1 Samuel 12:10

Ñanderuete Ñe’ẽ Porã 2015

Upéi ha’ekuéra omba’ejerure asy Ñanderuetépe, ha he’i hikuái: Ore roñemoangaipa, romboykégui ore Ruetépe, ha roiko Baal ha Astarot rembiguái ramo; Nde katu orerenohẽ orerehe ija’e’ỹva poguýgui, upévare roikose jevy ne rembiguaikuéra ramo.

Referencias Cruzadas

Salmokuéra 106:44

Upeichavéramo jepe, Ha’e oma’ẽ jevy hesekuéra ojepy’apy vaiete aja ha ohendu jevy imba’ejerure asy.

Isaías 26:16

Ore Ruete, rohasa asyete jave ha nde jehavira orerupitýgui roheka jevy nde rova ha roñembo’e ndéve.

Isaías 33:22

Ñanderuete voi ñane mbojovakehára, Ha’e ñane sãmbyhyhára, Ha’e ñane Retã Ruvicha, Ha’e ñandesalváta.

Josué 13:31

ha Galaad yvy mbytere, Astarot ha Edrei, ko’ã táva opyta Basánpe, Og oisãmbyhy haguépe ko yvy opyta Maquir ñemoñare mbyterépe g̃uarã, hogaguasu heta háicha.

Juéces 10:10

Upémaramo Israel ñemoñarenguéra omba’ejerure asy Ñanderuetépe, he’ívo: Ore roñemoangaipa ne renondépe ropoi haguére ore Járagui romomba’eguasu hag̃ua Baalkuérape.

Juéces 2:11

Uperire Israel ñemoñarenguéra ojapo mba’e ivaietéva Ñanderuete resa renondépe omomba’eguasúvo umi Baálpe (ambue tetã jára gua’úpe).

Juéces 2:13

Ha opoi rire hikuái Ñanderuetégui, omomba’eguasu Baal ha Astarótpe.

Juéces 3:15

Ha Israel ñemoñarenguéra omba’ejerure asýgui Ñanderuetépe, Ha’e omopu’ã ichupekuéra g̃uarã peteĩ pytyvõhára, Eud, Gera ra’ýpe, Benjamin tríbugui, péva ningo peteĩ kuimba’e ijasúva. Ha Israel ñemoñarenguéra oguerahauka Eud rupi umi impuésto Eglon, Moab retã ruvichápe.

Juéces 3:7

Ha Israel ñemoñarenguéra oñemoangaipa Ñanderuete resa renondépe, ha hesarái hikuái Ñanderuete, Ijaraitégui, ha omomba’eguasu hikuái umi Baal ha Asera ra’ãngápe.

Juéces 3:9

Ha Israel ñemoñarenguéra omba’ejerure asy Ñanderuetépe; ha Ñanderuete omopu’ã peteĩ pytyvõhára Israel ñemoñarenguérape g̃uarã osalva hag̃ua ichupekuéra; kóva ningo Otoniel, Cenez ra’y, Caleb ryvy imitãvéva.

Juéces 4:3

Ha umi Israel ñemoñare omba’ejerure asy Ñanderuetépe, Sísara oguereko 900 cárro hierroguiguáva ha ojopy asýgui Israel ñemoñarenguérape 20 áño pukukue.

Juéces 6:7

Ha Israel ñemoñarenguéra omba’ejerure asýma ramo Ñanderuetépe, umi Madiaygua po ipohyietereígui hi’arikuéra,

1 Samuel 7:2

Pe ára og̃uahẽ guive pe karameg̃ua Quiriat-jearímpe ohasa heta ára, 20 áño rupi, ha mayma Israelgua ojahe’o Ñanderuete renondépe (oikógui Filisteayguakuéra poguýpe).

1 Samuel 7:6

Ha oñembyaty hikuái Mizpápe, ha onohẽ hikuái y ha oñohẽ Ñanderuete renondépe, ha ndokarúi upe árape, ha he’i hikuái: Ñande voi ñañemoĩ Ñanderuete rehe ñane angaipa rupi. Samuel ombojovake Israel ñemoñarenguérape Mizpápe.