1 Samuel 10:1

Ñanderuete Ñe’ẽ Porã 2015

Upéramo Samuel oguenohẽ peteĩ acéite ryru ha oñohẽ Saul akã rehe, ha ohetũvo ichupe he’i: Ñanderuete ndeporavóma Israel retã ruvicharã ramo.

Referencias Cruzadas

2 Samuel 1:14

Ha mba’éicha piko nderekyhyjéi remopu’ã hag̃ua nde po ha rejuka hag̃ua Jahve rembiporavopyrépe.

2 Samuel 19:39

Upérõ opaite tetãygua ohasa pe Jordan; ha tetã ruvicha David ohasa rire pe Jordan, ha’e ohetũ Barziláipe ha ohovasa ichupe, ha upéi ha’e ojevy hógape.

2 Samuel 20:19

Ore táva ohayhu py’aguapy ha nomoambuéi heko Israel táva apytépe; ha nde reñeha’ã rembyai hag̃ua peteĩ táva sy reheguáva Israel retãme. Mba’érehe piko rembyaireína Ñanderuete mba’éva.

2 Samuel 5:2

Kueheve árama voi, Saul oresãmbyhývo gueteri, nde voi regueraha Israel retãyguakuéra ñorãirõme ha regueru jevy. Ko’yteve katu Ñanderuete he’íkuri ndéve: Nde reñangarekova’erã che retã Israel rehe, ha ndetaha Israel retã ruvicha.

1 Réyes 1:34

Ha upépe pa’i Sadoc ha proféta Natan omonáta iñakã rehe acéitepe Israel retã ruvicharã ramo, ha pembopúta turu ha pejéta: Toikove ore retã ruvicha Salomón.

1 Réyes 19:18

Ha Che aheja hemby hag̃ua 7000 Israelgua noñesũiva’ekue Baal renondépe, ha ijurukuéra nohetũiva’ekue ichupe.

2 Réyes 20:5

Ejevy, ha ere Ezequíaspe, che retã ruvichápe: Péicha he’i pende Ruete, David, nde ru Jára: Che ahendúkuri ne ñembo’e, ha ahecha nde resay, péina ápe Che romongueráta; mbohapy arahápe rejupíta che rogaguasúpe.

2 Réyes 9:1

Upéramo pe proféta Eliséo ohenói peteĩ proféta remimbo’épe, ha he’i ichupe: Ejeku’a jokua ha eraha ko acéite ryru nde pópe, ha tereho Ramot, Galaad peguápe.

2 Réyes 9:12

Ha’ekuéra katu he’i: Japu, emombe’u porãna oréve ko’ág̃a voi. Ha ha’e omombe’u ichupekuéra: Péicha he’i Ñanderuete: Che romona acéite reheve Israel retã ruvicha ramo.

Salmokuéra 135:4

Ñanderuete oiporavo Jacóbope ha Israélpe imba’etee ramo.

Salmokuéra 2:12

Pemomba’eguasúke Ita’ýrape, ani hag̃ua pemanomba tapére sapy’aitépe ipochy rupi. Ovy’aite ningo opaite umi ojeroviáva Ñanderuete rehe.

Salmokuéra 78:71

Ijovecha imembývagui ogueru ichupe, oñangareko hag̃ua hetãre, Jacóbo rehe, hetãtee Israel rehe.

Éxodo 30:23

Ejapyhy mba’e ryakuã porãva: Mírra (yvyra aysy iporãva) 5,58 kílo; canéla hyakuã porãva, 2,79 kílo; cálamo hyakuã porãva, 2,79 kílo;

Jeremías 10:16

Ndaupéichai Jacóbo Jára, Ha’e ningo opaite mba’e Apohare, ha Israel imba’etee; Ñanderuete réra: Yvága Atykuéra Jára.

Ezequiel 16:13

Péicha reñembojeguakapa óro ha óro morotĩgui, ha reñemonde ao séda ha ojeguapávape; re’u trígo ku’i iporãvéva, eíra ha acéite; ha reñemoporãiterei, ha reñemyakãrapu’ã oiko peve ndehegui tetã ruvichaguasu.

Oséas 13:2

Ha oñemohembiapo vaive ohóvo, ojapo ijára pyahu ra’ãngakuéra plátagui (óro morotĩgui), umi kuimba’e katupyrýva ojapokuaa háicha. Ha oipota hikuái oñekuave’ẽ umívape g̃uarã ha ohetũ joa hag̃ua ichupekuéra.

Apostolkuéra 13:21

Upéi Israelguakuéra ojerure asy avei peteĩ tetã ruvicháre ha Ñanderuete ome’ẽ ichupekuéra Saul, Cis ra’ýpe, peteĩ kuimba’e Benjamin tríbugui, 40 áño pukukue ha’e oisãmbyhy Israélpe.

Deuteronómio 32:9

Israel Ñanderuete mba’e, Jakóbo rembieja opyta ichupe g̃uarã.

1 Tesalonicayguakuérape 5:26

Pemomaitei opaite hermanokuérape ñehetũ (béso) potĩme.

hebreoyguakuerape 2:10

Ñanderuetépe g̃uarã ojejapo opaite mba’e ha Ha’érupi opaite mba’e oikohína avei. Ñanderuete ogueru heta ta’ýra ha tajýra isalvacion rapépe Hesu Crísto ñemano rupi. Hesu Crísto ohasa asyetégui hekovépe heko oĩ porãmba hag̃ua.

