1 Samuel 14:1

Ñanderuete Ñe’ẽ Porã 2015

Ojehu ningo peteĩ árape, Jonatan, Saul ra’y, he’i hembiguáipe ogueraháva iñorãirõ rembiporukuéra: Eju jaha Filisteaygua soldádo aty oĩháme. Ha’e katu ndoikuaaukái mba’eve itúvape.

Referencias Cruzadas

Miquéas 7:5

Anive hag̃ua rerovia nde rapicha he’íva ha anive hag̃ua pejerovia pene mburuvicha rehe. Eñangarekóke ne rembireko rehe oñenóva nde ykére, ha emboty nde juru henondépe.

Juéces 14:6

Ha Ñanderuete Pytu Porãitéva ou Sanson ári, ha oipehe’ãmba pe leõme, ku kavara ra’y oñepehe’ã ramoguáicha, ndoguerekói ramojepe mba’eve ipópe; ha nomombe’úi itúvape ni isýpe pe ojapomava’ekue.

Juéces 14:9

Ha ipópe ojapyhy eíra ho’u hag̃ua ohokuévo tapére, ha ohupitývo itúva ha isýpe ome’ẽ avei ichupekuéra, nomombe’úi katu ichupekuéra ha’e oguenohẽ hague pe eíra leõ retekuégui.

Juéces 6:27

Upéramo Gedeon oiporavo 10 kuimba’épe hembiguaikuéra apytégui, ha ojapopa Ñanderuete he’i haguéicha ichupe. Ha okyhyjégui hikuái itúva rogayguakuéragui ha umi kuimba’e táva peguágui, ojapopa pyharekuépe.

1 Samuel 13:2

Saul oiporavo Israelgua kuimba’ekuéra apytégui 3.000, oiko hag̃ua 2.000 kuimba’e hendive Micmáspe, Bet-el cérrope ha 1000 kuimba’e oiko hag̃ua Jonatan ndive Gibéape, Benjamin reheguápe; ha umi tetãygua hembývape omondo hógape.

1 Samuel 13:22

Upéicha rupi pe ñorãirõha árape ndojejohúi kyse puku ni yvyra puku akua Israelguakuéra pópe oĩva Saul ha Jonatan ndive, Saul ha Jonatan añoiténte oguereko ko’ã mba’e ko’ãva.

1 Samuel 13:23

Ha Filisteaygua soldadokuéra oñemboja Micmas, oĩháme peteĩ páso.

1 Samuel 14:2

Ha Saul opyta Gibéa rembe’y gotýo, peteĩ granáda (yvyra) rakã guýpe, oĩva Migrónpe, ha umi kuimba’e hendive hembýva oiméne 600 rupi.

1 Samuel 25:19

Ha he’i hembiguaikuérape: Tapeho che renonderãme, upéi che aháta avei pende rapykuéri. Ha mba’evete nomombe’úi iména Nabálpe.