1 Samuel 1:11

Ñanderuete Ñe’ẽ Porã 2015

Ha oñembo’évo he’i: Yvága atykuéra Jára, ema’ẽ ne rembiguái jepy’apy rehe, ha ani nderesarái chehegui ha reme’ẽ ramo chéve che membyrã, peteĩ kuimba’e, che voi aikuave’ẽ jevýta ndéve hekove, ha iñakã rehe noñembohasamo’ãi kyse hãimbe (oikóta Nazaréo ramo).

Referencias Cruzadas

Genesis 28:20

Ha Jacóbo ome’ẽ iñe’ẽ Ñanderuetépe ha he’i: Nde chemoirũ ramo ha reñangareko ramo cherehe mamo ahaha rupi, ha reme’ẽ ramo chéve che rembi’urã, che aorã amonde hag̃ua,

Genesis 29:32

Léa hyeguasu, ha imemby peteĩ mitãkuimba’e, ha isy ombohéra ichupe Ruben, he’ígui péicha: Ñanderuete ohechágui che py’a ñembyasy; ha péicharupi ko’ág̃a che ména, cherayhu manteva’erã.

Genesis 30:22

Ha Ñanderuete imandu’a avei Raquel rehe ha ohendu ichupe ha oheja ha’e imemby hag̃ua.

Genesis 8:1

Ha Ñanderuete imandu’a Noe rehe, umi mymba ha opaite mymba saite rehe oĩva guive hendive pe barcoguasúpe; ha Ñanderuete ombou yvy ári peteĩ yvytu atã, oguejy hag̃ua ohóvo umi yeta.

2 Samuel 16:12

Ikatúntemo Ñanderuete oma’ẽ che jepy’apy asy rehe, ha ome’ẽ chéve mba’eporã ko ára pegua ko maldicion rekovia.

Salmokuéra 25:18

Ema’ẽmína che jepy’apy asy ha che jehasa asy rehe, ha cheperdonami opaite che rembiapo vaíre.

Éxodo 4:31

Ha hetãyguakuéra oguerovia; ha ohendúvo hikuái Ñanderuete oúma oñandu hag̃ua Israel ñemoñarenguérape ha Ha’e ohecha hague iñangekõinguéra, oñesũ hikuái ha omomba’eguasu Ñanderuetépe.

Mga Kawikaan 31:2

Mba’épa che ha’éta, che memby ahayhuetévape, mba’épa che ha’éta che memby che ryepy peguarépe, ha mba’épa rohekombo’evéta che memby ajerureiteva’ekuépe:

Eclesiástes 5:4

Nde rejapo ramo peteĩ promésa Ñanderuetépe, aníke reha’ãrõ rejapo peve, ejapo pya’e uvei nde reprometeva’ekue. Ha’e ndaipy’a rorýigui umi heko ñembotavýva ndive.

Levítico 27:2

Eñe’ẽ Israel ñemoñarenguérape ha ere ichupekuéra: Oime ramo peteĩ kuimba’e ome’ẽséva iñe’ẽ (ipromésa, ivóto) rupi pende Ruetépe g̃uarã peteĩ hapicha rehe, ko hapicha repy ovaléta peteĩ tembiguái rei (esclávo) repy.

Números 21:2

Upéramo Israelguakuéra ome’ẽ iñe’ẽ Ñanderuetépe ha he’i hikuái: Nde reme’ẽ ramo ko tetã kóva ore pópe, ore rohundíta itavakuéra.

Números 6:11

Ha pe pa’i oikuave’ẽva’erã peteĩ guyra kuave’ẽmby angaipa reheguáva ramo omoĩ porã jevy hag̃ua ichupe pende Ruete renondépe, ha pe ambue guyra ojehapýta kuave’ẽmby ojehapypáva ramo, oñemongy’a haguére pe omanova’ekue retekue rehe ha oñemopotĩ jevýta iñakãrague (ijejavýgui).

Números 6:5

Oiko aja Nazaréo ramo noikytĩriva’erã hi’áva, oñemboty peve umi ára oñemboykeseha peve pende Ruetépe g̃uarã, ha’e oñemboheko porãve hag̃ua, ohejava’erã iñakã rague okakuaa.

Números 6:8

Oiko aja Nazaréo ramo, oñemboykéma pende Ruetépe g̃uarã.

Juéces 11:30

Ha Jefte ome’ẽ iñe’ẽ Ñanderuetépe, ha he’i: Remoĩ ramo Amonguakuéra che poguýpe,

Juéces 13:5

Eikuaa porãke, nde nderyeguasúta ha nemembýta peteĩ mitãkuimba’e, ani reikytĩ iñakãrague, pe mitãkuimba’e péva ningo Nazareorã, ha’e oñemboykéta Ñanderuetépe g̃uarã ha ha’e oñepyrũta osalva Israélpe Filisteayguakuéra poguýgui.

1 Samuel 1:10

Ána oñembyasy asývo oñembo’e Ñanderuetépe ha heta ojahe’o.

1 Samuel 1:12

Péicha ha’e oñembo’e puku aja Ñanderuete renondépe, Eli oma’ẽ mbuku ijuru rehe.

1 Samuel 1:19

Ha opu’ã hikuái pyhareve omomba’eguasu hag̃ua Ñanderuetépe, ha oho jevy hógape, oĩva Ramápe. Ha Elcána oñeno hembireko Ána ndive ha Ñanderuetépe imandu’a hese.

1 Samuel 1:22

Ána katu ndojupiséi, he’ínte iménape: Che ndajupimo’ãi ko mitã kóva opo’o peve, ikatu hag̃uáicha araha ha amoĩ Ñanderuete renondépe, ha upépe opyta hag̃ua opaite árape.

1 Samuel 1:27

Ko mitã kóva rehe añembo’eva’ekue, ha Ñanderuete ome’ẽva’ekue chéve che rembijerure.

1 Samuel 1:28

Upévare ame’ẽ jevy ichupe Ñanderuetépe apromete haguéicha, ha’e oikove aja pukukue toiko che Jára mba’erã ramo, ha upéi omomba’eguasu hikuái Ñanderuetépe.

1 Samuel 2:20

Ha Eli ohovasa Elcána ha hembirekópe, he’ívo: Ñanderuete tome’ẽ ndéve heta ta’ýra ko kuñakarai kóva rupi, pe omba’ejerureva’ekue Ñanderuetépe, Samuel rendaguépe. Ha oho jevy hikuái hógape.