Apocalípsis 5:8

Ha’e orecibívo pe kuatiañe’ẽ umi irundy tekove oikovéva ha umi 24 karai anciáno ojeity pe Ovechara’y renondépe ha peteĩteĩ umi karai anciáno oguereko ipópe peteĩ mbarakaguasu ha peteĩ váso oroguiguáva henyhẽva mba’e ryakuã porãgui, ko’ãva ningo umi heko potĩva ñembo’e.

1 Samuel 12:3

Ápe aĩ, peñe’ẽke cherehe Ñanderuete renondépe ha pe Ha’e oiporavova’ekue renondépe, omonávo ichupe acéitepe, oime ramo añemomba’e rei pende guéi térã pende búrro rehe térã oime ramo che añe’ẽ pohýi rei térã ajahéi rei peteĩva rehe, térã ajapyhy pirapire ajehesa mboty hag̃ua, umíva tou ha tomombe’u, ha che amyengoviapaitéta ichupekuéra.

1 Samuel 13:14

Ko’ág̃a nande’aremo’ãi tetã ruvicha ramo, Ñanderuete ohekáma ambue kuimba’e oñembopy’apetẽiva hendive ha upéva Ñanderuete oiporavóma avei Israel retã ruvicharã ramo nde remboykégui Ñanderuete ñe’ẽ, Ha’e he’imava’ekue ndéve.

1 Samuel 15:1

Upéi Samuel he’i Saúlpe: Ñanderuete voi chemondova’ekue roiporavo hag̃ua, romonávo acéitepe Israel retã ruvicha ramo, upévarehe ejapóke hekoitépe Ñanderuete ñe’ẽ.

1 Samuel 15:17

Ha Samuel he’i: Jepémo nde voi reñemomirĩ aja, ndoikóipa ndehegui Israel retã ruvicha, ha Ñanderuete voi piko nandeporavoiraka’e.

1 Samuel 16:1

Ñanderuete he’i Samuélpe: Araka’e pevépa rejahe’óta Saul rehe. Che voi amboykékuri ichupe anive hag̃ua oiko Israel ruvicha ramo. Emyenyhẽ peteĩ tymba ratĩngue acéitegui, ha tereho, Che romondóta Isai rendápe oikóva Belénpe, ita’yrakuéra apytégui aiporavóma Israel retã ruvicharã.

1 Samuel 16:13

Ha Samuel ojapyhy pe acéite oĩva hymba ratĩnguépe ha omona hese acéitepe ityke’yrakuéra apytépe; ha pe ára guive tenonderã gotýo Ñanderuete Pytu Porãitéva ou David ári. Uperire Samuel opu’ã ha oho jevy Ramápe.

1 Samuel 2:10

Ñanderuete renondépe ipehẽnguepáta hese ija’e’ỹva, ha hi’arikuéra Ha’e osunúta ára guive; Ñanderuetépe ombojovake yvy apýra peve, Ha’e omombarete hetã ruvichápe ha ombotuicha tuichave ohóvo. Ha’e ombotuicha umi oiporavova’ekuépe.

1 Samuel 24:6

Ha he’i iñirũnguérape: Ñanderuete tachepytyvõ ani hag̃ua ajapo umi mba’evai che jára rehe, Ñanderuete omonava’ekue acéite rehe (oiporavova’ekue), ani hag̃ua amopu’ã che po hese, Ñanderuete voi oiporavo haguére ichupe.

1 Samuel 26:11

Ñanderuete anítei oheja che aipyso che po Ha’e voi oiporavova’ekue rehe. Eraha katu ijyvyra puku akua oĩva iñakã gotýo, hi’y ryru avei ha jaha.

1 Samuel 26:9

David katu he’i Abisaípe: Anítei rejuka ichupe. Oimeraẽ omopu’ãva ipo Ñanderuete oiporavova’ekuére ojehavirava’erã katuete.

1 Samuel 8:19

Ha umi tetãygua katu nohenduséi Samuel ñe’ẽ, ha he’i: Nahániri, oĩva’erã ore ári avei peteĩ tetã ruvicha.

1 Samuel 8:9

Ejapo hembipota, eavisa porã katu ichupekuéra ha ehechauka mba’eichagua teko ha pu’akápa ome’ẽva’erã hetã ruvicharãme.

1 Samuel 9:16

Ko’ẽramo ko horaitépe amboúta ne rendápe peteĩ kuimba’e Benjamingua ha nde remonáta (reiporavóta) ichupe Israel retã ruvicha ramo, ha he’ive avei: Saul oipe’áta che retãme Filisteayguakuéra poguýgui. Che ahecháma che retãme ha imba’e jerure asy og̃uahẽma che rendápe.

1 Samuel 9:27

Ha oguejývo hikuái táva rembe’y gotýo, Samuel he’i Saúlpe: Ere ne rembiguáipe toñemotenondemive. Ha pe tembiguái oñemotenonde rire, nde eha’ãrõ sapy’a tamyesakã ndéve Ñanderuete rembipota.