1 Samuel 1:21

Ñanderuete Ñe’ẽ Porã 2015

Uperire Elcána ojupi jevy mayma hogaygua ndive Sílope, oikuave’ẽ hag̃ua kuave’ẽmby ojepokuaa háicha ha ojapo hag̃ua iñe’ẽme’ẽ (ipromésa).

Referencias Cruzadas

Genesis 18:19

Che ningo aikuaa voi ha’e he’itaha iñemoñarenguérape oiko hag̃ua che rape rehe, oiko hag̃ua hekoitépe ha pe añetegua rapére, upévare ajapopáta umi mba’e ha’eva’ekue guive Abrahámpe.

Salmokuéra 101:2

Añeha’ãmbáta aguata porã nde rape porã rehe. Aikose py’apyñe’ẽ potĩme che róga ryepýpe.

Deuteronómio 12:11

Ha pe yvy pehẽngue Ñanderuete oiporãvóma omopu’ã hag̃ua hóga jojohuha, upépe peguerahava’erã opaite mba’e che ha’éva guive peẽme: Pene kuave’ẽmby ojehapypáva, pene diézmo, pene kuave’ẽmby ñemyengovia reheguáva ha opaite pene me’ẽmby peme’ẽséva guive pendejehegui Ñanderuetépe g̃uarã.

Deuteronómio 12:6

Ha upépente peguerahava’erã pene kuave’ẽmby ojehapypáva, pene diézmo, pene kuave’ẽmby ñemyengovia reheguáva, pene kuave’ẽmby ojehapypáva, ha pene me’ẽmby pendejeheguiete peikuave’ẽséva, ha pende tóro, pende ovecha ha kavara tenondeguáva;

Josué 24:15

Ha ivai ramováicha peẽme peiko hag̃ua pende Ruete rembiguái ramo, peiporavóke mávapepa peikose tembiguái ramo: Pende ru jára gua’u ysyry Éufrates mboypýri guarépe, térãpa Amorgua jarakuérape, ijyvýpe peikopeína. Che ha che róga katu roikóta Ñanderuete rembiguái ramo.

1 Samuel 1:3

Meme áño ko kuimba’e kóva osẽ itávagui ha oho oñembo’e ha oikuave’ẽ hag̃ua hymba rekove Ñanderuetépe g̃uarã Sílope, oikohápe mokõi Eli ra’y, Ofni ha Finees, Ñanderuete pa’i ramo.

1 Samuel 2:19

Ha isy ojapo jepi ichupe g̃uarã peteĩ akã ahoja’i ha ogueru ichupe meme áñonte, ojupi ramo iména ndive oikuave’ẽ hag̃ua hymba rekove ojepokuaa háicha.