1 Samuel 13:14

Ñanderuete Ñe’ẽ Porã 2015

Ko’ág̃a nande’aremo’ãi tetã ruvicha ramo, Ñanderuete ohekáma ambue kuimba’e oñembopy’apetẽiva hendive ha upéva Ñanderuete oiporavóma avei Israel retã ruvicharã ramo nde remboykégui Ñanderuete ñe’ẽ, Ha’e he’imava’ekue ndéve.

Referencias Cruzadas

2 Samuel 5:2

Kueheve árama voi, Saul oresãmbyhývo gueteri, nde voi regueraha Israel retãyguakuéra ñorãirõme ha regueru jevy. Ko’yteve katu Ñanderuete he’íkuri ndéve: Nde reñangarekova’erã che retã Israel rehe, ha ndetaha Israel retã ruvicha.

2 Samuel 6:21

Upéramo David he’i Micálpe: Ñanderuete renondépe ajapo, cheporavova’ekue chererohoryvégui nde rúgui ha mayma nde rogayguágui, chemoingo hag̃ua mburuvichaguasu ramo Ñanderuete retã, Israel ári, upéicharupi ajeroky Ñanderuete renondépe.

2 Réyes 20:5

Ejevy, ha ere Ezequíaspe, che retã ruvichápe: Péicha he’i pende Ruete, David, nde ru Jára: Che ahendúkuri ne ñembo’e, ha ahecha nde resay, péina ápe Che romongueráta; mbohapy arahápe rejupíta che rogaguasúpe.

1 Crónicas 10:13

Péicha Saul omano naiñe’ẽrendúigui ha nomomba’éigui Ñanderuete ñe’ẽ, ha oporandúgui pe kuña, he’íva ijehe, ohenoikuaaha omanóva anguekuérape,

Salmokuéra 78:70

Oiporavo hembiguái Davídpe, ha oguenohẽ ichupe ovecha atýgui.

Mga Kawikaan 27:24

Cháke, pe mba’erepyeta ndaha’éi opaite ára peve g̃uarã; ha pe mba’erepyeta noñembohasa reimo’ãi peteĩ túvagui opaite iñemoñare jevy peve.

Isaías 39:5

Upémaramo Isaías he’i Ezequíaspe: Ehendu Ñanderuete, yvága atykuéra Jára ñe’ẽ:

Apostolkuéra 13:22

Ha oñemboyke rire Saúlpe Israel guapyhaguasúgui, Ñanderuete omopu’ã Davídpe, hetã ruvicha ramo, ha Ha’e he’i hese: Che ajohu David, Isai ra’ýpe, peteĩ kuimba’e oñembopy’apeteĩva chendive, ha’e ojapopáta che rembipota.

Apostolkuéra 7:46

Ñanderuete oipytyvõ porãiteva’ekue Davídpe, ha upévare ha’e ojerure Ñanderuetépe, omopu’ã hag̃ua ichupe g̃uarã Ñanderuete rogaguasu.

hebreoyguakuerape 2:10

Ñanderuetépe g̃uarã ojejapo opaite mba’e ha Ha’érupi opaite mba’e oikohína avei. Ñanderuete ogueru heta ta’ýra ha tajýra isalvacion rapépe Hesu Crísto ñemano rupi. Hesu Crísto ohasa asyetégui hekovépe heko oĩ porãmba hag̃ua.

1 Samuel 15:23

Pe iñe’ẽrendu’ỹva hembiapo vai ku paje apohára rembiapóicha, ha pe tapicha ojaposéva hapicha rembipota teévante ojapo vai omomba’eguasúrõ guáicha jára gua’úpe. Nde remboyke haguéicha Ñanderuete ñe’ẽ, Ha’e nemboykéma avei, anivéma hag̃ua reiko tetã ruvicha ramo.

1 Samuel 15:26

Ha Samuel he’i jevy ichupe: Nahániri, ndajevymo’ãi nendive, remboyke haguére Ñanderuete ñe’ẽ, Ha’e nandepotavéima tetã ruvicha ramo Israel retãme.

1 Samuel 15:28

Upévo Samuel he’i ichupe: Ko ára kóvape Ñanderuete omondoro ndehegui Israel retã ruvicha reko, ha ome’ẽ peteĩ nde rapichápe heko porãvéva ndehegui.

1 Samuel 16:1

Ñanderuete he’i Samuélpe: Araka’e pevépa rejahe’óta Saul rehe. Che voi amboykékuri ichupe anive hag̃ua oiko Israel ruvicha ramo. Emyenyhẽ peteĩ tymba ratĩngue acéitegui, ha tereho, Che romondóta Isai rendápe oikóva Belénpe, ita’yrakuéra apytégui aiporavóma Israel retã ruvicharã.

1 Samuel 16:12

Omondo ipiarigua, ha ogueru ichupe; ha ipire pytãũ (moréno), ha hesa porã ha hete iporã avei. Upévo Ñanderuete he’i: Epu’ã, emona hese acéite, pévape Che aiporavóma.

1 Samuel 2:30

Upévarupi, Israel Jára he’i: Che ha’eva’ekue nde róga ha nde ru rógape peiko hag̃ua che renondépe opaite árape, ko’ágã katu pende Ruete he’i: Araka’eve ndajapomo’ãi ãichagua mba’e, Che amomba’eguasúta upe chemomba’eguasúvape, ha umi chemboykévape katu ndarekomo’ãi ichupe mba’e ramo.

1 Samuel 24:20

Ha ko’ágã hesakãmbáma chéve ndetaha Israel retã ruvicha, ha Israel oñemombaretetaha nderupi.

1 Samuel 25:30

Ha og̃uahẽ vove pe ára Ñanderuete he’iva’ekue nderehe, Ha’e voi nemboguapýta Israel ruvicha guapyhápe.

1 Samuel 9:16

Ko’ẽramo ko horaitépe amboúta ne rendápe peteĩ kuimba’e Benjamingua ha nde remonáta (reiporavóta) ichupe Israel retã ruvicha ramo, ha he’ive avei: Saul oipe’áta che retãme Filisteayguakuéra poguýgui. Che ahecháma che retãme ha imba’e jerure asy og̃uahẽma che rendápe.