1 Samuel 12:22

Ñanderuete Ñe’ẽ Porã 2015

Ñanderuete ndopoimo’ãi hetãgui, héra ituichaitégui: Ñanderuete voi pendeporavo oñemomba’e hag̃ua penderehe hetãtee ramo.

Referencias Cruzadas

1 Réyes 6:13

Upéicha Che aikóta Israel ñemoñarenguéra apytépe, ha ndapoimo’ãi che retã Israélgui.

1 Réyes 8:57

Ore Ruete eikóna orendive, reiko haguéicha ore rukuéra ndive, anítei repoi orehegui, ha anítei oremboyke.

2 Réyes 14:27

Ñanderuete ndoipe’aséigui Israel réra ko yvága guýgui; oipytyvõse Israélpe Jeroboam, Joas ra’y, po rupi.

2 Réyes 21:14

Ha nañangarekomo’ãvéi che retã rembyre rehe, ha amoĩta hese ija’e’ỹva popekuéra; ha ahejáta hese ija’e’ỹvakuéra tojapyhy ha toisãmbyhy ichupekuéra.

1 Crónicas 28:9

Ha nde, che ra’y Salomon, ehechakuaáke nde ru Járape ha eservi ichupe py’a potĩme ha kyre’ỹpópe; Ñanderuete oitypekágui opaite yvyariguakuéra py’apýpe ha oikuaa avei opaite ñane pensamientokuéra. Eheka ichupe ha emba’apo ichupe g̃uarã; ha reñemomombyry ramo ichugui, Ha’e nderejáta katuete avei.

2 Crónicas 15:2

Ha osẽ ojejohu hag̃ua Asa ndive, ha he’i ichupe: Cherendúke, Asa ha peẽ Juda ha Benjaminguakuéra; Ñanderuete oĩta penendive, peẽ peime ramo hendive; ha peheka ramo ichupe, pejohúta avei ichupe; pepoi ramo ichugui ha’e opoíta avei pendehegui.

Nehemías 9:17

Nohenduséi hikuái, ha naimandu’avéi umi tembiapo techapyrãva rehe rejapova’ekue hesehapekuéra; upévare ojetu’u hikuái, ha oñemoĩ nderehe jepe, imburuvicha ojevyse oiko hag̃ua tembiguái ramo Egípto retãme. Ha Nde ningo peteĩ Jára operdonáva, ipy’a porãva ha oporoporiahuverekóva, hasy ndepochy hag̃ua, ha nde py’a porãitereígui, reperdona jevy jey ichupekuéra.

Salmokuéra 106:8

Nde katu, ore Ruete, reguenohẽva’ekue ichupekuéra ijejopy vaígui, Nde rehayhúgui ichupekuéra rehechauka nde pu’aka.

Salmokuéra 94:14

Ñanderuete ndopoimo’ãi hetãgui ha nomboykemo’ãi hetã Israélpe.

Éxodo 32:12

Ma’erã piko Egiptoyguakuéra he’íta: Mba’evairãnte Ha’e oguenohẽ ichupekuéra, ha ojukapa hag̃ua cérro rehe; ha oipe’a hag̃ua ichupekuéra yvy árigui. Embogue nde pochy ha embyasy rejaposégui mba’evaiete ne retãyguakuéra rehe.

Isaías 37:35

Che voi ningo añangarekóta ko táva kóva rehe aipytyvõ hag̃ua, Che ha che rembiguái David rayhupápe.

Isaías 41:17

Umi ojepy’apýva ha imboriahuetéva oho y rekávo, ndojohúi katu, ikũ ikã ijy’uhéigui; Che, nde Ruete, ahendúta ichupekuéra, Che, Israel Jára, namotyre’ỹmo’ãi ichupekuéra.

Isaías 42:16

Ha aisãmbyhýta umi hesatũvape tape oikuaa’ỹva rupi, amboguatáta ichupekuéra tape oikuaa’ỹva rehe ha pe ypytũ oĩva henonderãme amyesakãmbáta ha aguenohẽta umi ita oĩva hapépe oguata hag̃ua tape potĩ rehe. Ko’ã mba’e katuete ajapóta ichupekuéra g̃uarã, ha ndapoimo’ãi che ñe’ẽgui ajapopa peve.

