1 Samuel 11:13

Ñanderuete Ñe’ẽ Porã 2015

Ha Saul he’i: Ko árape avave nomanomo’ãi, Ñanderuete oipytyvõ porã haguére Israélpe.

Referencias Cruzadas

2 Samuel 19:22

Upémaramo David he’i: Mba’éiko che areko nendive Sarvia memby, ko árape reiko cherehe ija’e’ỹva ramo chepy’ara’ã hag̃ua. Omanova’erã piko ko árape peteĩ Israelgua, reimo’ã piko che ndaikuaaiha ko árape apyta jevyha Israel retã ruvicha ramo.

2 Samuel 19:23

Ha tetã ruvicha he’i Siméipe: Neremanomo’ãi. Ha tetã ruvicha ome’ẽ ichupe inẽ’ẽ.

2 Samuel 23:10

ko Eleazar kóvante katu opyta ha oha’ãrõ ichupekuéra ha oikutu Filisteayguakuérape ikane’õite peve, ha ipo ijapa peve ikyse puku rehe. Upe árape Ñanderuete ombopoguy Filisteayguakuérape Eleazar rupi; omono’õ hag̃uánte Filisteayguakuéra mba’e repykuénte, umi okañyva’ekue ojevy hikuái.

Éxodo 14:13

Ha Moises he’i hetãyguakuérape: Anítei peñemokangy ha ani pekyhyje, ko ára kóvape pehecháta Ñanderuete pu’aka Ha’e pendesalvávo, ko’ã Egiptoyguágui, ndapehechamo’ãvéima araka’eve ichupekuéra.

Éxodo 14:30

Péicha Ñanderuete osalva pe ára pévape Israélpe Egiptoyguakuéra poguýgui; ha Israel ohecha Egiptoygua re’õnguekuéra yguasu rembe’ýpe.

Isaías 59:16

Ha Ñanderuete oñemondýi ohecha ramo ndaiporiha peteĩnte jepe oipytyvõséva umi ojeitývape cárcelpe, upévare Ha’e voi ijyva mbaretépe omopu’ã jevy ichupekuéra.

1 Corintoyguakuérape 15:10

Ñanderuete poriahuvereko rupínte katu che ha’e pe ha’éva, ha pe mborayhu Ha’e oiporúva cherehe ndareíri, añeha’ãmbave opaite ambuekuéragui. Ndachéi jepe ningo, Ñanderuete rembiapo rupi uvei, ipy’aporã chemyañáva,

1 Samuel 10:27

Ha oĩmimi umi tekove ñaña he’íva: Mba’éichapa kóva ikatu ñaneguenohẽ jejopy vaígui. Ha ndo’apói mba’eve ramo ichupe hikuái, ha ndoguerúi ichupe jopói; Saul katu nopenái hesekuéra, ha okirirĩ.

1 Samuel 14:45

Upévo Israelguakuéra he’i Saúlpe: Omanova’erã piko Jonatan, pe oguerúva salvacion Israélpe g̃uarã. Ndaupeichaiva’erã, Ñanderuete rérape, ni peteĩ iñakã rague ndo’amo’ãi ichugui yvýpe, heta hembiapo porã ojapókuri Ñanderuete pu’aka rupi. Upéicha tetãyguakuéra oguenohẽ Jonatánpe iñemanorãgui.

1 Samuel 19:5

Ha’e omoĩ hekove jepe ne rembipota poguýpe ojeitývo Filisteaygua ári, ha’erupi Ñanderuete ome’ẽ tuicha pytyvõ mayma Israelguápe. Nde reikuaapa ko’ã mba’e ha revy’ákuri, mba’upépa ko’ág̃a reñemoangaipáta tuguy imarã’ỹva rehe, rejuka rei ramo Davídpe.