1 Samuel 11:6

Ñanderuete Ñe’ẽ Porã 2015

Saul ohendúvo ko ñe’ẽ, Ñanderuete Pytu Porãitéva ou hi’ári ha ha’e oñeko’õiete.

Referencias Cruzadas

Éxodo 32:19

Ha Moises og̃uahẽvo pe atyhápe ha ohechávo pe tóro ra’yrusu ra’ãnga ha umi ojerokýva, ipochyeterei ha omombo umi ita ipéva ipópe oguerúva, ha ojoka cérro rehe.

Números 12:3

Ha Moises oñemomirĩve ha ipy’aporãve opaite ambue kuimba’e ha kuñakuéra ndive oikóva guive ko yvy apére.

Márcos 3:5

Upérõ Hesu oma’ẽ pochyhápe hesekuéra, ñeko’õi reheve oñembopy’a hatã haguére ha he’i pe kuimba’épe: Eipyso nde po. Ha ha’e oipysóvo ipo okueraite opytávo.

Efesoyguakuérape 4:26

Peẽ pendepochy ramo ani peñemoangaipa. Ani peheja oike pe kuarahy pende pochy reheve.

Juéces 11:29

Ha Ñanderuete Pytu Porãitéva ou Jefte ári; ha’e ohasa Galaad ha Manases yvy rupi, ha og̃uahẽ Mizpa, Galaad peguápe, ha upégui ohasa Amon ñemoñarenguéra rendápe.

Juéces 13:25

Ha Ñanderuete Pytu Porãitéva oñepyrũ oiko hag̃ua ipype Dan atyguasúpe, oĩva Zora ha Estaol pa’ũme.

Juéces 14:6

Ha Ñanderuete Pytu Porãitéva ou Sanson ári, ha oipehe’ãmba pe leõme, ku kavara ra’y oñepehe’ã ramoguáicha, ndoguerekói ramojepe mba’eve ipópe; ha nomombe’úi itúvape ni isýpe pe ojapomava’ekue.

Juéces 15:14

Lehi peve, ha Filisteayguakuéra osẽ sapukaipópe ojohúvo ichupe; ha Ñanderuete Pytu Porãitéva ou hi’ári, ha umi sã oĩva’ekue ijyva rehe ojogua ku ka’avoguigua inimbo kaiguépe ha iñapytĩha ho’apa ipógui.

Juéces 3:10

Ha Ñanderuete Pytu Porãitéva ou hi’ári, ha ha’e ombojovake aja Israélpe, osẽ oñorãirõ hag̃ua Cusan-risatáim, Mesopotámia retã ruvicha ndive, ha ipu’aka hese.

Juéces 6:34

Ha Ñanderuete Pytu Porãitéva ou Gedeon ári, ha ha’e ombopúvo pe turu, Abiezerguakuéra oñembyatypa hendive.

1 Samuel 10:10

Ha Saul og̃uahẽvo pe cérro yképe, péina ouhína profetakuéra ohug̃uaitĩvo ichupe; ha Ñanderuete Pytu Porãitéva ou hi’ári ipu’aka reheve, ha Saul oprofetiza avei ijapytepekuéra.

1 Samuel 10:6

Upévo Ñanderuete Pytu Porãitéva pu’aka oúta nde ári ha reprofetizáta hendivekuéra, ha oikóta ndehegui ambue kuimba’e.

1 Samuel 16:13

Ha Samuel ojapyhy pe acéite oĩva hymba ratĩnguépe ha omona hese acéitepe ityke’yrakuéra apytépe; ha pe ára guive tenonderã gotýo Ñanderuete Pytu Porãitéva ou David ári. Uperire Samuel opu’ã ha oho jevy Ramápe.

1 Samuel 16:14

Ñanderuete Pytu Porãitéva ojei Saúlgui, ha Ñanderuete omondo peteĩ pytu ñaña ombotarova hag̃ua Saúlpe.