1 Samuel 10:11

Ñanderuete Ñe’ẽ Porã 2015

Ha umi oikuaáva Saúlpe ha ohechávo ichupe oprofetizaha avei profetakuéra ndive, he’i joa hikuái ojupe: Mba’e piko ojehúra’e Cis ra’ýpe. Saul piko oiko avei proféta ramo profetakuéra apytépe.

Referencias Cruzadas

Amos 7:14

Upéramo Amos ombohovái ha he’i Amasíaspe: Che ndaha’éi proféta ha ndaha’éi avei proféta remimbo’ekue, che peteĩ tymba rerekuánte, ha añotỹ hígo matakuéra.

Amos 7:15

Ñanderuete katu cherenói che rymba apytégui ha he’i chéve: Tereho ha eprofetiza che retã Israel rehe.

Juan 7:15

Umi Judaygua ohecharamoite ha he’i joa: Mba’éicha piko Ha’e oikuaa porã Ñanderuete kuatiañe’ẽ, avave nombo’éi ramo ichupe.

Apostolkuéra 3:10

Oikuaa porã hikuái ha’eha pe oguapyva’ekue Ñanderuete róga Rokẽ Porãme ha ojerurémi pirapire, upérõ ohecharamo joaite ha ipy’andýi hikuái umi mba’e hese oikova’ekue rehe.

Apostolkuéra 4:13

Umi mburuvicha ohecha ramo mba’éichapa Pédro ha Juan py’aguasúpe omombe’u Hesu Crísto evangélio, oikuaa porã voi ha’ekuéra ndoike areiha escuélape ni noñemoarandúi hague yvy arigua arandúpe, upévare ohecharamoite hikuái.

Apostolkuéra 9:21

Oñemondyipa umi ohendúva guive ichupe, ha he’i joa: Ndaha’éi piko kóva pe operseguiva’ekue Hesu Crísto reheguávape Jerusalénpe, ha ko’ápe ou oporoapresa ha oporogueraha hag̃ua avei pokuapýpe Jerusalénpe pa’iguasukuéra rendápe.

1 Samuel 19:24

Ha Saul oipe’a ijaokuéra, ha oprofetiza Samuel rovake ha oiko opívo upe ára ha pyhare javeve. Péva rupi oje’e: Saul piko oikóma avei profetakuéra apytépe.