1 Juan 5:6

Ñanderuete Ñe’ẽ Porã 2015

Hesu Crísto ningo ouva’ekue y ha tuguy rupi, nda’y añói rupi, y ha tuguy rupi uvei. Ha pe Pytu Porãmbáva ningo oikuaauka péva, pe Pytu Porãmbáva ha’égui pe añetegua.

Referencias Cruzadas

Ezequiel 36:25

Ahypýita pendeári y potĩ porãitéva penepotĩ hag̃ua opaite pende reko vaikuégui; ha Che pomopotĩta mayma pende jára gua’úgui.

Levítico 17:11

Opaite oikovéva rekove oĩ huguýpe, upévare Che ha’éma peẽme pemoĩ porã jevy hag̃ua pene ánga tuguy rupi, peikuave’ẽvo kuave’ẽmby renda ári.

Zacarías 9:11

Ha pe ñe’ẽ rehe Che ame’ẽva’ekue tuguy reheve, Che aguenohẽmba jevýta nde jepokuapyhakuérape ykua hypývagui.

Matéo 26:28

Kóva ha’e che ruguy oñembopy’apeteĩ pyahu hag̃ua ha oñeñohẽva heta rehehápe, ombogue hag̃ua yvyarigua angaipakuéra.

Matéo 3:16

Hesu ojebautiza rire ha osẽvo ýgui ojepe’a pe yvága ha ojehecha Ñanderuete Pytu Porãitéva oguejyha oúvo pykasúicha Hesu ári.

Márcos 14:24

Ha Hesu he’i ichupekuéra: Kóva ningo che ruguy, tuguy ñembopy’apeteĩ pyahu reheguáva, oñeñohẽva heta rehehápe.

Lúcas 22:20

Ho’upa rire hikuái pe pan, Hesu ojapyhy avei pe váso ha he’i: Ko váso kóva ningo pe ñembopy’apeteĩ (jekupyty) pyahu yvyariguakuéra ndive, ha upévare oñeñohẽtava che ruguy penderehe.

Juan 14:17

Pe Pytu Añeteguáva, ko múndo ndaikatúi orecibi, ha’ekuéra ndohecháigui ni ndoikuaáigui ichupe. Peẽ katu peikuaa ichupe, Ha’e opytátagui penendive ha oikova’erã pendepype.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 15:26

Ouva’erã pene Pytyvõhára, pe Pytu Porãmbáva, che Ruete omboútava pene rendápe, Ha’e chembotuicháta pende apytépe ha opytáta che rechahare ramo.

Juan 16:13

Opáichavo og̃uahẽta katuete pe ára pe Pytu Añeteguáva oikuaaukáta peẽme pe añetegua ha penemboguatáta añetegua rape rehe, Ha’e noñe’ẽmo’ãi ijehegui rei, omombe’úta uvei opaite mba’e ohendútava guive ha oikuaaukáta peẽme avei umi mba’e ojehuva’erãva.

Juan 3:5

Hesu ombohovái ichupe: Añetehápe, añetehápe, ha’e ndéve upe onace’ỹva y ha Pytu Porãmbávagui ndaikatúi oike Ñanderuete retãguasúpe.

Juan 4:10

Hesu ombohovái ichupe ha he’i: Reikuaa rire Ñanderuete remime’ẽ ha pe ojeruréva nde ymi, nde voi rejerureva’erãmo’ã ichupe, ha Ha’e ome’ẽva’erãmo’ã ndéve y oporomoingovéva.

Juan 4:14

Upe hoy’úva pe y oporomoingovéva Che ame’ẽtavagui ndaijy’uheivéima araka’eve. Pe y Che ame’ẽtava oporomoingovégui tapia g̃uarã.

Juan 6:55

Che ro’o ningo pe tembi’u añeteguáva, ha che ruguy pe ñemboy’u añeteguáva.

Apostolkuéra 8:36

Ha ohóvo hikuái pe tapére og̃uahẽ hikuái y oĩháme, ha pe Etiopiaygua he’i Felípepe: Ma’ẽ, oĩ ningo y, ko’ápe ikatu piko nde chebautiza.

Romayguakuérape 3:25

Ñanderuete oha’ãrõ Hesu Crísto ojejuka peve, ha ko’ág̃a opavave ojeroviáva guive hese ohupity Ñanderuete perdon hi’angaipakuéragui, umi angaipa ymaguare tetãyguakuéra ojapomava’ekue oñeñongatu ojehavira hag̃ua Hesu Crísto ñemano rupi.

Efesoyguakuérape 1:7

Hesu Crísto ruguy ñandesalva ha Ha’e operdona avei ñane rembiapo vai, ipy’aporã ituichaitégui.

Colosayguakuérape 1:4

rohendu guive peẽ pejerovia porãha Hesu Crísto rehe ha pehayhuhapeína opaite Hesu Crísto reheguávape.

1 Timotéope 3:16

Añetehápe mba’e tuichaitereíva ko’ã mba’e ñemi (ojehechaukamava’ekue umi ojeroviávape Hesu Crísto rehe): Hesu Crísto ojehechaukava’ekue yvyarigua retépe, Ha’e oiko katu heko potĩva ramo ipytu porãme. Ha’e ojehechaukava’ekue yvága rembiguaikuérape (angelkuérape), oñemyasãiva’ekue tetãnguéra apytépe, tetãyguakuéra ojerovia hese, ha upéi Ñanderuete ohupi Hesu Crístope heko jajaipa oĩháme.