Isaías 43:25

Che voi ambogue’aína ne rembiapo vai che réra rayhupápe ha nachemomandu’avéi ne aña reko rehe.

Isaías 43:7

Oimeraẽ oñembohérava che réra rupi (agueruka jevýta Israel retãme). Umía ajapo ypyva’ekue che rerakuã porã rehehápe, umía toupaite chemomba’eguasu pyahu hag̃ua.

Isaías 48:11

Cherehehápe ha che rayhupápe ajapo ko’ã mba’e, ani hag̃ua oñemongy’a che réra, ndaipotái avave oñembotuicha che rendaguépe.

Isaías 49:15

Hesaráinepa peteĩ kuña imemby kambúvagui, ndoiporiahuverekovéi hag̃ua imemby hyégui osẽva’ekuépe. Ha pe sy hesarái ramojepe, Che araka’eve ndacheresaraimo’ãi ndehegui.

Isaías 63:8

Ha’e ningo he’i: Añetehápe ha’ekuéra che retã, che ra’ykuérape namboykemo’ãvéi ha Che asalváta ichupekuéra.

Jeremías 14:21

Nde réra rayhupápe katu anítei oremboyke, ha anítei oñembohory hikuái nde guapyhaguasu jajaipáva rehe; nemandu’ána, ani reity tesaráipe, ne ñe’ẽ reme’ẽmava’ekue oréve.

Jeremías 14:7

Ore rembiapo ivaiete ha roñemoĩ ramo jepe nderehe, ore rojerure asy, Nde, ore Ruete nde réra rayhupápe orepytyvõ jevýna, ore voi ropia nde rapégui, ne renondépe roñemoangaipa haguére.

Jeremías 14:9

Mba’érehe piko reiko ku yvyarigua oikuaa’ỹvaicha mba’épa ojapo’arã, térã ku ipy’aguasuetévaicha ikatu’ỹva oporopytyvõ ñorãirõme. Nde reimereína ore apytépe, Nde, ore Ruete, ha nde réra ningo oĩ ore retã rérape; anína oremotyre’ỹ.

Lamentaciónes 5:20

Mba’érehepa nderesaraiete orehegui, ha mba’érehepa areitereíma repoi orehegui.

Ezequiel 20:14

Che réra rehehápe katu ndajapói pya’e, ani hag̃ua oñe’ẽvai umi ambue tetã ohechamava’ekue mba’éichapa aguenohẽ Israélpe Egípto retãgui.

Ezequiel 20:9

Che ajapo umi mba’e che réra rehehápe, ani hag̃ua umi tetã oikóva ijerekuévo oñe’ẽvai cherehe, upévagui Che ajehechauka ha ha’éma avei aguenohẽtaha ichupekuéra Egípto retãgui, umi ambue tetã ijerekuévo oĩva guive ohechakuaa hag̃ua che pu’aka.

Malaquías 1:2

Che pohayhu, he’i pende Ruete, ha peẽ peje: Mba’eichaitépa Nde orerayhu. Esau piko ndaha’éira’e Jacóbo ryke’y, he’i pende Ruete. Jacóbope katu ahayhuvékuri,

Matéo 11:26

Upéicha rejapo, che Ruete, iporãgui nde resa renondépe ko’ã mba’e.

Juan 15:16

Peẽ ndacheporavói chéve, Che voi ningo poiporavova’ekue peẽme, ha Che pomondo peẽ pende’a hag̃ua, ha pende a opyta hag̃ua oñehundi’ỹre. Ha opaite mba’e peẽ pejeruréva Ñanderuetépe che rérape, Ha’e katuete ome’ẽta peẽme.

Romayguakuérape 11:1

Upévare aporanduse: Ñanderuete piko opoíma hetã Israélgui. Mba’evéicharõ. Che ningo avei peteĩ Israelgua, Abraham ñemoñare, Benjamin tríbugui.

Romayguakuérape 11:29

Araka’eve Ñanderuete ndopoimo’ãi hetã Israélgui, ni ndoipe’a jevymo’ãi iporiahuvereko me’ẽmby ome’ẽmava’ekue Israélpe.

