1 Samuel 10:6

Ñanderuete Ñe’ẽ Porã 2015

Upévo Ñanderuete Pytu Porãitéva pu’aka oúta nde ári ha reprofetizáta hendivekuéra, ha oikóta ndehegui ambue kuimba’e.

Referencias Cruzadas

Números 11:17

Che aguejýta añe’ẽ hag̃ua nendive upépe, ha amboja’óta pe pytu porã oĩva ndepype amoĩ hag̃ua ipypekuéra; ha ha’ekuéra ogueraháta nendive ko tetã cárga pohýiva, ha ndererahamo’ãvéi neañónte.

Números 11:25

Ñanderuete oguejy arai rupi, ha oñe’ẽ ichupe; ha Ha’e oipe’amimi Moises pytu porãgui ome’ẽ hag̃ua umi 70 mburuvichápe; ha oguejy vove hi’arikuéra pe pytu porã oprofetiza hikuái, kurimive katu ndoprofetizavéi.

Números 11:26

Mokõi kuimba’e, umi 70 apytépe, hérava Eldad ha Medad, umía ári oguejy avei pe pytu porã nog̃uahẽséi ramo jepe pe óga jojohuhápe, ha’ekuéra oprofetiza avei pe tekohápe, pe pytu porã oguejýgui avei hi’arikuéra.

Números 11:29

Ha Moises he’i jevy ichupe: Ndépa nerakate’ỹ cherehe. Mba’éicha tamora’e mayma Ñanderuete retãygua toiko proféta ramo ha Ñanderuete tome’ẽ ichupekuéra Ipytu Porãitéva.

Matéo 7:22

Upe ára upévape heta he’íta chéve: Che Jára, che Jára, ore piko ndoroprofetizáira’e nde rérape, noromosẽi piko ra’e heta mba’epochýpe, ha nde rérape ndorojapói piko ra’e heta milágro.

Juéces 14:6

Ha Ñanderuete Pytu Porãitéva ou Sanson ári, ha oipehe’ãmba pe leõme, ku kavara ra’y oñepehe’ã ramoguáicha, ndoguerekói ramojepe mba’eve ipópe; ha nomombe’úi itúvape ni isýpe pe ojapomava’ekue.

Juéces 15:14

Lehi peve, ha Filisteayguakuéra osẽ sapukaipópe ojohúvo ichupe; ha Ñanderuete Pytu Porãitéva ou hi’ári, ha umi sã oĩva’ekue ijyva rehe ojogua ku ka’avoguigua inimbo kaiguépe ha iñapytĩha ho’apa ipógui.

Juéces 3:10

Ha Ñanderuete Pytu Porãitéva ou hi’ári, ha ha’e ombojovake aja Israélpe, osẽ oñorãirõ hag̃ua Cusan-risatáim, Mesopotámia retã ruvicha ndive, ha ipu’aka hese.

1 Samuel 10:10

Ha Saul og̃uahẽvo pe cérro yképe, péina ouhína profetakuéra ohug̃uaitĩvo ichupe; ha Ñanderuete Pytu Porãitéva ou hi’ári ipu’aka reheve, ha Saul oprofetiza avei ijapytepekuéra.

1 Samuel 10:9

Ha ojehu Saul ojerévo ome’ẽ ijatukupe oho hag̃ua Samuel ypýgui, Ñanderuete omoambue iñe’ã ha opaite ko’ã techauka ojehu pe ára pévape.

1 Samuel 11:6

Saul ohendúvo ko ñe’ẽ, Ñanderuete Pytu Porãitéva ou hi’ári ha ha’e oñeko’õiete.

1 Samuel 16:13

Ha Samuel ojapyhy pe acéite oĩva hymba ratĩnguépe ha omona hese acéitepe ityke’yrakuéra apytépe; ha pe ára guive tenonderã gotýo Ñanderuete Pytu Porãitéva ou David ári. Uperire Samuel opu’ã ha oho jevy Ramápe.

1 Samuel 19:20

Upéramo Saul omondo hembiguaikuérape ogueru hag̃ua Davídpe, ha umía ohug̃uaitĩ umi proféta remimbo’ekuéra oprofetizavahína ha Samuel omyakã ichupekuéra. Ha Ñanderuete Pytu Porãitéva ou avei Saul rembijokuaikuéra ári ha ha’ekuéra oprofetiza avei hendivekuéra.