1 Samuel 12:3

Ñanderuete Ñe’ẽ Porã 2015

Ápe aĩ, peñe’ẽke cherehe Ñanderuete renondépe ha pe Ha’e oiporavova’ekue renondépe, omonávo ichupe acéitepe, oime ramo añemomba’e rei pende guéi térã pende búrro rehe térã oime ramo che añe’ẽ pohýi rei térã ajahéi rei peteĩva rehe, térã ajapyhy pirapire ajehesa mboty hag̃ua, umíva tou ha tomombe’u, ha che amyengoviapaitéta ichupekuéra.

Referencias Cruzadas

2 Samuel 22:22

Che aiko Ñanderuete rape rehe, nañemboykéi che Jarateégui.

Nehemías 5:11

Ajerure asy peẽme ko ára kóvape peme’ẽ jevy hag̃ua ichupekuéra ijyvy, iparralty, ijolivoty ha hogakuéra; ha peheja rei mba’e ra’ỹi, víno ha acéite, ha ani pejerure jevy mba’eve peiporuka haguére pende pirapire ichupekuéra.

Salmokuéra 15:5

upe oiporukáva ipirapire hapichápe ha oñeme’ẽ jevývo ichupe ndojerurevéi (interes reheve), ha upe oipytyvõva hapicha ipy’a potĩvape. Opaite ojapóva guive ko’ã mba’eporã noñepysãngamo’ãi.

Éxodo 20:17

Ani reipota nde rapicha róga; ani reipota nde rapicha rembireko, ni hembiguái, ni hemimongakuaa kuñáva, ni hymba guéi, ni ibúrro, ni mba’evete nde rapicha mba’éva.

Éxodo 22:4

Ha ojejohu ramo ipoguýpe peteĩ tymba omondava’ekue, ha oikove gueteri, taha’e guéi, térã búrro, térã ovecha, omyengoviava’erã mokõime.

Éxodo 23:8

Nde rehejaiva’erã oñeme’ẽ ndéve jopói ndejapu hag̃ua; pe jopói ombohesa ypytũ ohechávape, ha omboheko vai hekojojáva ñe’ẽ.

Mga Kawikaan 15:27

Pe imba’epotaitereíva ohundíta hóga, ha pe oñemboykéva pe ñembopopegua ñemígui oikoveva’erã.

Levítico 6:4

péicha ha’e oñemoangaipa ramo ha oporomoñeko’õi ramo, omyengovia jevyva’erã umi mba’e omondava’ekue térã oñongatuva’ekue hapichágui térã pe mba’e kañyngue ojohuva’ekue,

Levítico 6:5

térã opaite mba’e ohupityva’ekue oñe’ẽme’ẽ reiva’ekue; opaite ko’ã mba’e ome’ẽ jevyva’erã katuete ijárape, ha hi’ári ome’ẽveva’erã 20 por ciénto, upe ára upévape ha’e oikuave’ẽ ramo avei pe kuave’ẽmby ñemyengovia reheguáva.

Números 16:15

Upéramo Moises ipochyeterei, ha he’i Ñanderuetépe: Ani rema’ẽtei ikuave’ẽmby rehe; che ndajapyhýi ichuguikuéra peteĩ búrro jepe, ha avave rehe ndajapói ivaíva.

Matéo 22:21

Ha he’i ichupe hikuái: César mba’e. Upévo Hesu he’i ichupekuéra: Peme’ẽ Césarpe, César mba’éva, ha Ñanderuetépe, Ñanderuete mba’éva.

Lúcas 19:8

Zaquéo katu oñembo’y ha he’i: Che Jára, amboja’óta che mba’e reta mbyte rupi, ame’ẽ hag̃ua mboriahukuérape peteĩ mbytekue, ha umi che ambotavyva’ekuépe, amyengoviáta ichupekuéra irundy jevyve pe pirapire aipe’a reiva’ekue ichuguikuéra.

Apostolkuéra 20:33

Che ndaipotaiva’ekue pende pláta, ni pende óro, ni pende ao.

