1 Samuel 12:2

Ñanderuete Ñe’ẽ Porã 2015

Ko’ágã pene retã ruvicha penesãmbyhýta. Ha chetujáma ha che akãrague morotĩmbáma; ha che ra’ykuéra oĩmba penendive, Che poisãmbyhy che mitãrusu guive ko ára kóva peve.

Referencias Cruzadas

Salmokuéra 71:18

Chetujáma ningo ha che akã rague morotĩmbámarõ jepe, Nde, che Ruete, ani chereja rei, amombe’uve hag̃ua nde pu’aka ha ne mbaretekue che ñemoñarenguérape ha mayma ouva’erãvape.

Números 27:17

Upe kuimba’e upéva tomyakã ichupekuéra opa rupiete ha tomoirũ ichupekuéra oho ha oukuévo, ne retã Israel ani hag̃ua oiko herekua’ỹre.

2 Timotéope 4:6

Che ningo aiméma añekuave’ẽ hag̃uáicha, che ñemano ára hi’ag̃uíma.

Josué 23:1

Ko’ã mba’e rire ohasa ohóvo heta ára ha Ñanderuete omombytu’u Israelguakuérape ñorãirõgui ambue tetãnguéragui ndive, ha Josue itujáma ramo,

Josué 23:2

ohenói mayma Israelguápe, opaite mburuvicha, mbojovakehára ha karai ancianokuérape, ha he’i ichupekuéra: Che chetujáma ha heta áñoma che aiko.

2 Pédro 1:14

Aikuaa voi ningo ndaikomo’ãiháma areve ko yvy apére, Ñandejára Hesu Crísto oikuaauka haguéicha chéve.

1 Samuel 2:22

Eli katu itujaitereíma; ha ohendupa ita’yrakuéra ojapoha ivaíva opaite Israelguakuéra rehe, ha mba’éichapa oke kuñakuéra ndive, omba’apóva pe óga jojohuha rokẽme.

1 Samuel 2:29

Mba’érehe piko pepyrũ che kuave’ẽmby rymba ha tembi’u rehegua rehe, Che voi aikuave’ẽukava’ekue pe óga jojohuhápe; ha nde rembotuichave nde ra’ykuérape chehegui, peñemongy’a umi mba’e iporãvévagui, Israelguakuéra oikuave’ẽva’ekue chéve.

1 Samuel 3:10

Ha Ñanderuetépe jepiguáicha ohenói jevy: Samuel, Samuel; upéramo Samuel he’i: Eñe’ẽ, ne rembiguái nerendureína.

1 Samuel 3:13

Ha ahechaukáta ichupe, Che ambojovaketaha iñemoñarenguérape opaite árape, pe aña reko ha’e voi oikuaamava’ekue rehe: Ita’yrakuéra oñe’ẽ vai cherehe, ha ha’e ndojokói ichupekuéra.

1 Samuel 3:16

Eli katu ohenói Samuélpe, ha he’i ichupe: Che ra’y, Samuel, ha ha’e ombohovái, na’ápe aĩ.

1 Samuel 8:1

Ojehu Samuel itujáma ramo omoĩ ita’yrakuérape ombojovake hag̃ua Israelguakuérape.

1 Samuel 8:20

Ha ore roikóta avei ambue tetãnguéraicha, ha ore retã ruvicha oresãmbyhýta, ha osẽta ore renonderãme, ha ha’e oremoakãta oĩ ramo ñorãirõ ambue tetã ndive.

1 Samuel 8:3

Ita’yrakuéra katu ndoguatái itúva rape rehe, ha’ekuéra ipirapire potágui omokarẽ pe justícia rape.

1 Samuel 8:5

ha he’i hikuái ichupe: Eikuaa porãke, nde ndetujáma, ha nde ra’ykuéra ndoikói nde rape rehe; upévare emoĩ ko’ág̃a oréve peteĩ tetã ruvicha oresãmbyhy hag̃ua, ambue tetãnguéra oguereko háicha avei.