:2

Ha oñembo’e Ñanderuetépe ha he’i: Nde, che Ruete, péva voi che ha’eva’ekue, aimérõ gueteri che retãme. Pévagui voi pya’e pya’e akañyse Tarsíspe, che ningo aikuaa porã voi, Nde, che Ruete, reiporiahuvereko ha ndepy’a porãha, hasyha ndepochy hag̃ua ha Nde reporohayhuseveha rehavira rãngue.

Sofonías 1:6

Ahundíta umi oñemboykéva Yvága Jára rapégui, ha umi ndohekáiva ha nomba’eporandúiva ichupe.

Matéo 24:13

Ha upe ogueropu’akáva ipahaite peve, péva ojesalvava’erã katuete.

Matéo 5:44

Che katu ha’e peẽme: Pehayhu penderehe ija’e’ỹvape, ha peñembo’e umi pendeperseguíva rehe,

Lúcas 6:12

Ha ojehu ningo umi árape Hesu oho cérrope oñembo’e hag̃ua, ha ohasa pe pyhare pukukue oñembo’évo Ñanderuetépe.

hebreoyguakuerape 10:38

Pe heko potĩva chemba’éva, oikovéta ijerovia rupi; ha’e oguevi ramo katu nombovy’amo’ãi che ángape (Habacuc 2,4; Romayguakuérape 1,17).

Josué 22:16

Mba’eichagua tembiapo vai piko pejapopeína pepyrũvo Israel Jára ñe’ẽ rehe ha peñemboykévo Ñanderuete rapégui, pemopu’ãvo pendejupe g̃uarã peteĩ kuave’ẽmby renda peñemoĩvo Ñanderuete rehe.

1 Samuel 12:23

Upéicha rupi tamombyry uvei chehegui añemoangaipa hag̃ua Ñanderuete ndivee, nañembo’evéivo penderehehápe; che pohekombo’éta avei peguata hag̃ua tape potĩ ha ikare’ỹva rehe.

1 Samuel 13:13

Upéramo Samuel he’i Saúlpe: Ndetarova, neñe’ẽrendu rire Ñanderuete rembiapoukapy oje’e haguéicha ndéve, Ñanderuete nemoĩ hatãva’erãmo’ã tetã ruvicha ramo opaite árape.

1 Samuel 15:10

Ha Ñanderuete ñe’ẽ ou Samuélpe, ha he’i ichupe:

1 Samuel 15:3

Tereho katu ha ehundi Amalécpe, ha ejukapa oikovéva guive, ani reiporiahuverekótei; ejuka kuimba’ekuéra, kuñakuéra, mitãkuéra ha okambúvape jepe, ha avei ivaka, ijovecha, icaméllo ha iburrokuérape.

1 Samuel 15:35

Upéva rire Samuel araka’eve ndohechavéi Saúlpe, ha’e oikove aja pukukue. Samuel katu ojahe’o Saul rehe; ha Ñanderuete ombyasy omoĩ haguére Saúlpe Israel retã ruvicha ramo.

1 Samuel 15:9

Saul ha hetãyguakuéra ndojukái katu Agágpe, ni umi ovecha iporãvéva, hymbakuéra tuicháva, hymba oñemongyrapyréva, umi ovecha mácho ha opaite hymba iporãva guive, nohundipaséi; umi ivaíva ha ojepota’ỹva guivénte ohundipa hikuái.

1 Samuel 16:1

Ñanderuete he’i Samuélpe: Araka’e pevépa rejahe’óta Saul rehe. Che voi amboykékuri ichupe anive hag̃ua oiko Israel ruvicha ramo. Emyenyhẽ peteĩ tymba ratĩngue acéitegui, ha tereho, Che romondóta Isai rendápe oikóva Belénpe, ita’yrakuéra apytégui aiporavóma Israel retã ruvicharã.

1 Samuel 8:6

Umi mba’e nombohorýi Samuélpe, he’ígui hikuái: Emoĩ oréve peteĩ tetã ruvichaguasu oresãmbyhy hag̃ua. Ha Samuel oñembo’e Ñanderuetépe.