2 Corintoyguakuérape 12:14

Peikuaa porãke añembosako’íma aha hag̃uáicha pene rendápe mbohapyha jevýma ha ndachepohyiséigui peẽme, ndahekáigui pende pirapire, peẽmente poheka; ndaijái ta’yrakuérape oñongatu heta mba’erepy ituvakuérape g̃uarã, tuvakuéra ita’yrakuérape g̃uarãnte uvei.

Deuteronómio 16:19

Ani pemoambue Ñanderuete rembiapoukapy: Ani pembojuavýtei ojuehegui tapichakuéra apytégui, ha ani pejapyhýtei pirapire ñemiháme, pe pirapire ñemiha megua omoypytũ iñarandúvape, ha ombojejavy mayma heko porãvape.

1 Tesalonicayguakuérape 2:10

Peẽ ha Ñanderuete voi ore rechahare, mba’éichapa ore roikova’ekue teko potĩ, tekojoja ha japu’ỹ reheve pende apytépe.

1 Tesalonicayguakuérape 2:5

Peẽ ningo peikuaa porã voi, ore araka’eve norombojuruhe’ẽi rombovy’a hag̃ua yvyariguakuérape térã pirapire potágui, Ñanderuete voi ningo ore rechahare.

1 Pédro 5:2

Peñangareko porãke Ñanderuete ovecha aty rehe, ani pejopy ichupekuéra, py’aporã reheve uvei, ha vy’apópe peneñe’ẽrendu Ñanderuete rembipotápe. Ani peiko ijovecha rerekua ramo pirapire rehehápe.

1 Samuel 10:1

Upéramo Samuel oguenohẽ peteĩ acéite ryru ha oñohẽ Saul akã rehe, ha ohetũvo ichupe he’i: Ñanderuete ndeporavóma Israel retã ruvicharã ramo.

1 Samuel 12:4

Upémaramo he’i hikuái: Araka’eve nereñe’ẽ pohýi reíri ha nderejahéi reíri orerehe, ha nderejapyhýiri mba’eve avaveichagua kuimba’e.

1 Samuel 12:5

Ha ha’e he’i ichupekuéra Ñanderuete ohecha ha ohendupa ha ko Ha’e oiporavova’ekuépe, oñemonávo ichupe acéitepe ohecha ha ohendupa avei umi mba’e ojehúva ko árape, ha ndapejohúi hague che pópe che mba’e’ỹva. Ha ha’ekuéra he’i jevy: Peichaite.

1 Samuel 2:35

Ha Che amopu’ãta peteĩ pa’i hekoite peguáva, ojapótava che py’apy ha che angapy rembipota; ha Che amopu’ã mbaretéta hogarã, ha ha’e oikóta tapia g̃uarã pe mburuvichaguasurã ykére.

1 Samuel 24:11

Ema’ẽmi nde che ru, che pópe aguereko nde ahoja rembe’y pehẽnguemi aikytĩva’ekue, ndorojukaséi katu. Ehechakuaákena napu’ãi hague nderehe, ndarekóigui chepype ñaña térã tembiapo vai, ha nañemoangaipái nderehe; nde katu reñeha’ãmba chejuka hag̃ua.

1 Samuel 24:6

Ha he’i iñirũnguérape: Ñanderuete tachepytyvõ ani hag̃ua ajapo umi mba’evai che jára rehe, Ñanderuete omonava’ekue acéite rehe (oiporavova’ekue), ani hag̃ua amopu’ã che po hese, Ñanderuete voi oiporavo haguére ichupe.

1 Samuel 24:7

Péicha David ojoko iñirũnguérape iñe’ẽ rupi, ha ndohejái opu’ã Saul rehe, ha Saul osẽ pe itakuaguasúgui ha oho hapére.

1 Samuel 26:11

Ñanderuete anítei oheja che aipyso che po Ha’e voi oiporavova’ekue rehe. Eraha katu ijyvyra puku akua oĩva iñakã gotýo, hi’y ryru avei ha jaha.

1 Samuel 26:9

David katu he’i Abisaípe: Anítei rejuka ichupe. Oimeraẽ omopu’ãva ipo Ñanderuete oiporavova’ekuére ojehavirava’erã katuete.