1 Samuel 12:18

Ñanderuete Ñe’ẽ Porã 2015

Ha Samuel omba’ejerure asy Ñanderuetépe, ha Ha’e omosunu ha omongy pe ára pévape; ha mayma tetãyguakuéra okyhyjeiterei Ñanderuete ha Samuélgui.

Referencias Cruzadas

1 Réyes 18:42

Acab ojupi okaru ha hoy’u hag̃ua. Ha Elías ojupi Carmel cérro ru’ã rehe, ha oñesũ pe yvýpe, ha omoĩ hova henypy’ã pa’ũme.

Ésdras 10:9

Ha péicha opaite Juda ha Benjamin kuimba’ekuéra oñembyaty Jerusalénpe pe ára mbohapyhápe, péva ho’a pe ára 20-hápe, pe jasy 9-hápe, ha tetãyguakuéra maymáva oguapy Ñanderuete rogaguasu renondépe, oryryipa hikuái okyhyjégui umi mba’e ojehútavagui ha okýgui avei.

Job 37:13

Umía Ha’e sapy’a ombou yvy apére jehavira ramo térã jehovasa ramo.

Salmokuéra 99:6

Moises ha Aaron oiko nde pa’ikuéra apytépe, ha Samuel oiko umi ohenóiva nde réra apytépe, ohenói hikuái Ñanderuetépe, ha Ha’e ombohovái ichupekuéra.

Éxodo 14:31

Ha Israel ohecha Ñanderuete oñemoĩ hague Egiptoyguakuéra rehe ohundipávo ichupekuéra; upéramo Israelguakuéra okyhyje Ñanderuetégui ha ojerovia Ñanderuetére ha oguerovia hembiguái Moiséspe.

Josué 10:12

Upéramo Josue oñembo’e Ñanderuetépe, Ha’e oity ramoguare Amorguakuérape Israel ñemoñarenguéra renondépe, ha he’i Israelguakuéra rovake: Kuarahy, epyta Gabaónpe, ha nde jasy Ajalon ñúme.

Josué 4:14

Pe ára pévape Ñanderuete ombotuicha Josuépe hetãyguakuéra resápe; ha’ekuéra okyhyje ha iñe’ẽrendu hag̃ua Josuépe, iñe’ẽrendu ha okyhyje haguéicha Moisésgui.