1 Samuel 1:12

Ñanderuete Ñe’ẽ Porã 2015

Péicha ha’e oñembo’e puku aja Ñanderuete renondépe, Eli oma’ẽ mbuku ijuru rehe.

Referencias Cruzadas

Lúcas 18:1

Hesu omombe’u ambue ñe’ẽ mbojoja, ohekombo’égui hemimbo’ekuérape ñañembo’e tapiava’erãha, ñañemokangy’ỹre.

Efesoyguakuérape 6:18

Peñembo’e tapiákena pe Pytu Porãmbáva oipota háicha, aníke pendepy’a kangy, pejerurepeína pene ñembo’épe opaite Hesu Crísto reheguáva rehe.

Colosayguakuérape 4:2

Peñembo’e penekangy’ỹre, peñangareko pendejehe ha peagradece Ñanderuetépe.

1 Tesalonicayguakuérape 5:17

Ani pepoi pene ñembo’égui ni peẽ pendekangy, peñembo’e pehóvo uvei (Ñanderuete ome’ẽ meve pejeruréva térã Ha’e ombotove peve), (Lúcas 18,1-7; 2 Corintoyguakuérape 2,7-10).

Tiágo 5:16

upévare pemombe’u ojupe pene angaipa, (tembiapo vai) ha peñembo’e ojuehe, Ñanderuete penemokyre’ỹ ha penemonguera hag̃ua. Heko potĩva ñembo’e heta mba’e ojapokuaa.

1 Samuel 1:11

Ha oñembo’évo he’i: Yvága atykuéra Jára, ema’ẽ ne rembiguái jepy’apy rehe, ha ani nderesarái chehegui ha reme’ẽ ramo chéve che membyrã, peteĩ kuimba’e, che voi aikuave’ẽ jevýta ndéve hekove, ha iñakã rehe noñembohasamo’ãi kyse hãimbe (oikóta Nazaréo ramo).

1 Samuel 1:13

Ána katu oñe’ẽ ipy’apýpe, hembénte omomýi, iñe’ẽ katu noñehendúi; ha Eli oimo’ã ha’e oka’uha.