1 Samuel 14:6

Ñanderuete Ñe’ẽ Porã 2015

Ha Jonatan he’i hembiguáipe: Eju jaha ko’ã kuimba’e ipire’i oñekytĩ’ỹva rendápe, ikatu Ñanderuete ojapo ñanderehehápe oimeraẽ mba’e, ndahasyiete ichupe g̃uarã oporopytyvõ heta térã mbovy (kuimba’e) rupi.

Referencias Cruzadas

2 Samuel 1:20

Ani pemoherakuã Gátpe, ha ani pemombe’útei ko’ã mba’e Ascalon rape rupi, ani hag̃ua Filisteaygua rajykuéra ovy’aite ha ani hag̃ua umi oñekytĩ’ỹva pire’i rajykuéra osapukái vy’águi.

2 Samuel 16:12

Ikatúntemo Ñanderuete oma’ẽ che jepy’apy asy rehe, ha ome’ẽ chéve mba’eporã ko ára pegua ko maldicion rekovia.

2 Réyes 19:4

Ñanderuete, nde Jára ohendupánera’e opaite ñe’ẽ, Rabsaces he’imava’ekue, Asíria retã ruvicha he’iukava’ekue oñe’ẽvai hag̃ua Ñanderuete oikovéva rehe, ha iñe’ẽ rupi oñembohory asy Ñanderuetépe. Ñanderuete tohavira ichupe ha nde, Isaías, eñembo’e Judayguakuéra hembymíva rehehápe.

2 Crónicas 14:10

Upémaramo Asa oho oñemoĩ ñorãirõrãicha Sefata yvyty pa’ũme, Maresa ypýpe.

2 Crónicas 14:11

Ha Asa ojerure asy Ñanderuete, Ijárape, ha he’i: Che Ruete, ndéve g̃uarã ndaipóri ikatu’ỹva, reme’ẽkuaa ñepytyvõ ipu’akapáva térã ipu’aka’ỹvape g̃uarã. Orepytyvõmína, ore Ruete, ore Jaratee, nderehe ningo rojerovia ha nde rérape roju ko soldádo atýpe. Nde ningo ore Ruete, ore Jára, aníke yvyariguakuéra ipu’aka nderehe.

Salmokuéra 135:6

Opaite mba’e Ñanderuete ojaposéva guive, ojapo avei yvágape ha yvýpe, ha umi yguasu ha opaite hugua ipypukuetévape jepe.

Jeremías 9:23

Péicha he’i Ñanderuete: Upe iñarandúva anítei ojerovia iñarandu rehe, upe ipy’aguasúva anítei ojerovia ipy’aguasu rehe, ha upe imba’erepyetáva anítei ojerovia imba’erepyeta rehe.

Jeremías 9:25

Cháke, outahína pe ára, he’i pende Ruete, ahavira hag̃ua mayma tetã oikytĩva hete ha ipy’apýpe katu noñekytĩukái.

Jeremías 9:26

Upéicha ahaviráta Egípto ha Judápe, Edom, Amon ha Moab ñemoñarenguérape, ha umi mombyry oikóvape, umi Arabiaygua desiértore oikóvape ha isyva ojehague’óvape. Opaite umi tetã ha Israel oikytĩ hete, ipy’apýpe katu noñekytĩukái (nomosẽséi ipy’apýgui ijepy’amongeta vai).

Amos 5:15

Pepoi mba’evaígui, ha pehayhu mba’eporã, peiporu justícia añeteguáva, upéicharamo Ñanderuete, Yvága Atykuéra Jára oiporiahuvereko jevý Jose rembyremíme.

Sofonías 2:3

Peheka Ñanderuetépe peẽ peñemomirĩva guive, peẽ pejapóva guive hekoitépe hembiapoukapy, peheka justícia, peñemomirĩve pehóvo, upéicha ikatúne pejohu pytyvõ ipochyha árape.

Zacarías 4:6

Upéramo ha’e oñe’ẽ chéve ha he’i: Kóva ningo Ñanderuete ñe’ẽ Zorobabélpe g̃uarã: Ndaha’éi soldádo aty rupi, ni yvyarigua pu’aka rupi, che Pytu Porãite rupínte katu ojehupahína, he’i ángel atykuéra Jára.

Números 10:32

Reju ramo orendive nde rehupitýta avei mba’eporã Ñanderuete ojapótava oréve g̃uarã.

