1 Samuel 12:11

Ñanderuete Ñe’ẽ Porã 2015

Upéramo Ñanderuete ombou Jerubaálpe, Barac, Jefte ha Samuélpe, penerenohẽ hag̃ua umi penderayhu’ỹva poguýgui ha umi oikóva pende jerekuévogui, peiko jevy hag̃ua py’aguapýpe.

Referencias Cruzadas

2 Réyes 13:5

Ha Ñanderuete omoĩ Israélpe peteĩ pytyvõhára, ojei hag̃ua Siriaygua poguýgui; upéicha Israel ñemoñarenguéra oiko jevy hogakuérape jepiguáicha.

1 Crónicas 7:17

Ulam ra’y Bedan. Ãva Galaad ra’ykuéra, kóva Maquir ra’y, kóva Manases ra’y.

Juéces 4:6

Ha Débora ohenoiuka Barac, Abinoam ra’ýpe, oikóva Cedéspe, ha’e Neftali tríbu rehegua, ha he’i ichupe: Ñanderuete he’iuka ndéve rembyaty hag̃ua nde poguýpe tapichakuérape Tabor cérrope, upévare eraha nendive 10.000 kuimba’e Neftali ha Zabulon tríbugui;

Juéces 6:14

Ha Ñanderuete oma’ẽvo hese he’i ichupe: Tereho ko mbarete reguerekóva reheve, reipe’a hag̃ua Israélpe Madiayguakuéra poguýgui, Che romondotahína.

Juéces 6:31

Ha Joas ombohovái mayma ijypýpe oĩvape ha he’i: Peñorãirõtapa peẽ Baal rehe, peikótapa Baal mo’ãha ramo. Oimeraẽ oñorãirõva Baal rehehápe tomano ko pyharevépe. Oime ramo ha’e peteĩ jára añeteguáva, ha’e voi toñorãirõ ikuave’ẽmby renda reityhára ndive.

Juéces 6:32

Upe ára guive Gedeon ombohéra Jerobaal, péva he’ise: Toñorãirõ Baal hendive, ha’e oity haguére ikuave’ẽmby renda.

Juéces 7:1

Ha Jerobaal, péva hína Gedeon, opu’ã pyhareve ha mayma hetãygua oĩva guive hendive, oñembyaty hag̃ua hikuái Harod yvu ypýpe; ha umi Madiaygua aty oñembyaty yvate gotyove ichuguikuéra, More cérro ykére, peteĩ yvypépe.

Juéces 8:29

Uperire Jerobaal, Joas ra’y, oho ha oiko hógape.

Juéces 8:35

Ha naimba’erechakuaái hikuái Jerobaal róga ndive, péva hína Gedeon, umi mba’e porãita ha’e ojapova’ekue Israel rehe.

1 Samuel 3:20

Ha opaite Israelgua, Dan guive Beerséba peve, oikuaa Samuel Ñanderuete proféta añeteguaha.

1 Samuel 7:13

Péicha ipu’aka hikuái Filisteayguakuéra rehe, ha ha’ekuéra ndoikevéi Israel retãme; Ñanderuete omopu’ãgui ipo Filisteayguakuéra rehe, Samuel oikove aja pukukue.