1 Samuel 1:19

Ñanderuete Ñe’ẽ Porã 2015

Ha opu’ã hikuái pyhareve omomba’eguasu hag̃ua Ñanderuetépe, ha oho jevy hógape, oĩva Ramápe. Ha Elcána oñeno hembireko Ána ndive ha Ñanderuetépe imandu’a hese.

Referencias Cruzadas

Genesis 21:1

Ha Ñanderuete ojapopa Sára rehe he’i hagueichaite.

Genesis 30:22

Ha Ñanderuete imandu’a avei Raquel rehe ha ohendu ichupe ha oheja ha’e imemby hag̃ua.

Genesis 4:1

Adan oiko hembireko Éva ndive. Ha’e hyeguasu ha imemby Cain, ha he’i: Ñanderuete rupi chememby peteĩ mitãkuimba’e.

Genesis 8:1

Ha Ñanderuete imandu’a Noe rehe, umi mymba ha opaite mymba saite rehe oĩva guive hendive pe barcoguasúpe; ha Ñanderuete ombou yvy ári peteĩ yvytu atã, oguejy hag̃ua ohóvo umi yeta.

2 Réyes 4:17

Ha pe kuñakarai ou hyeguasu ha imemby peteĩ mitãkuimba’e pe áño ambuépe, Eliséo he’i haguéicha ichupe.

Salmokuéra 119:147

Ko’ẽmba mboyve che rohenói, ajeroviaitégui ne ñe’ẽ rehe.

Salmokuéra 136:23

Ha’e imandu’ahína ñande ñaime vaiete jave, ha imborayhu ndopamo’ãi araka’eve.

Salmokuéra 25:7

Ani nemandu’átei che rembiapo vai ha che jejavy rehe che mitãrusu ára peguare, nemandu’a uvei nde poriahuvereko ha ne mborayhu rehe, Nde, che Ruete.

Salmokuéra 5:3

Nde, che Ruete, pyharevete ramo ehendumi che ñe’ẽ, pyharevete añemoĩ ne renondépe, ndehegui aha’ãrõ ñepytyvõrã.

Salmokuéra 55:17

Ka’aru pytũme, pyhareve ha asajekuépe añembo’éta ha amba’ejerure asýta, ha Ha’e ohendúta che ñembo’e.

Márcos 1:35

Ha opu’ã ko’ẽmbotávo, pytũmi gueteri, osẽ ha oho oñembo’e hag̃ua peteĩ desiértope.

Lúcas 23:42

Ha upéi he’i Hesúpe: Hesu, nemandu’amína cherehe reju vove ne retãguasúpe.

Josué 18:25

Gabaon, Rama, Beerot,

1 Samuel 1:1

Oikova’ekue peteĩ kuimba’e Ramataímpe, peteĩ Zofimgua, Efrain cérrogui ouva’ekue, hérava Elcána, Jeroham ra’y, Eliu ra’yre, kóva Tohu ra’yre ha kóva Zuf ra’yre, peteĩ Efraingua.

1 Samuel 1:11

Ha oñembo’évo he’i: Yvága atykuéra Jára, ema’ẽ ne rembiguái jepy’apy rehe, ha ani nderesarái chehegui ha reme’ẽ ramo chéve che membyrã, peteĩ kuimba’e, che voi aikuave’ẽ jevýta ndéve hekove, ha iñakã rehe noñembohasamo’ãi kyse hãimbe (oikóta Nazaréo ramo).

1 Samuel 15:34

Uperire Samuel oho Rámape, ha Saul ojupi hogaitépe, oĩva Gibéape.

1 Samuel 16:13

Ha Samuel ojapyhy pe acéite oĩva hymba ratĩnguépe ha omona hese acéitepe ityke’yrakuéra apytépe; ha pe ára guive tenonderã gotýo Ñanderuete Pytu Porãitéva ou David ári. Uperire Samuel opu’ã ha oho jevy Ramápe.

1 Samuel 19:18

David okañy ha ou Samuel rendápe, Ramápe, ha omombe’upa ichupe Saul ojapova’ekue guive hese. Upéi David ha Samuel oho oiko hag̃ua profetakuéra rekohápe.

1 Samuel 2:11

Ha Elcána oho jevy hóga Rama peguápe; ha Samuel opyta Ñanderuete rembijokuái ramo Eli renondépe.

1 Samuel 25:1

Samuel omano ha mayma Israelgua, oñembyaty oguerojahe’o hag̃ua ichupe; ha oñotỹ hikuái ichupe hóga ykére, Ramápe. Ha opu’ã David ha oho Paran desiértope.

1 Samuel 7:17

Upéi ojevy Ramápe, oĩháme hóga, ha upépe ombojovake avei Israelguakuérape; upépe omopu’ã peteĩ kuave’ẽmby renda Ñanderuetépe g̃uarã.

1 Samuel 8:4

Upéramo opaite Israel karai anciáno oñembyaty ha ou Ramápe Samuel rendápe,

1 Samuel 9:26

Ha ambue árape voiete opu’ã hikuái, ha ko’ẽtĩmbotávo Samuel ohenói Saúlpe, oĩva hína pe óga ape ári, ha he’i: Epu’ã toromomaitei paha. Upéi Saul opu’ã, ha osẽ hikuái, ha’e, hembiguái ha Samuel.