1 Samuel 1:26

Ñanderuete Ñe’ẽ Porã 2015

Ha Ána he’i ichupe: Nde karaiguasu, nde rekovére, che ningo pe kuñakarai añembo’eva’ekue ko’ápe nde ypýpe Ñanderuetépe ha ajerure ichupe che membyrã rehe.

Referencias Cruzadas

Genesis 42:15

Ko’ã mba’épe poha’ãta, faraon rekovére, napesẽmo’ãi ko’águi, ou peve pende ryvy imitãvéva.

2 Samuel 11:11

Ha Urías he’i jevy Davídpe: Ñande Ruete karameg̃ua oĩ carpaguýpe, Israelgua ha Judayguakuéra, che jára Joab, ha che jára rembiguaikuéra oikopa ñúre. Ha chépa aikéta che rógape akaru ha amboy’u hag̃ua ha ake hag̃ua che rembireko ndive. Nde rekove rehe, ha ne ánga rekove rehe, che ndajapomo’ãi ko’ãichagua mba’e.

2 Samuel 14:19

Ha pe tetã ruvicha he’i: Noĩripa Joab po nendive opaite ko’ã mba’e ko’ãva rapykuéri. Pe kuña oñe’ẽ jevy ha he’i: Toikove che jára ánga nañañemboykekuaái akatúa térã asu gotýo, opaite che jára ha che retã ruvicha he’iva’ekuégui; añetéko, ne rembiguái Joab voi chembou, ha ha’e omoĩ ne rembiguái jurúpe ko’ã ñe’ẽ ko’ãva.

2 Réyes 2:2

Ha Elías he’i Eliséope: Ko’ág̃a epyta ko’ápe, Ñanderuete chemondógui Betélpe. Ha Eliséo he’i ichupe: Ñanderuete rekove rehe ha ne ánga rekovére che ndorohejamo’ãi. Ha oguejy hikuái oñondive Betélpe.

2 Réyes 2:4

Ha Elías he’i jevy ichupe: Eliséo ko’ág̃a epyta ko’ápe, Ñanderuete chemondógui Jericópe. Ha ha’e he’i: Ñanderuete rekove rehe ha ne ánga rekove rehe che ndorohejamo’ãi. Ha ou hikuái oñondive Jericópe.

2 Réyes 2:6

Ha Elías he’i Eliséope: Ajerure ndéve epytána ko’ápe, Ñanderuete chemondógui Jordánpe. Ha ha’e he’i: Ñanderuete rekovére ha ne ánga rekovére, che ndorohejamo’ãi, ha mokõivéva oho jey oñondive.

2 Réyes 4:30

Ha pe mitã sy he’i: Ñanderuete rekovére ha ne ánga rekovére, upéicha che ndorohejamo’ãi.

1 Crónicas 4:10

Ha Jabes ohenói Israel Járape, he’ívo: Cherovasa nga’ura’e, ha embotuichave chéve ko che yvy aikohápe, ha nde po oĩ nga’u chendive, ha chesalva mba’e vaígui, ani hag̃uátei chembyai. Ha Ñanderuete ome’ẽ ichupe imba’ejerure.

1 Samuel 17:55

Saul ohechávo Davídpe mba’éichapa ha’e oho ojeity hag̃ua pe Filisteaygua ári, he’i Abner isoldádo ruvichápe: Abner, mávapa ko mitãrusu ru, ha Abner he’i ichupe:

1 Samuel 20:3

Ha David oñe’ẽ jevy he’ívo: Nde ru oikuaa voi nde cherayhuha, ha he’íta: Jonatan ani oikuaa, anítei hi’ánga oñembyasy; añetehápe Ñanderuete ha ne ánga rekovére che ha’e ndéve, che ag̃uahẽmaha che ñemano rokẽme.

1 Samuel 25:26

Upévare ko’ág̃a, che jára, Ñanderuete ha ne ánga rekovére Ha’e ndohejái gueteri reñohẽ tuguy, ha remyengoviapa nde po rupiete. Nabálicha toiko nderehe ija’e’ỹva, ha mayma oñeha’ãva ojapo hag̃ua ivaíva nde, che jára rehe.