1 Samuel 14:10

Ñanderuete Ñe’ẽ Porã 2015

Ha he’i mba’e ramo ñandéve: Pejúna ore rendápe, upéicharamo jajupíta, upéva he’ise Ñanderuete omoĩmaha ichupekuéra ñande pópe, péva toiko techaukaha ramo ñandéve g̃uarã.

Referencias Cruzadas

Genesis 24:14

ha upe kuñataĩ máva che ha’étavape: Emboguejy ne kambuchi, hay’umi hag̃ua, ha ha’e he’i ramo chéve: Hey’u katu, ha amboy’úta avei ne rymba camellokuérape; péva taha’e nde reiporavova’ekue ne rembiguái Isaácpe g̃uarã; ha upéicha che aikuaáta reiporiahuverekoha che járape.

2 Réyes 20:9

Ha Isaías ombohovái ichupe: Ko techaukapy kóva reguerekóta Ñanderuetégui, Ha’e ojapóta ko’ã mba’e he’iva’ekue: Pe kuarahy’ã ohovéta 10 grádo (igrádo=una hóra rupi) pe escaléra (kuarahy reloj) rupi, térãpa oguevíta 10 grádo pe escaléra rupi.

Éxodo 3:12

Ha Ñanderuete he’i: Tereho, Che ningo aĩta nendive; ko techauka kóva rupi rehechakuaáta Che romondo hague: Renohẽ rire che retãme Egíptogui, peẽ chemomba’eguasúta ko cérro kóva ári.

Juéces 6:36

Ha Gedeon he’i Ñanderuetépe: Oime ramo resalvase Israélpe che po rupi, Nde ere haguéicha,

Juéces 7:11

ha ejapysaka pe rehendútava rehe; ha upéi nde po oñemombaretéta, ha kyre’ỹme pejeitýta hi’arikuéra. Ha Gedeon oguejy Fura, hemimongakuaa ndive, Madiaygua soldádo aty rembe’y peve iguárdia oĩháme.

1 Samuel 10:7

Ág̃a ojehu vove ko’ã mba’e techapyrãva, ejapo reñandúva rejapo hag̃ua, Ñanderuete oĩta nendive.

1 Samuel 14:9

Ha he’i ramo hikuái ñandéve: Peha’ãrõke rog̃uahẽ meve pene rendápe, upéicharamo japytátante ñaimeháme, ha ndajajupimo’ãi ha’ekuéra oĩháme.