1 Samuel 13:5

Ñanderuete Ñe’ẽ Porã 2015

Filisteayguakuéra oñembyaty avei ojeity hag̃ua Israel ári, 3000 ñorãirõ cárro, 6.000 kuimba’e kavaju arigua, ha heta ñorãirõhára ndive, ku yvyku’i yguasu rembe’y peguáicha; ha ojupi ha oñembyaty hikuái Micmáspe, Bet-avénguio kuarahyresẽ gotýo.

Referencias Cruzadas

Genesis 22:17

añetehápe rohovasáta ha amboheta hetavéta ne ñemoñarenguéra umi jasytata árare ojehechávaicha ha pe yvyku’i oĩva pe yguasu rembe’y peguáicha; ha ne ñemoñarenguéra ombopoguýta umi hesekuéra ija’e’ỹva retãnguéra.

2 Samuel 17:11

Che ningo ha’e ndéve embyaty hag̃ua opaite Israelgua nendive, Dan guive Beerséba peve, hetaitereíta ku yvyku’i yguasu rembe’y peguáicha, ha ndete voi reho emoakã raku ichupekuéra pe ñorãirõrãme.

1 Réyes 20:27

Israel ñemoñarenguéra oñembyaty avei ha ojapyhy hikuái hembi’urã ha oho ojejohu hag̃ua hendivekuéra, ha Israel soldádo aty ha’ete mokõi kavara aty mimi Síria soldádo aty ndetuicháva renondépe.

2 Crónicas 1:9

Toikókena ko’ág̃a, ore Ruete, ore Jára, pe ñe’ẽ reme’ẽva’ekue che ru Davídpe; Nde chemoĩgui tetã ruvicha ramo peteĩ tetã ndetuicháva ári ku yvytimbóicha.

Isaías 10:28

Asíria og̃uahẽ Ajátpe, ohasa Migron peve; Micmáspe oipapáta isoldádo aty.

Isaías 48:19

ha ndera’ykuérava’erãmo’ã yvyku’ícha ha ne ñemoñarenguéra yvyku’i ra’ỹicha, ha noñembogueiva’erãmo’ã ne ñemoñare réra ha umía ndopaiva’erãmo’ã che resa renondépe.

Jeremías 15:8

Umi kuña imenave’ỹva oñemboheta hetave yvyku’i yguasu rembe’y peguágui; asajekuépe aguerúta hi’arikuéra ñehundiguasu omano hag̃ua sykuéra imemby ndive, amboúta ñemondýi ha kyhyjeguasu itavakuéra ári.

Oséas 10:5

Umi Samariaygua ojepy’apy ojeguerahátarõ itóro ra’yrusu ra’ãngakuéra, umi Betavengua tavayguakuéra oñembyasy ha ipa’ikuéra oryryipa ojegueraháta ramo avei itupão pegua mba’erepyetéva.

Oséas 4:15

Ambue Israelguekuéra omomba’eguasu ramojepe ambue jarakuérape, peẽ Judaygua katu anítei pejavy avei peho hag̃ua Gilgálpe ha Bet-avénpe ha ani peñe’ẽme’ẽ rei pende Ruete rérape, tapia g̃uarã Ha’e oikótava.

Oséas 5:8

Pembopu ovecha ratĩ Gibéape, turu Rámape, pesapukái Betavénpe, peavisa Benjamínpe.

Romayguakuérape 9:27

Isaías ningo sapukaihápe he’i Israel retã rehe: Nde Israel, ne retãyguakuéra heta ramojepe ku yguasu rembe’y yvyku’ícha, hembyremínte ojesalváta,

Josué 11:4

oñembyaty hag̃ua hendive opaite isoldádo aty ndive. Ha oñembyatypa rire hetaiterei ku yvyku’i oĩ háicha yguasu rembe’ýpe, oĩ avei heta kavaju ha cárro ñorãirõ megua.

Josué 18:12

Ijyvy rembe’y nórte gotýo osẽ Jordan guive, ha ojupi Jerico yvate gotýomi, og̃uahẽ meve kuarahyreike gotyogua cérrope, ha ou Bet-aven desiértope,

Josué 7:2

Upéi Josue omondo kuimba’ekuéra Jerico guive Háipe, opytáva Betaven ypýpe, Betélgui kuarahyresẽ gotýo; ha oñe’ẽ ichupekuéra he’ívo: Tapeho ha pehecha porã pe yvy péva. Ha ha’ekuéra oho ha omaña porã hikuái Hái rehe.

Juéces 7:12

Ha umi Madiaygua, Amalecgua ha umi kuarahyresẽ gotyogua ñemoñarenguéra ojepyso joa pe yvypépe tukúicha, hetaitereígui, ha ikamellokuéra ndaikatúi ojepapa, hetaitereígui ku yvyku’i yguasu rembe’y peguáicha.

1 Samuel 13:11

Upéramo Samuel he’i: Mba’éiko rejapóra’e, ha Saul he’i ichupe: Ahechávo tetãyguakuéra okañyve ohóvo chehegui, ha nde nderejúi, ere hague árape, ha Filisteayguakuéra oñembyaty hikuái Micmáspe,

1 Samuel 13:2

Saul oiporavo Israelgua kuimba’ekuéra apytégui 3.000, oiko hag̃ua 2.000 kuimba’e hendive Micmáspe, Bet-el cérrope ha 1000 kuimba’e oiko hag̃ua Jonatan ndive Gibéape, Benjamin reheguápe; ha umi tetãygua hembývape omondo hógape.

1 Samuel 14:23

Upéicha Ñanderuete oipytyvõ porã Israélpe pe ára pévape. Ha pe ñorãirõ guasu og̃uahẽ Bet-aven peve.

1 Samuel 14:52

Ha oiko ñorãirõ ndetuicha jepéva Filisteayguakuéra ndive Saul oikove aja pukukue; upévare Saul ombyaty ijerekuévo opaite kuimba’e imbarete ha ipy’aguasúva guive.

1 Samuel 17:1

Filisteayguakuéra ombyaty isoldádo aty ñorãirõrãme, ha oñembyaty Socópe, upéva opyta Juda retãme, ha opyta hikuái Soco ha Azeca pa’ũme Efes-damímpe.

1 Samuel 7:13

Péicha ipu’aka hikuái Filisteayguakuéra rehe, ha ha’ekuéra ndoikevéi Israel retãme; Ñanderuete omopu’ãgui ipo Filisteayguakuéra rehe, Samuel oikove aja pukukue.