Títope 3:5

ndaha’éi yvyarigua rembiapo porã rupi, iporiahuvereko rupi uvei Ha’e ñandesalva pe ára ñande jajebautiza ha ñanemonace pyahu jevy ramoguare pe Pytu Porãmbáva rupi,

hebreoyguakuerape 10:29

Katuete ipohyive pe jehavira upe opyrũvape g̃uarã Ñanderuete Ra’y rehe ha oguerekóva mba’e rei ramo Hesu Crísto ruguy ha pe ñembopy’apeteĩ pyahu ruguy, omotĩvo pe Pytu Oiporiahuverekóvape, pe omopotĩmava’ekue ichupe.

hebreoyguakuerape 12:24

upépe oĩ avei Hesu Crísto ombojoajúva Ñanderuete ha ita’yrakuéra ha itajyrakuéra pe ñembopy’apeteĩ (jekupyty) pyahu rupi, ome’ẽvo huguy ñande jahupitykuaa hag̃ua pe perdon; huguy oñe’ẽ porãve Abel ruguýgui.

hebreoyguakuerape 13:20

Ñanderuete, pe py’aguapy Jára, omoingove jevymava’ekue Hesu Crístope omanóva apytégui, Hesu Crísto ningo pe ovecha rerekuaguasu ha huguytee rupi Ha’e ñanembopy’apeteĩ jevy Ñanderuete ndive,

hebreoyguakuerape 9:14

Hesu Crísto katu ome’ẽ huguy, ho’a’ỹre angaipápe, Ñanderuete Pytu Porãite pu’aka tapia g̃uarãva rupi, ha huguy ningo pe kuave’ẽmby añeteguávante Ñanderuetépe g̃uarã, upévare Ha’émante omopotĩva’erã ñande py’apyñe’ẽ ñane angaipágui jaservi hag̃ua Ñanderuete oikovévape.

hebreoyguakuerape 9:7

Pe kotyguasu mokõiha katu Ñanderuete ha pa’iguasúpe g̃uarã, pe pa’iguasúnte ikatu oike peteĩ jevýnte meme áñope, katuete oguerahava’erã kuave’ẽmby ruguy hi’angaipatee rehe ha opaite ambue Israelguakuéra angaipáre, ojejapova’ekue oñemoĩse’ỹre Ñanderuete rehe, (Levítico 16; Números 15,22-31).

1 Pédro 1:2

Ñandejára Ñanderuete pendeporavo yma guivéma, pe Pytu Porãmbáva tapenemboheko porã, Hesu Crísto ruguy rupi, peẽ peneñe’ẽrendu hag̃ua; imborayhu ha ipy’aguapy tapenemyenyhẽve pehóvo.

1 Pédro 3:21

Upe y upéva ko’ág̃a ku ta’ãngáicha ñandesalva bautísmo rupi. Pe bautísmo voi ndaikatúi ñanemopotĩ ñande rete rembiapo vaígui, upévare jajerureva’erã Ñanderuetépe tome’ẽ ñandéve pe py’apyñe’ẽ porãva Hesu Crísto ñemano rupi.

1 Juan 1:7

Jaiko ramo tesapépe, Ha’e oĩ háicha tesapépe, upéicharamo jaiko porã avei oñondive, ha Hesu Crísto ruguy ñanemopotĩ opaichagua tembiapo vaígui. Hesu Crísto Ñanderuete Ra’y voi.

1 Juan 4:10

Pe mborayhu añeteguáva ou Ñanderuetégui, ha péicha ojehechauka ñandéve: Nañande raẽi jahayhu Ñanderuetépe, Ha’e raẽ uvei ñanderayhu, omboúvo Ita’ýra operdona hag̃ua ñane rembiapo vaikue (angaipa).

Apocalípsis 1:5

ha Hesu Crístogui, pe techahare heko peguáva ha pe oiko jey tenonde omanóva apytégui ha pe oikóva yvy ruvichaitevéva ramo tetã ruvichakuéra apytépe. Ha’e voi ningo ñanderayhuvahína ha ñandejoheiva’ekue ñane angaipágui huguytee rupi.

Apocalípsis 5:9

Ha opurahéi hikuái peteĩ purahéi pyahu he’íva: Ndémante ikatu erecibi pe kuatiañe’ẽ ha rejora ha’ãnga jopyhakuéra, rejejuka haguére orejogua hag̃ua Ñanderuetépe g̃uarã nde ruguy rupi, opaichagua tetãygua ha tríbu apytégui ha opaite ñe’ẽ ha tetãnguéra apytégui.

Apocalípsis 7:14

Ha che ambohovái ichupe: Che jára, nde ningo reikuaa. Ha ha’e he’i chéve: Ko’ãva ningo umi ouva’ekue upe jehasa asyguasúgui, ha’ekuéra ojohéi ha omomorotĩva’ekue ijaokuéra pe Ovechara’y ruguýpe.