1 Samuel 12:12

Ñanderuete Ñe’ẽ Porã 2015

Peẽ pehechávo Nahas, Amon ñemoñare retã ruvicha ouva’ekue ojeity hag̃ua ñandeári, upérõ, pejékuri chéve: Taoresãmbyhýnte avei peteĩ tetã ruvicha, Ñanderuete ramojepe pene retã ruvichaguasu añeteguáva.

Referencias Cruzadas

Genesis 17:7

Ha añemoĩma peteĩ ñe’ẽme nendive, nde riregua ñemoñarenguéra ndive ha iñemoñarenguerare ndive, ára atyguasukuéra rupi aiko hag̃ua nde Jára ramo, ha nderiregua ñemoñarenguéra Jára ramo avei.

Salmokuéra 74:12

Ñanderuete yma guive Nde ore ruvichaguasu, Nde orepytyvõ porãra’e ko yvy apére.

Isaías 33:22

Ñanderuete voi ñane mbojovakehára, Ha’e ñane sãmbyhyhára, Ha’e ñane Retã Ruvicha, Ha’e ñandesalváta.

Jeremías 40:11

Ha ou avei mayma Judaygua oikova’ekue Moab ha Edómpe, Amon ñemoñare apytépe, ha umi oikóva opaite ambue tetãme, ohendu vove hikuái Babilónia retã ruvicha omohembymimi hague hapichakuérape Juda retãme, ha omoĩ hague hi’arikuéra Gedalías, Ahicam ra’y, Safan remineno,

Oséas 13:10

Mamo piko oime ne retã ruvicha nepytyvõ hag̃ua nde tavakuéra ryepýpe ha mamo piko oime pene mburuvichakuéra ombojovake porã hag̃ua hetãyguakuéra oja’yverévape. Nde voi rejerure asyetereíma tetã ruvicha ha mburuvichakuéra rehe.

Números 23:21

Ha’e ndohechái Jacóbo rehe aña reko, ha maldicion ndojamo’ãi Israel rehe, Ñanderuete, Ijára oĩgui hendive, ha Israel omomba’eguasu Jahvépe.

Juéces 8:23

Gedeon katu he’i: Ndaikomo’ãi pene retã ruvicha ramo, ha che ra’y ndoikomo’ãi avei pende ruvicha ramo, Ñanderuete ningo pende ruvicha.

Juéces 9:18

peẽ katu pepu’ã ko árape che ru róga rehe ha pejuka 70 ita’yrakuérape peteĩ ita ári; ha pemoĩ tetã ruvicha ramo Abimelécpe pe táva Siquem ári, peteĩ kuña rembiguái membyre, ha’égui pene pehẽngue;

1 Samuel 10:19

Peẽ katu ko’ág̃a pemboyke pende Jarateépe penemo’ãmava’ekue opaite pende jepy’apy ha pende py’ajopýgui, ha peje: Nahániri, emoĩ tetã ruvichaguasu oreári. Ko’ág̃a, peñemboja Ñanderuete renondépe pende tríbu rupi ha pende 1000 aty rehegua rupi.

1 Samuel 8:3

Ita’yrakuéra katu ndoguatái itúva rape rehe, ha’ekuéra ipirapire potágui omokarẽ pe justícia rape.