Números 31:4

Peteĩteĩva Israel tríbugui pemondóta 1.000 kuimba’e pe ñorãirõháme.

Matéo 19:26

Hesu oma’ẽ hesekuéra ha he’i: Yvyariguakuérape g̃uarã ningo ndaikatúi voi, Ñanderuetépe g̃uarã katu opaite mba’e ikatu.

Romayguakuérape 8:31

Mba’épa ja’éta upéicharamo ko’ã mba’e ko’ãva rehe. Ñanderuete oĩ ramo ñanendive, máva piko ikatu oñemoĩ ñanderehe.

Deuteronómio 32:30

Mba’éichapa peteĩ ikatu omuña 1.000-pe, ha mokõi omuñakuaa 10.000-pe, Israel ndohechakuaái Ñanderuete opoiha ichuguikuéra ha ome’ẽtaha ichupekuéra hese ija’e’ỹva pópe.

Filipoyguakuérape 3:3

Ñande ningo umi oñekytĩ’óva añetehápe, ñande jajeroviágui Ñanderuete Pytu Porãite rupi ha ñamomba’eguasúgui Hesu Crísto rembiapo porã ikurusureguare, ha ndajajeroviái kuimba’e rete rembiapóre, ojejapóva kuimba’e rete apérente.

Josué 14:12

Eme’ẽna chéve ko’ág̃a ko cérro, Ñanderuete oñe’ẽva’ekuégui, nde voi rehendu avei pe ára pévape oiko hague gueteri Anacguakuéra, ha oĩha avei upépe umi táva tuicháva ha ikorapy jere ijyvatéva. Ikatu Ñanderuete oĩ chendive, ha amosẽta ichupekuéra, Ñanderuete he’i haguéicha.

Juéces 15:18

Ha ijy’uheietereígui omba’ejerure asy Ñanderuetépe, ha he’i: Nde reme’ẽ ko pytyvõ tuichaitéva ne rembiguái po rupi; ha ág̃a amanótapa chey’uhéigui, ha ha’átapa ko’ã kuimba’e ipire’i oñekytĩ’ỹva (noñecircuncidáiva) pópe.

1 Samuel 14:5

Peteĩ itaguasu opyta nórtepe, Micmas gotýo, ha pe ambue súrpe, Gibéa gotýo.

1 Samuel 14:7

Ha hembiguái he’i ichupe: Ejapo katu reñandúva guive nde py’apýpe, eikuaa porãke, che romoirũta rehosehápe.

1 Samuel 17:26

Upémaramo David oñe’ẽ umi hendive oĩvape ha he’i: Mba’épa ojejapóta pe kuimba’e ipu’akátava ko Filisteaygua rehe, ha omboguéva ko ñemotĩ Israel retãgui. Máva piko ko Filisteaygua ipire’i oñekytĩ’o’ỹva oñemoĩ hag̃ua Ñanderuete oikovéva atyguasu rehe.

1 Samuel 17:36

Taha’e leõ, térã óso ne rembiguái ojuka; ha péicha ojehúta avei ko Filisteaygua ipire’i oñekytĩ’o’ỹvare, ha’e oñembohorýgui Ñanderuete Oikovéva ñorãirõharakuéra rehe.

1 Samuel 17:46

Ore Ruete nemoĩta che pópe ko árape, chepu’akáta nderehe, che roakã’óta ko árape ha ame’ẽta guyra yvate ovevévape ha mymbakuéra yvy ariguápe Filisteaygua retekue hembi’urã ramo; ha yvy tuichakue javeve tojekuaa oĩha Israélpe, Ijára añeteteguáva.

1 Samuel 17:47

Ha péicha avei ko’ã tetãygua aty toikuaa avei ore Ruete noikotevẽiha kyse puku rehe, térã yvyra puku akua rehe; ore Ruete ningo ñorãirõ Jára voi ha Ha’e penemoĩta ore pópe.

1 Samuel 31:4

Upémaramo Saul he’i imo’ãhápe; ehekýi nde kyse puku ha embyasuru che rete rehe osẽ meve che lómope, anítei ou umi ipire’i oikytĩ’ỹva chekutu vaipa ha oñembohory cherehe. Ha imo’ãha ndoikutuséi ichupe okyhyjeitereígui. Upémaramo Saul omoĩ porã ikyse puku ha ojeity hi’ári.