1 Corintoyguakuérape 4:7

Máva piko nemoĩra’e ambuekuéra ári. Mba’e piko reguereko rehupity’ỹva’ekue Ñanderuetégui. Ha rehupitypa rire piko, mba’érehe reñembotuicha rehupity’ỹrõ guáicha.

Efesoyguakuérape 1:12

Ñande jajerovia ñepyrũ guive ñamoĩma ñane esperánza hese, upévare ñamomba’eguasuve jahávo Ñanderuete teko jajaipávape.

Efesoyguakuérape 1:6

ñande ñamomba’eguasu hag̃ua ichupe tapia g̃uarã, Ha’e ipy’a porã haguére, ha Ha’e ohechauka haguére ñandéve iporiahuvereko Ita’ýra Hesu Crísto rupi.

Deuteronómio 14:2

Peẽ ningo tetã oñemboykéva Jahve, pende Ruetépe g̃uarã, ha Ha’e pendeporavóma peiko hag̃ua imba’etee ramo mayma tetãnguéra apytépe oĩva guive ko yvy apére.

Deuteronómio 31:17

Upe ára upévape Che chepochýta hendivekuéra, ha apoíta avei ichuguikuéra añomívo che rova ichuguikuéra, upémaramo Israel oñehundíta heta mba’evai ha jepy’apy pohýi rupi ha he’iva’erã hikuái upe árape: Ndoúipa ñandeári ko’ã mba’evai Ñanderuete opoígui ñandehegui.

Deuteronómio 31:6

Peñeha’ã ha peñemombaretéke; ani pekyhyjétei, ha ani peñemondýi ichuguikuéra, Ñanderuete, Ñandejára, ohóta penendive; Ha’e ndopoimo’ãi pendehegui ha napenemotyre’ỹmo’ãi.

Deuteronómio 31:8

Ñanderuete ohóta ne renonderãme; Ha’e oĩta nendive, ndojeimo’ãi ndehegui ha nanemotyre’ỹmo’ãi; ani rekyhyjétei ha ani reñembopy’amirĩtei.

Deuteronómio 7:6

Peẽ ningo tetã oñemboykéva Ñanderuete, Ñandejárape g̃uarã; Ñanderuete, Ñandejára pendeporavókuri peiko hag̃ua ichupe g̃uarã peteĩ tetã hekopotĩva ramo, ambue tetãnguéra apytépe oikóva guive ko yvy apére.

Deuteronómio 9:5

Ndaha’éi pende reko porã ni pene ñe’ã potĩgui peiketaha Canaánpe peñemomba’e hag̃ua ijyvykuéra rehe, ko’ã tetãnguéra heko vaietéguinte Ñanderuete, Ñandejára renondépe, upévare Ha’e omosẽ ichupekuéra pene renonderãgui, ha omoañete hag̃ua iñe’ẽ, ome’ẽmava’ekue pende rukuéra Abraham, Isaac ha Jacóbope.

Filipoyguakuérape 1:6

Ore roha’ãrõ Ñanderuete omoñepyrũva’ekue pe tembiapo iporãva pendepype, Ha’e voi penemog̃uahẽtaha hu’ãme, Hesu Crísto ou jevyha árape.

hebreoyguakuerape 13:5

Aníke peiko umi hakate’ỹvaicha, oikóva pirapire rekávonte, pevy’a uvei peguerekomíva reheve; Ñanderuete voi he’i: Che ndapoimo’ãi araka’eve pendehegui ha araka’eve Che ndapohejamo’ãi tyre’ỹ ramo, (1 Timotéope 6,6; Josue 1,5).

Josué 7:9

Umi Canaangua ha opaite tetãyguakuéra oikóva upérupi ohendu ramo ko’ã mba’e oúta oremongora ha ombogue ore réra yvy árigui; ha upéicharamo, mba’épa Nde rejapóta nde réraguasuetépe g̃uarã.

1 Pédro 2:9

Peẽ katu pe tetã poravopyre, peteĩ tetã heko potĩmava, Ñanderuete ohenoimava’ekue pytũmbýgui peiko hag̃ua hesape porãitépe, pemyasãi hag̃ua ipa’ikuéra ramo Ñanderuete rembiapo tuichaitéva, (Éxodo 19,6).